ຂ່າວສານ

ຍື່ນສະເໜີສຳເນົາເອກະສານ “ອາຊີບຜະລິດພາບພື້ນເມືອງ ດົງໂຮ່” ເຖິງ UNESCO

01/04/2020

ນາຍົກລັດຖະມົນຕີ ຫວຽດນາມ ຫາກໍ່ຕົກລົງຍື່ນສະເໜີຕໍ່ອົງການສະຫະປະຊາຊາດດ້ານວິທະຍາສາດ, ການສຶກສາ ແລະ ວັດທະນະທຳ (UNESCO) ພິຈາລະນານຳ “ອາຊີບຜະລິດພາບພື້ນເມືອງ ດົງໂຮ່” ເຂົ້າບັນຊີລາຍຊື່ມໍລະດົກວັດທະນະທຳບໍ່ເປັນວັດຖຸຄວນໄດ້ຮັບການອະນຸລັກຮັກສາຢ່າງຮີບດ່ວນ.

ພາບພື້ນເມືອງ ດົງໂຮ່ / TTXVN

ຄະນະກຳມະການແຫ່ງຊາດ UNESCO ຫວຽດນາມ ເປັນເຈົ້າພາບຮັບຜິດຊອບ ສົມທົບກັບກະຊວງວັດທະນະທຳ, ກິລາ ແລະ ທ່ອງທ່ຽວ ເຮັດລະບຽບການທີ່ຈຳເປັນ ເພື່ອສົ່ງສຳເນົາເອກະສານເຖິງ UNESCO ກ່ອນວັນທີ 31 ມີນາ 2020.

ອາຊີບຜະລິດພາບພື້ນເມືອງ ດົງໂຮ່ ກຳເນີດຢູ່ບ້ານ ດົງໂຮ່, ຕາແສງ ຊອງໂຮ່, ເມືອງ ທ້ວນແທ່ງ, ແຂວງ ບັກນິງ, ພາບພື້ນເມືອງ ດົງໂຮ່ ມີມາກ່ອນນີ້ນັບຫລາຍຮ້ອຍປີ, ເຊິ່ງຕິດພັນກັບຮີດຄອງປະເພນີແຂວນພາບປະດັບປະດາໃນຊຸມວັນບຸນເຕັດ, ວັນບຸນໄຫວ້ພະຈັນ, ບູຊາບັນພະບຸລຸດ.

(ແຫຼ່ງຄັດຈາກ VOV)

ການລົງທຶນໃຫ້ເຂດຊາວຊົນເຜົ່າສ່ວນໜ້ອຍ ແລະ ເຂດພູດອຍ: ສະແດງໃຫ້ເຫັນນະໂຍບາຍຊົນເຜົ່າຢ່າງຈະແຈ້ງ

15/08/2025
ຂ່າວສານ

ກອງປະຊຸມທົ່ວປະເທດສະຫລຸບໂຄງການເປົ້າໝາຍແຫ່ງຊາດ ພັດທະນາເສດຖະກິດ-ສັງຄົມເຂດຊາວຊົນເຜົ່າສ່ວນໜ້ອຍ ແລະ ເຂດພູດອຍ ໄລຍະ 2021-2025, ການກຳນົດເນື້ອໃນໄລຍະ 2026-2030 ຫາກໍ່ຈັດຂຶ້ນເມື່ອວັນທີ 13 ສິງຫາຢູ່ ຮ່າໂນ້ຍ ແລະ ເຊື່ອມຕໍ່ທາງອອນໄລກັບບັນດາແຂວງ, ນະຄອນ. ໃນໄລຍະທີ່ຈະມາເຖິງ, ການພັດທະນາເສດຖະກິດ-ສັງຄົມເຂດຊາວຊົນເຜົ່າສ່ວນໜ້ອຍ ແລະ ເຂດພູດອຍ ຕ້ອງມີວິທີເຂົ້າເຖິງທົ່ວປວງຊົນ, ຮອບດ້ານ. ການລົງທຶນໃຫ້ແກ່ເຂດຊາວຊົນເຜົ່າສ່ວນໜ້ອຍ ແລະ ເຂດພູດອຍແມ່ນການລົງທຶນໃຫ້ແກ່ການພັດທະນາ.