ຂ່າວສານ
ຄະນະຊີ້ນຳແຫ່ງຊາດກ່ຽວກັບວຽກງານປ້ອງກັນ, ຕ້ານໂລກລະບາດໂຄວິດ-19: ສັກວັກຊິນກັນໂຄວິດ-19 ໄວທີ່ສຸດເທົ່າທີ່ສາມາດເຮັດໄດ້
ວັກຊິນກັນພະຍາດໂຄວິດ-19 ກຳລັງຈະສົ່ງມາຮອດຫວຽດນາມດ້ວຍຈຳນວນຫຼາຍ, ແຕ່ມີຫຼາຍຊະນິດ. ສະນັ້ນ, ກະຊວງສາທາລະນະສຸກ ຫວຽດນາມ ຕ້ອງຈັດແບ່ງໃຫ້ເໝາະສົມກັບແຕ່ລະທ້ອງຖິ່ນ ເພື່ອຮັບປະກັນຄວາມຄືບໜ້າໃນການສັກວັກຊີນໃຫ້ໄວທີ່ສຸດເທົ່າທີ່ສາມາດເຮັດໄດ້, ໂດຍສະເພາະແມ່ນຢູ່ບັນດາແຂວງທາງພາກຕາເວັນຕົກ ແລະ ເຂດ ໄຕ່ງວຽນ, ເຊີ່ງແມ່ນເຂດທີພະຍາດກຳລັງຜັນແປຢ່າງສັບສົນ. ນີ້ແມ່ນໜຶ່ງໃນ ບັນດາບັນຫາຈຸດສຸມທີ່ ຄະນະຊີ້ນຳແຫ່ງຊາດກ່ຽວກັບວຽກງານປ້ອງກັນ, ຕ້ານໂລກລະບາດໂຄວິດ-19ໄດ້ເນັ້ນໜັກໃນກອງປະຊຸມທີ່ຈັດຂຶ້ນໃນຕອນເຊົ້າວັນທີ 03 ພະຈິກ ເມື່ອປຶກສາຫາລືກ່ຽວກັບຍຸດທະສາດສັງລວມໃນການຮັບມືກັບໂລກລະບາດໂຄວິດ-19ຢ່າງມີປະສິດທິຜົນ. ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ, ຮອງຫົວໜ້າຄະນະຊີ້ນຳ ໄດ້ເປັນປະທານກອງປະຊຸມ.
ຕາມທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມແລ້ວ, ຍຸດທະສາດສັງລວມໃນການຮັບມືກັບໂລກລະບາດໂຄວິດ-19ຢ່າງມີປະສິດທິຜົນ ດ້ວຍມາດຕະການໃໝ່ຈະໄດ້ປະຕິບັດໃນໄລຍະທີ່ຈະມາເຖິງ, ໃນຂະນະທີ່ອັດຕາຜູ້ໄດ້ສັກວັກຊິນສູງຂຶ້ນ. ສ່ວນໃນໄລຍະປັດຈຸບັນຍັງຕ້ອງປະຕິບັດບັນດາມາດຕະການສະກັດກັ້ນ, ຈຳກັດບໍລິເວນ, ຢ່າງນີ້ມນວມ, ມີໄຫວພິບ… ກ່ຽວກັບວຽກງານຈັດຕັ້ງໃຫ້ນັກຮຽນກັບມາຮຽນປົກກະຕິ, ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມໄດ້ຊີ້ແຈ້ງວ່າ:
"ຄວາມຕ້ອງການໄປຮຽນຂອງນັກຮຽນກຳລັງເປັນບັນຫາ ຍ້ອນວ່າ ນັກຮຽນໄດ້ຮຽນທາງໄກໃນໄລຍະເວລາຍາວຈະມີຜົນສະທ້ອນຕໍ່ການພັດທະນາ. ກ່ຽວກັບຫຼັກການ, ຢູ່ເຂດຂຽວແມ່ນໄດ້ໄປຮຽນ. ບັນດາທ້ອງຖິ່ນພະຍາຍາມຈັດຕັ້ງໃຫ້ນັກຮຽນໄດ້ໄປຮຽນໃນເງື່ອນໄຂທີ່ສາມາດເຮັດໄດ້."
(ແຫຼ່ງຄັດຈາກ VOV)
