ວາລະປະຊຸມເທື່ອທີ 13
ຕອນເຊົ້າວັນທີ 22 ມັງກອນ, ທີ່ຮ່າໂນ້ຍ, ຄະນະຊີ້ນຳສູນກາງກ່ຽວກັບການສະກັດກັັ້ນ, ຕ້ານການສໍ້ລາດບັງຫລວງ ໄດ້ຈັດຕັ້ງວາລະປະຊຸມເທື່ອທີ 13, ພາຍໃຕ້ການເປັນປະທານຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ, ຫົວໜ້າຄະນະຊີ້ນຳສູນກາງກ່ຽວກັບການສະກັດກັ້ນ, ຕ້ານການສໍ້ລາດບັງຫລວງ, ຕີລາຄາສະພາບການປະຕິບັດວຽກງານປີ 2017, ຜັນຂະຫຍາຍໜ້າທີ່ປີ 2018.
ບົດລາຍງານທີ່ກອງປະຊຸມໃຫ້ຮູ້ວ່າ: ປີ 2017, ຄະນະຊີ້ນຳສູນກາງກ່ຽວກັບການສະກັດກັ້ນ, ຕ້ານການສໍ້ລາດບັງຫລວງສືບຕໍ່ປ່ຽນແປງໃໝ່, ສຸມໃສ່ເຂົ້າໃນບັນດາໜ້າທີ່ຈຸດສຸມ, ຍົກສູງປະສິດທິຜົນວຽກງານ.ກ່ຽວກັບໜ້າທີ່ຈຸດສຸມ ແລະ ລາຍການປະຕິບັດງານປີ 2018 ຂອງຄະນະຊີ້ນຳ, ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈ້ງ ຍູ້ໄວຄວາມຄືບໜ້າໃນການກໍ່ສ້າງ, ປັບປຸງລະບອບລະບຽບການກ່ຽວກັບການຄຸ້ມຄອງດ້ານເສດຖະກິດ - ສັງຄົມ ແລະ ສະກັດກັ້ນ, ຕ້ານການສໍ້ລາດບັງຫລວງ, ສ້າງພື້ນຖານດ້ານການເມືອງ, ກົດໝາຍຄົບຊຸດໃຫ້ວຽກງານປ້ອງກັນ, ຕ້ານການສໍ້ລາດບັງຫລວງ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຮຽກຮ້ອງວ່າ ວຽກງານສະກັດກັ້ນ, ຕ້ານການສໍ້ລາດບັງຫລວງຄວນສືບຕໍ່ໄດ້ຍູ້ແຮງ, ດ້ວຍຄວາມຕັດສິນໃຈສູງກ່ວາ, ໝັ້ນຄົງ, ຢຶດໝັ້ນ, ມີປະສິດທິຜົນກ່ວາ.
(ແຫຼ່ງຄັດຈາກ VOV)
