ຂ່າວສານ

ຂໍ້ຕົກລົງດ້ານການຄ້າກັບຈີນພວມມີຄວາມຄືບໜ້າດີ

22/03/2019

ວັນທີ 20 ມີນາ, ກ່າວຄຳເຫັນຕໍ່ນັກຂ່າວຢູ່ທຳນຽບຂາວ, ທ່ານປະທານາທິບໍດີອາເມລິກາ Donald Trump ຖະແຫຼງວ່າ, ມີຂໍ້ຕົກລົງດ້ານການຄ້າກັບປັກກິງ ສະບັບໜຶ່ງພວມມີຄວາມຄືບໜ້າດີ

ທ່ານປະທານາທິບໍດີອາເມລິກາ Donald Trump
(ພາບປະກອບ: AFP/TTXVN)

ເມື່ອບັນດານັກເຈລະຈາດ້ານການຄ້າອາເມລິກາ ຈະໄປເຂົ້າຮ່ວມຮອບເຈລະຈາຄັ້ງໃໝ່ໃນອາທິດຈະມາເຖິງຢູ່ຈີນ.

ເມື່ອຖືກຖາມກ່ຽວກັບເລື່ອງຈະຍົກເລີກພາສີສຳລັບສິນຄ້າທີ່ນຳເຂົ້າຈາກຈີນ ຫຼື ບໍ່, ທ່ານປະທານາທິບໍດີ D.Trump ຢືນຢັນວ່າ, 2 ຝ່າຍຈະບໍ່ເຕື້ອງເຖິງເລື່ອງຍົກເລີກບັນດາອັດຕາພາສີ.
ຕາມແຜນການແລ້ວ, ຜູ້ຕາງໜ້າດ້ານການຄ້າອາເມລິກາ Robert Lighthizer ແລະ ທ່ານລັດຖະມົນຕີການເງິນອາເມລິກາ Steven Mnuchin ຈະໄປເຂົ້າຮ່ວມຮອບເຈລະຈາດ້ານການຄ້າຢູ່ຈີນ ໃນອາທິດຈະມາເຖິງ, ເຊິ່ງໄດ້ຮັບການຕີລາຄາວ່າພວມກ້າວເຂົ້າສູ່ໄລຍະສຸດທ້າຍ ເພື່ອແນໃສ່ແກ້ໄຂສົງຄາມການຄ້າທີ່ແກ່ຍາວມາຕະຫຼອດ 8 ເດືອນຜ່ານມາລະຫວ່າງ 2 ພື້ນຖານເສດຖະກິດແຖວໜ້າຂອງໂລກນີ້.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.