(ພາບ: TTXVN)
ວັນທີ 12 ພະຈິກ, ເມື່ອຕອບສຳພາດຕໍ່ສື່ມວນຊົນກ່ຽວກັບໝາກຜົນສັບປະດາຂັ້ນສູງ APEC 2021 ແລະ ບັນດາຂໍ້ສະເໜີ, ການປະກອບສ່ວນຂອງ ຫວຽດນາມ ໃຫ້ແກ່ກອງປະຊຸມດັ່ງກ່າວ, ທ່ານຮອງລັດຖະມົນຕີການຕ່າງປະເທດ ຫວຽດນາມ ດັ້ງຮ່ວາງຢາງ ໃຫ້ຮູ້ວ່າ, ໃນສັບປະດາຂັ້ນສູງ APEC ຄັ້ງນີ້, ທ່ານປະທານປະເທດ ຫງວຽນຊວັນຟຸກ ພ້ອມກັບຄະນະຜູ້ແທນ ຫວຽດນາມ ໄດ້ຕັ້ງໜ້າເຂົ້າຮ່ວມການເຄື່ອນໄຫວຕົ້ນຕໍຂອງ APEC ລວມມີ ກອງປະຊຸມບັນດາການນຳເສດຖະກິດ APEC ຄັ້ງທີ 28, ວາລະສົນທະນາລະຫວ່າງການນຳບັນດາພື້ນຖານເສດຖະກິດ APEC ກັບສະພາໃຫ້ຄຳປຶກສາດຳເນີນທຸລະກິດ APEC (ABAC), ກອງປະຊຸມສຸດຍອດວິສາຫະກິດ APEC. ສານລຸລ່ວງຂອງ ຫວຽດນາມ ທີ່ກອງປະຊຸມຄັ້ງນີ້ແມ່ນຢືນຢັນວ່າ APEC ສືບຕໍ່ແມ່ນເວທີປາໄສມີສຽງເວົ້າ, ສວມບົດບາດຊຸກຍູ້ລັດທິຫຼາຍຝ່າຍ, ຊຸກຍູ້ການຮ່ວມມືຫຼາຍຝ່າຍ ເພື່ອຜ່ານຜ່າໂລກລະບາດໂຄວິດ-19 ແລະ ຟື້ນຟູໄວ, ພັດທະນາພື້ນຖານເສດຖະກິດແບບຍືນຍົງ, ສືບຕໍ່ແມ່ນກຳລັງໜູນໃຫ້ແກ່ການພັດທະນາຂອງພື້ນຖານເສດຖະກິດຢູ່ພາກພື້ນ ແລະ ທົ່ວໂລກ.
(ແຫຼ່ງຄັດຈາກ VOV)
