ເວທີປາໄສວິສາຫະກິດ ຫວຽດນາມ ປະຈຳປີ ມີຫົວຂໍ້ “ຟື້ນຟູ ແລະ ພັດທະນາລະບົບສະໜອງໃນສະພາບປົກກະຕິໃໝ່”. 

ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ເວທີປາໄສ

ຕອນເຊົ້າວັນທີ 21 ກຸມພາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າຮ່ວມ ແລະ ມີບົດກ່າວປາໄສສຳຄັນຢູ່ ເວທີປາໄສວິສາຫະກິດ ຫວຽດນາມ ປະຈຳປີ ດ້ວຍຫົວຂໍ້ “ຟື້ນຟູ ແລະ ພັດທະນາລະບົບສະໜອງໃນສະພາບປົກກະຕິໃໝ່”. ເຫດການໂດຍກະຊວງແຜນການ ແລະ ການລົງທຶນສົມທົບກັບທະນາຄານໂລກ, ອົງການການເງິນສາກົນ ແລະ ສະຫະພັນເວທີປາໄສວິສາຫະກິດ ຫວຽດນາມ ຈັດຂຶ້ນ.

ທີ່ກອງປະຊຸມ, ທ່ານ ຫງວຽນຈີຢຸງ ລັດຖະມົນຕີກະຊວງແຜນການ ແລະ ການລົງທຶນ ໃຫ້ຮູ້ວ່າ ປີ 2021 ຫວຽດນາມ ບັນລຸໄດ້ບັນດາໝາກຜົນສຳຄັນ. ເສດຖະກິດມະຫາພາກສືບຕໍ່ໄດ້ຮັກສາເປັນປົກກະຕິ, ໄຟເງິນເຟີ້ໄດ້ຮັບການຄວບຄຸມ. ວົງການການສົ່ງອອກ - ນຳເຂົ້າເພີ່ມຂຶ້ນ 22,6% ດ້ວຍ ຈຳນວນເງິນເກືອບ 670 ຕື້ USD, ສູງທີ່ສຸດນັບແຕ່ກ່ອນມາຮອດປັດຈຸບັນ, ນຳຫວຽດນາມ ກາຍເປັນ 1 ໃນ 20 ປະເທດທີ່ມີຂອບຂະໜາດທາງການຄ້າໃຫຍ່ທີ່ສຸດໃນໂລກ.

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ເນັ້ນໜັກວ່າ ປີ 2022 ແມ່ນປີ ທີ່ມີຄວາມໝາຍສຳຄັນທີ່ສຸດສຳລັບ ຫວຽດນາມ ເຊິ່ງໄດ້ສ້າງທ່ວງເພື່ອທ່າປະຕິບັດບັນດາເປົ້າໝາຍ, ກຳນົດທິດຍຸດທະສາດຈົນຮອດປີ 2030. ຫວຽດນາມ ພວມມີກາລະໂອກາດພັດທະນາຢ່າງແຮງ ບົນພື້ນຖານກຳລັງແຮງສັງລວມແຫ່ງຊາດ, ຄວາມສາມາດບົ່ມຊ້ອນ, ທີ່ຕັ້ງ, ອິດທິພົນຊື່ສຽງຂອງປະເທດຊາດພາຍຫຼັງການປ່ຽນແປງໃໝ່ມາເປັນເວລາ 35 ປີ.

ທ່ານນາຍົກລັດຖະມົນຕີ ຟ້າມມິງຈິງ ຖືວ່າ ໃນສະເພາະໜ້າຕ້ອງປະຕິບັດໂຄງການຟື້ນຟູ ແລະ ພັດທະນາເສດຖະກິດສັງຄົມຢ່າງມີປະສິດທິຜົນ, ຕິດພັນກັບໂຄງການສັງລວມໃນການປ້ອງກັນ, ຕ້ານໂຄວິດ - 19, ຍູ້ແຮງຍຸດທະສາດການສັກວັກຊິນ. ສືບຕໍ່ຮັບປະກັນເສດຖະກິດມະຫາພາກເປັນປົກກະຕິ, ປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ, ຫັນເປັນດີຈີຕອນ, ພັດທະນາເສດຖະກິດດີຈີຕອນ, ສັງຄົມດີຈີຕອນ, ເສດຖະກິດຂຽວ, ເສດຖະກິໝູນວຽນ… ແລະ ປັບຕົວໃຫ້ແທດເໝາະກັບການປ່ຽນແປງຂອງດິນຟ້າອາກາດ…

(ແຫຼ່ງຄັດຈາກ VOV)