ຂ່າວສານ

ທ່ານ ຫງວຽນຝູຈ້ອງ ເລຂາທິການໃຫຍ່,ປະທານປະເທດ ຫວຽດນາມ ຖະຫວາຍທູບທຽນອາໄລຫາປະທານ ໂຮ່ຈີມິນ

11/02/2021

ເນື່ອງໃນໂອກາດບຸນປີໃຫມ່ປະຈຳຊາດ ທ່ານເລຂາທິການໃຫຍ່ ປະທານປະເທດຫວຽດນາມ ຫງວຽນຝູຈ້ອງ ປາດຖະຫນາຢາກໃຫ້ພະນັກງານ, ພາລະກອນ ຕ້ອນຮັບປີໃຫມ່ຢ່າງເບີກບານມ່ວນຊື່ນ ສ້າງຜົນງານຫລາຍກວ່າປີກາຍ.

ທ່ານຫງວຽນຝູຈ້ອງ ເລຂາທິການໃຫຍ່,ປະທານປະເທດຫວຽດນາມ ຖະຫວາຍທູບທຽນອາໄລຫາປະທານໂຮ່ຈີມິນ. ພາບ:vietnam+

ຕອນເຊົ້າວັນທີ 10 ກຸມພາ ທ່ານເລຂາທິການໃຫຍ່ ປະທານປະເທດຫວຽດນາມ ຫງວຽນຝູຈ້ອງ ໄດ້ໄປຖະຫວາຍທູບທຽນ ອາໄລຫາປະທານໂຮ່ຈີມິນ ຢູ່ເຂດປູຊະນີຍະສະຖານປະທານໂຮ່ຈີມິນ ທີ່ທຳນຽບປະທານປະເທດ. ນະທີ່ນີ້ ທ່ານເລຂາທິການໃຫຍ່ ປະທານປະເທດຫວຽດນາມ ຫງວຽນຝູຈ້ອງ ຊົມເຊີຍ ໝູ່ຄະນະພະນັກງານ ພາລະກອນ ເຂດປູຊະນີຍະສະຖານ ຍາມໃດກໍ່ມານະພະຍາຍາມສຳເລັດຫນ້າທີ່ວຽກງານທີ່ໄດ້ຮັບການມອບໝາຍ, ຄົ້ນຄ້ວາ ຮັກສາວັດຖຸພັນ ເອກະສານກ່ຽວກັບປະທານໂຮ່ຈີມິນເປັນຢ່າງດີ. ເນື່ອງໃນໂອກາດບຸນປີໃຫມ່ປະຈຳຊາດ ທ່ານເລຂາທິການໃຫຍ່ ປະທານປະເທດຫວຽດນາມ ຫງວຽນຝູຈ້ອງ ປາດຖະຫນາຢາກໃຫ້ພະນັກງານ, ພາລະກອນ ຕ້ອນຮັບປີໃຫມ່ຢ່າງເບີກບານມ່ວນຊື່ນ ສ້າງຜົນງານຫລາຍກວ່າປີກາຍ, ສືບຕໍ່ຮ່ຳຮຽນ ປະຕິບັດຕາມແບບຢ່າງຂອງປະທານໂຮ່ຈີມິນ ພ້ອມທັງແນະນຳ ເຜີຍແຜ່ຊີວິດ ພາລະກິດຂອງປະທານໂຮ່ຈີມິນ ເຖິງພໍ່ແມ່ພີ່ນ້ອງ ນັກຮົບໃນທົ່ວປະເທດ ແລະນັກທ່ອງທ່ຽວສາກົນເມື່ອມາຢ້ຽມຢາມເຂດນີ້.

(ແຫຼ່ງຄັດຈາກ VOV)

ສື່ມວນຊົນລາວ ຢັ້ງຢືນສາຍພົວພັນແບບພິເສດ ຫວຽດນາມ - ລາວ ແມ່ນສາຍພົວພັນມີໜຶ່ງບໍ່ມີສອງ

22/07/2026
ຂ່າວສານ

ເນື່ອງໃນໂອກາດສະເຫຼີມສະຫຼອງວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ - ຫວຽດນາມ ຄົບຮອບ 49 ປີ (18/07/1977 – 18/07/2026), ໜັງສືພິມ ປະເທດລາວ ຂອງສຳນັກຂ່າວສານປະເທດລາວ ຫາກໍ່ລົງບົດຂຽນໂດຍຢັ້ງຢືນ “ສາຍພົວພັນແບບພິເສດ ລາວ - ຫວຽດນາມ ແມ່ນສາຍພົວພັນມີໜຶ່ງບໍ່ມີສອງໃນໂລກ”.