ນະຄອນ ໂຮ່ຈີມິນ (ພາບປະກອບ)
ຕອນເຊົ້າວັນທີ 24/12, ຢູ່ສະໜາມບິນສາກົນ ເຕິນເຊີນເຍິດ, ນະຄອນ ໂຮ່ຈີມິນ ໄດ້ຕ້ອນຮັບນັກທ່ອງທ່ຽວສາກົນຜູ້ທີ 5 ລ້ານແມ່ນທ່ານ Chappe Bertrand , ສັນຊາດ ຝລັ່ງ ໃນຖ້ຽວບິນຂອງບໍລິສັດການບິນແຫ່ງຊາດ ຫວຽດນາມ (ຫວຽດນາມແອລາຍ). ການນຳນະຄອນໄດ້ຊົມເຊີຍ ແລະ ມອບຂອງຂວັນໃຫ້ນັກທ່ອງທ່ຽວຜູ້ນີ້.ນຳນວນນັກທ່ອງທ່ຽວສາກົນມານະຄອນ ໂຮ່ຈິມິນເພີ່ມຂຶ້ນສະເລ່ຍ 8,2%/ປີ, ລາຍຮັບສະເລ່ຍເພີ່ມຂຶ້ນ 16,4%, ກວມປະມານ 9% ໃນຍອດ GDP ຂອງນະຄອນ. ຕາມການສະຖິຕິຂອງຂະແໜງທ່ອງທ່ຽວ, ມາຮອດຈຸດເວລານີ້, ທົ່ວປະເທດຕ້ອນຮັບນັກທ່ອງທ່ຽວສາກົນ 10 ລ້ານເທື່ອຄົນ, ບັນລຸລະດັບສູງສຸດນັບແຕ່ກ່ອນມາຮອດປະຈຸບັນ, ເພີ່ມຂຶ້ນ 1,5 ລ້ານຄົນເມື່ອທຽບໃສ່ປີ 2016. ທ່ານນາງ ຫງວຽນທິທູ, ຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ, ໃຫ້ຮູ້ວ່າ:
“ນະຄອນ ໂຮ່ຈີມິນໄດ້ສູ້ຊົນ ແລະ ບັນລຸແຜນການທີ່ໄດ້ວາງອອກ. ໃນໄລຍະຈະມາເຖິງ, ພວກຂ້າພະເຈົ້າສ້າງທຸກເງື່ອນໄຂເພື່ອໃຫ້ຂະແໜງທ່ອງທ່ຽວຂອງນະຄອນພັດທະນາ. ໂດຍລະອຽດ, ພວກຂ້າພະເຈົ້າສືບຕໍ່ປັບປຸງແຜນຮ່າງວາງແຜນຂະແໜງທ່ອງທ່ຽວທາງນ້ຳ ແລະ ບັນດາການບໍລິການ, ການຄ້າອື່ນໆທີ່ມີຜົນສະທ້ອນເຖິງຂະແໜງທ່ອງທ່ຽວ“.
(ແຫຼ່ງຄັດຈາກ VOV)
