ຂ່າວສານ
ທ່ານນາຍົກລັດຖະມົນຕີ ຟ້າມມິງຈິງ: ປະຕິບັດການວາງແຜນຜັງເປັນຢ່າງດີຈຶ່ງມີແຜນຮ່າງ ແລະ ນັກລົງທຶນທີ່ດີ
ວັນທີ 19 ສິງຫາ, ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ໄດ້ເປັນປະທານກອງປະຊຸມທາງອອນລາຍທົ່ວປະເທດກ່ຽວກັບວຽກງານວາງແຜນຜັງ. ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິນຈິງ ໃສ່ໃຈວ່າ, ວຽກງານວາງແຜນຜັງຕ້ອງນັດໜ້າ, ມີການວາງແຜນສັງລວມ, ກວມລວມ, ຫັນກົດໝາຍວ່າດ້ວຍຜັງເມືອງຂອງສະພາແຫ່ງຊາດເປັນລະອຽດ, ຕິດຕາມຄວາມສາມາດບົ່ມຊ້ອນ, ທ່າແຮງແກ່ງແຍ້ງຂອງທ້ອງຖິ່ນ, ກະຊວງ, ຂະແໜງການ, ບັນດາຫົວໜ່ວຍຢ່າງໃກ້ຊິດ ເພື່ອພັດທະນາແບບຍືນຍົງ. ປະຕິບັດວຽການວາງແຜນຜັງຈະຕີລາຄາຄວາມສະມາດບົ່ມຊ້ອນໃຫ້ເປັນຢ່າງດີໄດ້, ເຫັນແຈ້ງກາລະໂອາດ, ຄວາມຫຍຸ້ງຍາກ, ສິ່ງທ້າທາຍ, ຈາກນັ້ນມີມາດຕະການແກ້ໄຂສຸມໃສ່ການພັດທະນາເສດຖະກິດ-ສັງຄົມຂອງແຕ່ລະທ້ອງຖິ່ນ. ມີການວາງແຜນຜັງທີດີແລ້ວຈຶ່ງມີແຜນຮ່າງ, ໂຄງການທີ່ດີ, ມີນັກລົງທຶນທີ່ດີ, ນຳໃຊ້ແຫຼ່ງເງິນລົງທຶນພາກລັດເປັນຢ່າງດີ ແລະ ພັດທະນາເສດຖະກິດ-ສັງຄົມຢ່າງມີປະສິດທິຜົນ.
ເນື່ອງໃນໂອກາດກອງປະຊຸມຄັ້ງນີ້, ທ່ານນາຍົກລັດຖະມົນຕີໄດ້ກ່າວປາໄສກ່ຽວກັບວຽກງານປ້ອງກັນ, ຕ້ານໂລກລະບາດ. ທ່ານນາຍົກລັດຖະມົນຕີສະເໜີໃຫ້ທ້ອງຖິ່ນພວມປະຕິບັດການແຍກຫ່າງສັງຄົມ ຈົ່ງສືບຕໍ່ປະຕິບັດຢ່າງເຂັ້ມງວດ, ແຂວງໃດບໍ່ປະຕິບັດການແຍກຫ່າງສັງຄົມແມ່ນຊ່ວຍເຫຼືອແຫຼ່ງກຳລັງໃຫ້ບັນດາແຂວງທາງພາກໃຕ້; ກະກຽມແຫຼ່ງກຳລັງເພື່ອໃຫ້ຕອນໃດມີຄວາມຕ້ອງການສາມາດຈັດສົ່ງໄປໃນທັນທີໄດ້.ຕອນເຊົ້າວັນດຽວກັນ, ທ່ານນາຍົກລັດຖະມົນຕີ ຟ້າມມິນຈິງ ໄດ້ເຂົ້າຮ່ວມພິທີຕິດປາຍກິດຈະກຳສຳນັກງານສະຖາບັນວິທະຍາສາດອາຍາກະຊວງຕຳຫຼວດ, ເນື່ອງໃນໂອກາດສະເຫຼີມສະຫຼອງ 76 ປີແຫ່ງວັນສ້າງຕັ້ງກຳລັງຕຳຫຼວດປະຊາຊົນຫວຽດນາມ.
(ແຫຼ່ງຄັດຈາກ VOV)
