ຂ່າວສານ

ງານວາງສະແດງ ຮູບພາບ “ນໍ້າໃຈມິດຕະພາບ ຫວຽດນາມ - ລາວ ໝັ້ນຄົງຂະໜົງແກ່ນຈົນຊົ່ວກາລະນານ” ແລະ “ສອງເອື້ອຍນ້ອງ - ສອງແນວຮົບ”

31/08/2018

ວັນທີ 30 ສິງຫາ, ຢູ່ຫໍພິພິທະພັນ ແຂວງດັກລັກ, ພະແນກວັດທະນະທໍາ - ກິລາ ແລະທ່ອງທ່ຽວ ໄດ້ສົມທົບກັບ ຫໍພິພິທະພັນແຂວງ ໄຂງານວາງສະແດງຮູບພາບ ດ້ວຍສອງຫົວເລື່ອງສະເພາະ “ນໍ້າໃຈມິດຕະພາບ ຫວຽດນາມ - ລາວ ໝັ້ນຄົງຂະໜົງແກ່ນຈົນຊົ່ວກາລະນານ” ແລະ “ສອງເອື້ອຍນ້ອງ - ສອງແນວຮົບ”.

ຄະນະຜູ້ແທນເລາະຊົມຮູບພາບທີ່ງານວາງສະແດງ

(ພາບ: nhandan.com.vn)

ສໍາລັບຫົວເລື່ອງ “ນໍ້າໃຈມິດຕະພາບ ຫວຽດນາມ - ລາວ ໝັ້ນຄົງຂະໜົງແກ່ນຈົນຊົ່ວກາລະນານ” ໄດ້ວາງສະແດງຮູບພາບ ກວ່າ 160 ແຜ່ນ ແລະບົດຂຽນ ກ່ຽວກັບການພົວພັນທີ່ສະໜິດແໜ້ນ ລະຫວ່າງສອງພັກ, ສອງລັດ ແລະ ປະຊາຊົນສອງປະເທດຫວຽດນາມ - ລາວ ນັບແຕ່ຊຸມວັນເດືອນປີ ຕໍ່ສູ້ຍາດເອົາເອກະລາດແຫ່ງຊາດ ມາຮອດປັດຈຸບັນ. ສ່ວນຫົວເລື່ອງ “ສອງເອື້ອຍນ້ອງ - ສອງແນວຮົບ” ໄດ້ວາງສະແດງບັນດາຮູບພາບ ແລະ ບົດຂຽນກ່ຽວກັບແມ່ຍິງຫວຽດນາມ ໃນຊຸມວັນເດືອນປີ ຕໍ່ຕ້ານ ຢ່າງດຸເດືອດ.

ງານວາງສະແດງ ມຸ່ງໄປເຖິງພິທີສະເຫຼີມສະຫຼອງ 73 ປີ ແຫ່່ງການປະຕິວັດເດືອນສິງຫາ ແລະ ວັນຊາດ ວັນທີ 02 ກັນຍາ, ສະເຫຼີມສະຫຼອງ 88 ປີ ແຫ່ງວັນສ້າງຕັ້ງສະຫະພັນແມ່ຍິງຫວຽດນາມ, ສະເຫຼີມສະຫຼອງ 56 ປີ ແຫ່ງວັນສ້າງຕັ້ງການພົວພັນທາງການທູດ ແລະ 41 ປີ ແຫ່ງວັນເຊັນສົນທິສັນຍາມິດຕະພາບ ແລະຮ່ວມມືຫວຽດນາມ - ລາວ.

ງານວາງສະແດງ ຈະສິ້ນສຸດລົງໃນວັນທີ 30 ຕຸລາ.

(ແຫຼ່ງຄັດຈາກ VOV)

ດ່າໜັງ ຈັດຫຼາຍເຫດການ, ງານບຸນໃນໂອກາດພັກບຸນໄຫວ້ບູຊາບັນດາເຈົ້າຊີວິດຮຸ່ງ, ວັນປົດປ່ອຍພາກໃຕ້ ຫວຽດນາມ ແລະ ວັນກຳມະກອນສາກົນ

18/04/2026
ຂ່າວສານ

ນັບແຕ່ນີ້ຮອດໂອກາດພັກບຸນໄຫວ້ບູຊາບັນດາເຈົ້າຊີວິດ ຮຸ່ງ (ວັນທີ 10 ເດືອນ 3 ໄລ່ຕາມຈັນທະປະຕິທິນ), ວັນປົດປ່ອຍພາກໃຕ້, ທ້ອນໂຮມປະເທດຊາດ ຫວຽດນາມ ເປັນເອກະພາບ (ວັນທີ 30 ເມສາ) ແລະ ວັນກຳມະກອນສາກົນ (ວັນທີ01 ພຶດສະພາ), ຢູ່ນະຄອນ ດ່າໜັງ ໄດ້ດຳເນີນປະມານ 15 ເຫດການ, ງານບຸນທີ່ເປັນເອກະລັກ, ກ້າວເຂົ້າສູ່ລະດູທ່ອງທ່ຽວທີ່ຄຶກຄື້ນ.