• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ທ່ານນາຍົກລັດຖະມົນຕີສາທາລະນະລັດ ອີຕາລີ Giuseppe Conte ສິ້ນສຸດການຢ້ຽມຢາມ ຫວຽດນາມ ຢ່າງເປັນທາງການ

ຕອນບ່າຍວັນທີ 06 ມິຖຸນາ, ທ່ານນາຍົກລັດຖະມົນຕີແຫ່ງ ສາທາລະນະລັດ ອີຕາລີ Giuseppe Conte ໄດ້ສິ້ນສຸດການຢ້ຽມຢາມ ຫວຽດນາມ ຢ່າງເປັນທາງການ ນັບແຕ່ວັນທີ 5 - 6 ມິຖຸນາ 2019 ຕາມຄໍາເຊີນຂອງທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ຢ່າງຈົບງາມ.
ໃນຂອບເຂດການຢ້ຽມຢາມ, ທ່ານນາຍົກລັດຖະມົນຕີ ອີຕາລີ Giuseppe Conte ໄດ້ມີການພົບປະເຈລະຈາກັບ ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ; ພົບປະກັບທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ແລະ ເປັນປະທານຮ່ວມ ເວທີປາໄສວິສາຫະກິດ ອາຊຽນ - ອີຕາລີ. ທີ່ບັນດາການພົບປະ, ສອງຝ່າຍເຫັນດີເປັນເອກະພາບນໍາກັນວ່າຄວນສືບຕໍ່ເພີ່ມທະວີການພົບປະແລກປ່ຽນ ຄະນະຜູ້ແທນຂັ້ນຕ່າງໆ, ຍູ້ແຮງການຮ່ວມມືໃນບັນດາຂົງເຂດ ການເມືອງ - ການທູດ, ເສດຖະກິດ, ວັດທະນະທໍາ, ການສຶກສາ-ບໍາລຸງສ້າງ, ວິທະຍາສາດ ເຕັກໂນໂລຢີ, ການປ້ອງກັນຊາດ - ປ້ອງກັນຄວາມສະຫງົບ, ຮ່ວມມືກັນພັດທະນາແບບຍືນຍົງ, ປ້ອງກັນ, ຕ້ານການປ່ຽນແປງ ຂອງດິນຟ້າອາກາດ, ເຊື່ອມຕໍ່ທ້ອງຖິ່ນ; ປັບປຸງບັນດາກົນໄກຮ່ວມມືທີ່ມີຢູ່ແລ້ວ; ຜັນຂະຫຍາຍບັນດາໂຄງການຮ່ວມມື, ຂໍ້ຕົກລົງສະບັບຕ່າງໆທີ່ບັນລຸໄດ້.

ທ່ານນາຍົກລັດຖະມົນຕີແຫ່ງ ສາທາລະນະລັດ ອີຕາລີ Giuseppe Conte ແລະ ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ (ພາບ: TTXVN)

 ກ່ຽວກັບດ້ານເສດຖະກິດ, ສອງຝ່າຍເຫັນດີ ຈະສ້າງເງື່ອນໄຂສະດວກໃຫ້ວິສາຫະກິດສອງປະເທດ ເພີ່ມທະວີການຮ່ວມມືໃນບັນດາຂົງເຂດ ເຊິ່ງ ອີຕາລີ ມີທ່າແຮງ ແລະ ຫວຽດນາມ ມີຄວາມຕ້ອງການ; ສ້າງເງື່ອນໄຂສະດວກເພື່ອໃຫ້ສິນຄ້າຂອງສອງປະເທດໄດ້ນໍາເຂົ້າຈໍາໜ່າຍຢູ່ຕະຫຼາດຂອງກັນ ແລະ ສູ້ຊົນຍົກວົງເງິນການຄ້າສອງສົ້ນຈາກລະດັບເກືອບ 5 ຕື້ USD ໃຫ້ຂຶ້ນເປັນ 6 ຕື້ USD ປີ 2020 ແລະ ບັນລຸ ລະດັບ 10 ຕື້ USD ໃນຊຸມປີຕໍ່ໄປ.

        ໃນຂອບເຂດການຢ້ຽມຢາມຫວຽດນາມຢ່າງເປັນທາງການ ຂອງ ທ່ານນາຍົກລັດຖະມົນຕີ ອີຕາລີ Giuseppe Conte ຕາງໜ້າລັດຖະບານສອງປະເທດ, ທ່ານຮອງລັດຖະມົນຕີກະຊວງສຶກສາ ແລະ ບໍາລຸງສ້າງ ຫວຽດນາມ ຫງວຽນວັນຟຸກ ແລະ ທ່ານເອກອັກຄະລັດຖະທູດອີຕາລີ Antonion Alessandro ໄດ້ລົງນາມໃນໂຄງການດໍາເນີນງານ ວ່າດ້ວຍການຮ່ວມມືທາງດ້ານການສຶກສາໄລຍະ 2019 – 2022. ຕາມນັ້ນແລ້ວ, ຫວຽດນາມ ແລະ ອີຕາລີ ຈະຮ່ວມມືກັນພັດທະນາທາງດ້ານພາສາ, ຮ່ວມມືກັນໃນຂົງເຂດການສຶກສາ ແລະ ສະໜອງທຶນສຶກສາ.

(ແຫຼ່ງຄັດຈາກ VOV)

ທ່ານ​ປະ​ທານ​ສະ​ພາ​ແຫ່ງ​ຊາດ ເວືອງ​ດິ່ງ​ເຫວ​ະ: ​ປັບ​ປຸງບັນ​ດາ​ເອ​ກະ​ສານ​ໃຫ້​ສຳ​ເລັດ​ສົມ​ບູນ ເພື່ອ​ກະ​ກ​ຽມ​ໃຫ້​ແກ່​ກອງ​ປະ​ຊຸມ​ສະ​ໄໝ​ສາ​ມັນ​ເທື່ອ​ທີ 7, ສະ​ພາ​ແຫ່ງ​ຊາດ ຫວຽດ​ນາມ ຊຸດ​ທີ 15

ທ່ານ​ປະ​ທານ​ສະ​ພາ​ແຫ່ງ​ຊາດ ເວືອງ​ດິ່ງ​ເຫວ​ະ: ​ປັບ​ປຸງບັນ​ດາ​ເອ​ກະ​ສານ​ໃຫ້​ສຳ​ເລັດ​ສົມ​ບູນ ເພື່ອ​ກະ​ກ​ຽມ​ໃຫ້​ແກ່​ກອງ​ປະ​ຊຸມ​ສະ​ໄໝ​ສາ​ມັນ​ເທື່ອ​ທີ 7, ສະ​ພາ​ແຫ່ງ​ຊາດ ຫວຽດ​ນາມ ຊຸດ​ທີ 15

ຄະນະປະຈຳສະພາແຫ່ງຊາດ ໄດ້ປະກອບຄຳເຫັນກ່ຽວກັບການອະພິປາຍ, ຮັບເອົາຄຳເຫັນ, ປັບປຸງຮ່າງກົດໝາຍວ່າດ້ວຍການສຳເນົາເອກະສານ (ສະບັບປັບປຸງ) ດ້ວຍຄວາມເຫັນດີເຫັນພ້ອມສູງຈາກບັນດາສະມາຊິກໃນຄະນະ, ມີພື້ນຖານເພື່ອໃຫ້ຄະນະປະຈຳສະພາແຫ່ງຊາດ ຍື່ນສະເໜີຕໍ່ສະພາແຫ່ງຊາດພິຈາລະນາຮັບຮອງເອົາໃນກອງປະຊຸມສະໄໝສາມັນເທື່ອທີ 7.

Top