ທີ່ການພົບປະ, ທ່ານເລຂາທິການໃຫຍ່ ຫງວຽນຝູຈ້ອງ ຊີ້ແຈ້ງວ່າ, ປີ 2021 ຜ່ານມາ, ເຖິງວ່າ ສະພາບການໂລກ ແລະ ພາຍໃນປະເທດ ປະສົບກັບຄວາມຫຍຸ້ງຍາກ, ສິ່ງທ້າທາຍ, ໂລກລະບາດ, ໄພທຳມະຊາດ ຢ່າງຮ້າຍແຮງກໍ່ຕາມ, ແຕ່ທົ່ວພັກ, ທົ່ວປວງຊົນ ແລະ ທົ່ວກອງທັບ ຍັງສາມັກຄີ, ເປັນຈິດໜຶ່ງໃຈດຽວກັນ, ຜ່ານຜ່າຄວາມຫຍຸ້ງຍາກ, ສິ່ງທ້າທາຍ, ບັນລຸໄດ້ໝາກຜົນ, ຜົນງານທີ່ສຳຄັນ, ຮອບດ້ານໃນທຸກຂົງເຂດ, ທັງປ້ອງກັນ, ຕ້ານໂລກລະບາດໂຄວິດ - 19 ຢ່າງມີປະສິດທິຜົນ, ທັງສຸມໃສ່ຮັກສາ,ຟື້ນຟູ ແລະ ພັດທະນາເສດຖະກິດ - ສັງຄົມ. ທ່ານ ຫງວຽນຝູຈ້ອງ ຮຽກຮ້ອງວ່າ:
ເພີ່ມທະວີການກໍ່ສ້າງ, ປັບປຸງພັກ, ສ້າງລັດແຫ່ງອຳນາດນິຕິບັນຍັດສັງຄົມນິຍົມ ແລະ ລະບົບການເມືອງຢ່າງປອດໃສ, ເຂັ້ມແຂງ, ປະຕິຮູບການບໍລິຫານ, ຕຸລາການ, ການປ້ອງກັນ, ຕ້ານການສໍ້ຫຼາດບັງຫຼວງ, ໄພຫຍໍ້ທໍ້, ຟຸມ ເຟືອຍ, ປະຕິບັດການປະຢັດ. ເພີ່ມທະວີການປ້ອງກັນຊາດ, ປ້ອງກັນຄວາມສະຫງົບ, ປົກປັກຮັກສາເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ, ຮັບປະກັນຄວາມວະຫງົບທາງການເມືອງ, ຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມ ແລະ ຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບເພື່ອພັດທະນາປະເທດໂດຍໄວ ແລະ ຍືນຍົງ.
(ແຫຼ່ງຄັດຈາກ VOV)
