ຂ່າວສານ

ຈີນກ່າວເຕືອນບັນດາປະເທດ “ຈົ່ງລະມັດລະວັງ ໃນຄຳເວົ້າ ຈົນເຖິງການກະທຳ” ກ່ຽວກັບຮົ່ງກົງ

31/05/2020

ການພົວພັນລະຫວ່າງ ຈີນ ກັບ ອາເມລິກາ ແລະ ບັນດາປະເທດຝ່າຍຕາເວັນຕົກສືບຕໍ່ແມ່ນຫົວຂໍ້ທີ່ຮ້ອນເຮັ່ງຢູ່ກອງປະຊຸມຖະແຫຼງຂ່າວນັດສາມັນຂອງກະຊວງການຕ່າງປະເທດຈີນໃນວັນທີ 29 ພຶດສະພາ ຢູ່ປັກກິ່ງ.

ທ່ານ ຈາວລີ້ຈຽນ ໂຄສົກກະຊວງການຕ່າງປະເທດ ຈີນ (ພາບ: TTXVN)

ໂດຍກ່ຽວຂ້ອງເຖິງຖະແຫຼງການຮ່ວມຂອງ 4 ປະເທດ ອາເມລິກາ, ອັງກິດ, ອົດສະຕາລີ ແລະ ການາດາກ່ຽວກັບ ຮົ່ງກົງ, ທ່ານ ຈາວລີ້ຈຽນ ໂຄສົກກະຊວງການຕ່າງປະເທດ ຈີນຖືວ່າ: ນີ້ແມ່ນບັນດາ “ຄຳວິພາກວິຈານທີ່ຊະຊາຍ”, “ຄຳຕິໜິຕິຕຽນທີ່ດື້ດ້ານ”, ແຊກແຊງເຂົ້າວຽກງານພາຍໃນຂອງຮົ່ງກົງ ແລະ ວຽກງານພາຍໃນຂອງຈີນຢ່າງຮ້າຍແຮງ. ທ່ານຈາວລີ້ຈຽນ ກໍ່ຮຽກຮ້ອງບັນດາປະເທດເຄົາລົບອະທິປະໄຕຂອງຈີນ, “ຈົ່ງລະມັດລະວັງໃນຄຳເວົ້າຈົນເຖິງການກະທຳ”, ຢຸດຕິການແຊກແຊງເຂົ້າສະພາບຂອງຮົ່ງກົງ ແລະ ວຽກງານພາຍໃນຂອງຈີນ ດ້ວຍທຸກໆແບບ

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.