ບຸນເຕັດ, ຕະຫຼາດສາລາ ບິກລາ
(ພາບອິນເຕີແນັດ)
ນັບແຕ່ກາງຄືນວັນທີ 2 ເຖິງຕອນເຊົ້າວັນທີ 3 ຂອງບຸນເຕັດ, ຕະຫຼາດສາລາ ບິກລາ, ຢູ່ຕາແສງ ຈ້ຽວດົງ, ເມືອງ ຈ້ຽວຟອງ, ແຂວງ ກວາງຈິ ກໍ່ຖືກຈັດຕັ້ງ. ເຖິງວ່າພຽງແຕ່ຈັດຕັ້ງໃນຄືນໜຶ່ງດຽວກໍ່ຕາມ, ແຕ່ຕະຫຼາດນັດນີ້ພັດມີຈຸດທີ່ເປັນເອກະລັກສະເພາະທີ່ສຸດ, ດຶງດູດປະຊາຊົນ ແລະ ນັກທ່ອງທ່ຽວມາຕະຫຼາດນັບພັນເທື່ອຄົນ. ຕະຫຼາດນັດນີ້ໄດ້ມີມາກ່ອນນີ້ນັບຮ້ອຍປີ, ທຸກຄົນມາແຫ່ງນີ້ເພື່ອພາວະນາຂໍໃຫ້ດິນຟ້າອາກາດເອື້ອອຳນວຍຄວາມສະດວກ ເພື່ອໃຫ້ລະດູການເກັບກ່ຽວໄດ້ຮັບຜົນດີ. ຈຸດທີ່ເປັນເອກະລັກສະເພາະຂອງຕະຫຼາດນັດແມ່ນ, ຜູ້ຂາຍບໍ່ເວົ້າລາຄາສູງກວ່າລາຄາທີ່ຂາຍຕົວຈິງ ແລະ ຜູ້ຊື້ກໍ່ບໍ່ຕໍ່ລາຄາຈັກເທື່ອ. ຜູ້ມາແຫ່ງນີ້ລ້ວນແຕ່ມີທັດສະນະວ່າ, ຈະຊື້ໂຊກຊື້ໄຊໄດ້ຫຼາຍ ແລະ ລົບລ້າງບັນດາສິ່ງບໍ່ຈົບບໍ່ງາມໃນປີໃໝ່. ພາກສ່ວນສຳຄັນທີ່ສຸດຂອງງານບຸນຕະຫຼາດນັດສາລາ ບິກລາ ແມ່ນພິທີຮຽກເທວະດາເຕົ່າ. ເອື້ອຍ ຫງວຽນທິກວີ່ນຍື, ຜູ້ເຂົ້າຮ່ວມງານບຸນຕະຫຼາດນັດສາລາ, ແບ່ງປັນວ່າ:
“ປີໃດນ້ອງກໍ່ແວ່ຕະຫຼາດນັດສາລາ ບິກລາ. ງານບຸນນີ້ມີຊື່ສຽງແຕ່ດົນແລ້ວ, ນ້ອງກໍ່ຢາກມາແຫ່ງນີ້ເພື່ອພາວະນາໃຫ້ມີຄວາມໂຊກດີຕະຫຼອດປີ ແລະ ຊື້ເຄື່ອງເປັນທີ່ລະນຶກບາງຢ່າງເພື່ອພາວະນາຂໍຄວາມໂຊກດີ“.
(ແຫຼ່ງຄັດຈາກ VOV)
