ເນື່ອງໃນໂອກາດສະເຫຼີມສະຫຼອງ 131 ປີແຫ່ງວັນຄ້າຍວັນເກີດປະທານໂຮ່ຈີມິນ (19 ພຶດສະພາ 1890 – 19 ພຶດສະພາ 2021), ຕອນເຊົ້າວັນທີ 18 ພຶດສະພາ, ຄະນະຜູ້ແທນຄະນະບໍລິຫານງານສູນການພັກກອມມູນິດ ຫວຽດນາມ, ປະທານປະເທດ, ສະພາແຫ່ງຊາດ, ລັດຖະບານ, ຄະນະກຳມະການແນວໂຮມປະເທດຊາດຫວຽດນາມ ໄດ້ໄປວາງພວງມາລາ ຢູ່ສຸສານໄວ້ອາໄລ ປະທານໂຮ່ຈີມິນ. ເຂົ້າຮ່ວມພິທີໄວ້ອາໄລມີ ທ່ານປະທານປະເທດ ຫງວຽນຊວັນຟຸກ, ທ່ານນາຍົກລັດຖະມົນຕີ ຟ້າມມິງຈິງ, ທ່ານ ປະທານສະພາແຫ່ງຊາດ ເວືອງດິ່ງເຫ້ວ… ພວງມາລາຂອງຄະນະ ມີແຖວໜັງສື “ຂໍສະແດງຄວາມຮູ້ບຸນຄຸນຕໍ່ປະທານໂຮ່ຈີມິນຜູ້ຍິ່ງໃຫຍ່ຕະຫລອດໄປ”.
ຫຼັງຈາກນັ້ນ, ຄະນະຜູ້ແທນກໍ່ໄດ້ໄປວາງພວງມາລາ ຈາລຶກເຖິງ ບັນດານັກຮົບວິລະຊົນ ແລະ ທະຫານທີ່ເສຍສະຫຼະຊີວິດເພື່ອຊາດຢູ່ເຂດອະນຸສາວະລີນັກຮົບວິລະຊົນ ແລະ ທະຫານທີ່ເສຍສະຫຼະຊີວິດເພື່ອຊາດ ຢູ່ຖະໜົນບັກເຊີນ, ຮ່າໂນ້ຍ, ຢູ່ທີ່ນີ້, ບັນດາຜູ້ແທນ ໄດ້ກົ້ມຫົວອາໄລຫາ ບັນດາ ບັນດານັກຮົບວິລະຊົນ ແລະ ທະຫານທີ່ເສຍສະຫຼະຊີວິດເພື່ອຊາດ - ຊຶ່ງແມ່ນລູກຫຼານທີ່ດີເດັ່ນຂອງຊາດ ໄດ້ເສຍສະຫຼະເລືອດເນື້ອຂອງຕົນ, ຕໍ່ສູ້ຢ່າງອົງອາດກ້າຫານ, ເສຍສະຫຼະຊີວິດ ເພື່ອພາລະກິດຕໍ່ສູ້ປົດປ່ອຍປະເທດຊາດ, ເພື່ອພື້ນຖານເອກະລາດ, ເສລີພາບ ຂອງປະເທດຊາດ, ເພື່ອຄວາມຜາສຸກຂອງປະຊາຊົນ.
(ແຫຼ່ງຄັດຈາກ VOV)
