ຂ່າວສານ

ຂະແໜງການທູດຕ້ອງຕິດແທດກັບສະພາບຕົວຈິງ, ບັນດາຈຸດສຸມບຸລິມະສິດຂອງລັດຖະບານ ແລະ ແນວທາງການຕ່າງປະເທດຂອງຫວຽດນາມ

14/07/2021

ທ່ານລັດຖະມົນຕີ ບຸຍແທັງເຊີນ ຊີ້ນຳໃຫ້ຂະແໜງການທູດຕ້ອງຕິດແທດກັບສະພາບຕົວຈິງ, ບັນດາຈຸດສຸມບຸລິມະສິດຂອງລັດຖະບານ ແລະ ແນວທາງການພົວພັນຕ່າງປະເທດຂອງກອງປະຊຸມໃຫຍ່ຄັ້ງທີ XIII.

ທ່ານລັດຖະມົນຕີການຕ່າງປະເທດຫວຽດນາມ ບຸນແທັງເຊີນ. (ພາບ: ກະຊວງການຕ່າງປະເທດ)

ວັນທີ 12 ກໍລະກົດ, ກະຊວງການຕ່າງປະເທດຫວຽດນາມ ໄດ້ຈັດວາລະປະຊຸມສະຫຼຸບວຽກງານ 6 ເດືອນຕົ້ນປີ, ທິດທາງວຽກງານໃນ 6 ເດືອນທ້າຍປີ 2021. ກ່າວຄຳເຫັນຊີ້ນຳວາລະປະຊຸມ, ທ່ານລັດຖະມົນຕີການຕ່າງປະເທດຫວຽດນາມ ບຸນແທັງເຊີນ ເນັ້ນໜັກວ່າ, ຖັນແຖວພະນັກງານພົວພັນຕ່າງປະເທດ ຄວນສືບຕໍ່ປະຕິບັດວຽກງານຄາດຄະເນສະພາບການໃຫ້ເປັນຢ່າງດີ, ຄົ້ນຄວ້າ, ເສນາທິການ; ໃຫ້ບຸລິມະສິດການສ້າງບັນດາຍຸດທະສາດ, ແຜນຮ່າງສຳຄັນເພື່ອແນໃສ່ຜັນຂະຫຍາຍແນວທາງການຕ່າງປະເທດກອງປະຊຸມໃຫຍ່ຄັ້ງທີ XIII ຂອງພັກກອມມູນິດຫວຽດນາມ ໃຫ້ບັນລຸຜົນສຳເລັດ. ທ່ານລັດຖະມົນຕີ ບຸຍແທັງເຊີນ ຊີ້ນຳໃຫ້ຂະແໜງການທູດຕ້ອງຕິດແທດກັບສະພາບຕົວຈິງ, ບັນດາຈຸດສຸມບຸລິມະສິດຂອງລັດຖະບານ ແລະ ແນວທາງການພົວພັນຕ່າງປະເທດຂອງກອງປະຊຸມໃຫຍ່ຄັ້ງທີ XIII, ຜັນຂະຫຍາຍຢ່າງຄົບຊຸດ, ຮອບດ້ານທັງການພົວພັນ 2 ຝ່າຍ ແລະ ຫຼາຍຝ່າຍ; ຍົກສູງປະສິດທິຜົນການເຊື່ອມໂຍງທາງດ້ານເສດຖະກິດສາກົນ, ການທູດເສດຖະກິດເພື່ອຮັບໃຊ້ການພັດທະນາ, ການທູດວັດທະນະທຳ… ຄຽງຂ້າງນັ້ນ, ກໍ່ຄວນເພີ່ມທະວີປະສິດທິຜົນການສົມທົບກັນລະຫວ່າງການທູດກັບການພົວພັນຕ່າງປະເທດຂອງພັກ, ສະພາແຫ່ງຊາດ ແລະ ປະຊາຊົນ.

(ແຫຼ່ງຄັດຈາກ VOV)

ເວທີປາໄສ ແຊງຊາງ ປັກກິ່ງ ປີ 2026 ມຸ່ງໄປເຖິງບັນດາຈຸດຮ້ອນເຮັ່ງດ້ານຄວາມໝັ້ນຄົງທົ່ວໂລກ

10/05/2026
ຂ່າວສານ

ວັນທີ 08 ພຶດສະພາ, ມີເຈົ້າໜ້າທີ່ປ້ອງກັນຊາດ, ນັກຮຽນຮູ້ ແລະ ຜູ້ຕາງໜ້າກວ່າ 120 ທ່ານທີ່ມາຈາກກວ່າ 40 ປະເທດ ພ້ອມດ້ວຍບັນດາອົງການຈັດຕັ້ງສາກົນ ໄດ້ເຂົ້າຮ່ວມກອງປະຊຸມຈັດກຽມເວທີປາໄສແຊງຊາງ ປັກກິ່ງ ແນໃສ່ປຶກສາຫາລືກ່ຽວກັບບັນດາຈຸດຮ້ອນເຮັ່ງດ້ານຄວາມໝັ້ນຄົງໃນພາກພື້ນ ແລະ ສາກົນ, ກໍຄືໃນອະນາຄົດຂອງການບໍລິຫານທົ່ວໂລກ.