ທ່ານເລຂາທິການໃຫຍ່ ຫງວຽນຟຸຈ້ອງ, ເລຂາຄະນະພັກການທະຫານສູນກາງ
ລົງຢ້ຽມຢາມ ແລະ ເຮັດວຽກກັບກົມໃຫຍ່ 2
(ພາບ: TTXVN)
ຕອນເຊົ້າວັນທີ 19/12, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ, ເລຂາຄະນະພັກການທະຫານສູນກາງ ໄດ້ລົງຢ້ຽມຢາມ ແລະ ເຮັດວຽກກັບກົມໃຫຍ່ 2, ກະຊວງປ້ອງກັນປະເທດ. ກ່າວຄຳເຫັນຢູ່ທີ່ນີ້, ທ່ານເລຂາທິການໃຫຍ່ ຫງວຽນຟຸຈ້ອງ ໃຫ້ຮູ້ວ່າ, ໃນຊຸມປີມໍ່ໆມານີ້, ສືບລາຊະການລັບກະຊວງປ້ອງກັນປະເທດໄດ້ສືບຕໍ່ເສີມຂະຫຍາຍມູນເຊື້ອອັນສະຫງ່າລາສີ, ຊາບຊຶມ ແລະ ປະຕິບັດບັນດາມະຕິ, ຄຳສັ່ງ ແລະ ການຊີ້ນຳຂອງກົມການເມືອງ, ຄະນະພັກການທະຫານສູນກາງ ແລະ ກະຊວງປ້ອງກັນປະເທດຢ່າງເຂັ້ມງວດ, ຜ່ານຜ່າບັນດາຄວາມຫຍຸ້ງຍາກ, ມານະພະຍາຍາມສູ້ຊົນ, ຂຸດຄົ້ນວິທີການເຄື່ອນໄຫວສືບລາຊະການລັບຢ່າງມີປະສິດທິຜົນ, ປະຕິບັດບັນດາໜ້າທີ່ວຽກງານເປັນຢ່າງດີ, ປະກອບສ່ວນສຳຄັນເຂົ້າໃນວຽກງານປ່ຽນໃໝ່, ສ້າງສາ ແລະ ປົກປັກຮັກສາປະເທດຊາດ. ທ່ານເລຂາທິການໃຫຍ່ ຫງວຽນຟຸຈ້ອງ ສະແດງຄວາມເຊື່ອໝັ້ນວ່າ, ກົມໃຫຍ່ສືບລາຊະການລັບກະຊວງປ້ອງກັນປະເທດ ຈະປະຕິບັດໜ້າທີ່ໜັກໜ່ວງແມ່ນອົງການສືບລາຊະການລັບຍຸດທະສາດຂອງພັກ, ລັດ ແລະ ອົງການສືບລາຊະການລັບສະເພາະຂະແໜງການທະຫານຂອງຄະນະພັກການທະຫານສູນກາງ, ກະຊວງປ້ອງກັນປະເທດໃຫ້ສຳເລັດຜົນ...
ລົງຢ້ຽມຢາມ ແລະ ເຮັດວຽກກັບກົມໃຫຍ່ 2
(ພາບ: TTXVN)
(ແຫຼ່ງຄັດຈາກ VOV)
