![](https://imagevietnam.vnanet.vn/Upload/2021/10/13/13102021214406171-ctnnguyenxuanphucguithu_sryp.jpg)
(ພາບ: TTXVN)
ວັນທີ 12 ຕຸລາ, ທ່ານປະທານປະເທດຫວຽດນາມ ຫງວຽນຊວັນຟຸກ ໄດ້ສົ່ງຈົດໝາຍເຖິງທ່ານປະທານາທິບໍດີອາເມລິກາ Joe Biden ສະແດງຄວາມຂອບໃຈລັດຖະບານ ອາເມລິກາ ທີ່ໄດ້ໜູນຊ່ວຍວັກຊິນ, ຢາປົວພະຍາດ, ເຄື່ອງວັດຖຸອຸປະກອນການແພດ ເພື່ອໃຫ້ ຫວຽດນາມ ຮັບມືກັບໂລກລະບາດໂຄວິດ-19.
ທ່ານປະທານປະເທດ ໄດ້ຕີລາຄາສູງຕໍ່ຄວາມມານະພະຍາຍາມຂອງອຳນາດການປົກຄອງຂອງປະທານາທິບໍດີ Biden ກ່ຽວກັບການເພີ່ມທະວີການຮ່ວມມືກັບບັນດາປະເທດ ແນໃສ່ຊ່ວຍຄວບຄຸມໂລກລະບາດໂຄວິດ-19 ແລະ ໜູນຊ່ວຍໂລກຜ່ານຜ່າຄວາມຫຍຸ້ງຍາກຈາກໂລກລະບາດໂຄວິດ-19. ທ່ານປະທານປະເທດຫວັງວ່າ ອາເມລິກາ ຈະສືບຕໍ່ໜູນຊ່ວຍຫວຽດນາມ ໃນການຕໍ່ສູ້ກັບໂລກລະບາດໂຄວິດ-19 ແລະ ບໍລິສັດ Pfizer ສົ່ງວັກຊິນຈຳນວນ 31 ລ້ານໂດສ ມາໃຫ້ ຫວຽດນາມ ໃນປີ 2021, ພ້ອມກັບວັກຊິນ 20 ລ້ານໂດສ ເພື່ອສັກໃຫ້ເດັກທີ່ມີອາຍຸແຕ່ 12 ຫາ 18 ປີ ຕາມຄຳໝັ້ນສັນຍາຂອງ Pfizer ໃນການຢ້ຽມຢາມສຳນັກງານບໍລິສັດ Pfizer ຢູ່ນິວຢອກ ຂອງທ່ານປະທານປະເທດ ຫງວຽນຊວັນຟຸກ ໃນເດືອນ ກັນຍາ ຜ່ານມາ.ໄລ່ມາຮອດປະຈຸບັນ, ຜ່ານກົນໄກ COVAX ລັດຖະບານ ອາເມລິກາ ໄດ້ໜູນຊ່ວຍວັກຊິນກັນໂຄວິດ-19 ໃຫ້ ຫວຽດນາມ ຈຳນວນ 8,5 ລ້ານໂດສ ແລ້ວ; ພ້ອມທັນຊ່ວຍເຫຼືອວັກຊິນ Pfizer ຈຳນວນ 1 ລ້ານໂດສ ແລະ ຕູ້ເກັບຮັກສາວັກຊິນໃຫ້ ຫວຽດນາມ ໂດຍກົງ.
(ແຫຼ່ງຄັດຈາກ VOV)