ທ່ານເລຂາທິການໃຫຍ່ຫງວຽນຟຸຈ້ອງຕ້ອນຮັບລັດຖະມົນຕີກະຊວງປ້ອງກັນປະເທດສະຫະພັນລັດເຊຍ
(ພາບ: TTXVN)

       ຍາມໃດຫວຽດນາມ ກໍ່ສະໜັບສະໜູນ ແລະ ປາດຖະໜາວ່າ ສະຫະພັນລັດເຊຍ ສວມບົດບາດໃຫຍ່ຫຼວງກວ່າອີກໃນພາກພື້ນອາຊີ - ປາຊີຟິກ ແລະ ຖືນີ້ແມ່ນປັດໃຈຕັ້ງໜ້າສຳລັບສັນຕິພາບ ແລະ ສະຖຽນລະພາບຢູ່ພາກພື້ນ ແລະ ໃນໂລກ. ທ່ານເລຂາທິການໃຫຍ່ ເຊື່ອໝັ້ນວ່າ, ບັນດາໝາກຜົນທີ່ບັນລຸໄດ້ໃນການຢ້ຽມຢາມຫວຽດນາມ ຢ່າງເປັນທາງການຄັ້ງນີ້ຂອງທ່ານລັດຖະມົນຕີ Sergey Shoygu ຈະປະກອບສ່ວນປັບປຸງ ແລະ ເຮັດໃຫ້ການພົວພັນຄູ່ຮ່ວມມືຍຸດທະສາດລະຫວ່າງຫວຽດນາມ ແລະ ສະຫະພັນລັດເຊຍ ເລິກເຊິ່ງກວ່າອີກ, ພິເສດແມ່ນໃນຂອບເຂດການຮ່ວມມືດ້ານປ້ອງກັນຊາດ ແລະ ເຕັກນິກການທະຫານ.

      ສ່ວນທ່ານລັດຖະມົນຕີ Sergey Shoygu ເນັ້ນໜັກວ່າ, ສະຫະພັນລັດເຊຍ ຈະມານະພະຍາຍາມກວ່າອີກ ເພື່ອປະຕິບັດບັນດາຂໍ້ຕົກລົງຮ່ວມມືທີ່ໄດ້ລົງນາມໃນບັນດາຂົງເຂດ, ໂດຍສະເພາະແມ່ນການຮ່ວມມືປ້ອງກັນຊາດ ແລະ ເຕັກນິກການທະຫານ, ສ້າງການຫັນປ່ຽນຢ່າງແທດຈິງໃນການພົວພັນ 2 ຝ່າຍ.

  ໃນຕອນບ່າຍວັນດຽວກັນ, ທ່ານເລຂາທິການໃຫຍ່ ຫງວຽນຟູ້ຈ້ອງ ກໍໄດ້ໃຫ້ການຕ້ອນຮັບທ່ານປະທານສະພາແຫ່ງຊາດມົງກົນ Miyegombo Enkhbold ຊຶ່ງພວມຢ້ຽມຢາມຫວຽດນາມຢ່າງເປັນທາງການ. ທີ່ການຕ້ອນຮັບ, ທ່ານເລຂາທິການໃຫຍ່ ຫງວຽນຟູ້ຈ້ອງ ຢືນຢັນວ່າ ຫວຽດນາມຍາມໃດກໍຖືເປັນສຳຄັນການພົວພັນຮ່ວມມືມິດຕະພາບທີ່ເປັນມູນເຊື້ອກັບມົງກົນ ແລະ ຖືນີ້ແມ່ນຊັບສົມບັດອັນລ້ຳຄ່າຂອງປະຊາຊົນ 2 ປະເທດ. ພ້ອມທັງສະແດງຄວາມຫວັງວ່າ ຢາກເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າງພັກກອມມູນິດຫວຽດນາມ ແລະ ພັກປະຊາຊົນມົງກົນ, ເຮັດໃຫ້ການພົວພັນລະຫວ່າງ 2 ປະເທດເລິກເຊິ່ງຂຶ້ນຕື່ມ.

 (ແຫຼ່ງຄັດຈາກ VOV)