ນະທີ່ນີ້ ທ່ານນາງປະທານສະພາແຫ່ງຊາດຫວຽດນາມ ຫງວຽນທິກີມເງິນ ເນັ້ນຫນັກວ່າ: ບັນດາອົງການຈັດຕັ້ງມະຫາຊົນມິດຕະພາບປະຊາຊົນສອງປະເທດ ໄດ້, ພວມຊຸກຍູ້ການເຄື່ອນໄຫວຂອງຕົນຢ່າງບໍ່ຢຸດຢັ້ງ, ປະກອບສ່ວນສ້າງ ແລະ ພັດທະນາການພົວພັນຮ່ວມມືມິດຕະພາບລະຫວ່າງສອງປະເທດ.

“ການນຳພັກ ແລະ ລັດຫວຽດນາມ ຍາມໃດກໍ່ຕີລາຄາສູງການເຄື່ອນໄຫວຂອງບັນດາອົງການຈັດຕັ້ງມິດຕະພາບປະຊາຊົນກໍ່ຄືຜູ້ຊົງຄຸນວຸດທິ ປັນຍາຊົນ ແລະ ພວກເຮົາຄວນມີຄວາມໃກ້ຊິດສະຫນິດສະຫນົມກວ່າອີກ, ເຂົ້າໃຈເຊິ່ງກັນ ແລະກັນກວ່າອີກ ເພື່ອເຮັດໃຫ້ປະຊາຊົນສອງປະເທດນັບມື້ນັບໃກ້ຊິດສະຫນິດສະຫນົມກວ່າ, ມີຄວາມເຂົ້າໃຈກ່ຽວກັບປະຫວັດສາດ ແລະ ມູນເຊື້ອວັດທະນະທຳຂອງກັນກວ່າ. ສະເຫນີບັນດາອົງການຈັດຕັ້ງມິດຕະພາບປະຊາຊົນຢູ່ສອງປະເທດສືບຕໍ່ມີການເຄື່ອນໄຫວພົບປະແລກປ່ຽນເປັນຫລາຍຮູບຫລາຍແບບ ແລະ ອຸດົມສົມບູນ, ແທດຈິງກວ່າ, ປະກອບສ່ວນເຂົ້າໃນການເພີ່ມທະວີນ້ຳໃຈມິດຕະພາບ ແລະ ການຮ່ວມມືລວມລະຫວ່າງສອງຊາດພວກເຮົາ.”

ແລະກໍ່ໃນຕອນເຊົ້າວັນດຽວກັນ ຢູ່ນະຄອນຫລວງ ເຊີອູນ ທ່ານນາງປະທານສະພາແຫ່ງຊາດຫວຽດນາມ  ໄດ້ມອບຫລຽນໄຊມິດຕະພາບໃຫ້ສາດສະດາຈານ Ahn Kyong Hwan ປະທານສະມາຄົມຄົ້ນຄ້ວາຫວຽດນາມວິທະຍາຢູ່ ສ.ເກົາຫລີ ຍ້ອນໄດ້ມີບັນດາການປະກອບສ່ວນຕັ້ງຫນ້າໃນການພັດທະນາການພົວພັນມິດຕະພາບ ແລະ ການຮ່ວມມືລະຫວ່າງປະຊາຊົນສອງປະເທດຫວຽດນາມ ແລະ ສ.ເກົາຫລີ. ນອກນັ້ນ ທ່ານນາງປະທານສະພາແຫ່ງຊາດຫວຽດນາມ ຫງວຽນທິກີມເງິນ ກໍ່ໄດ້ເປັນສັກຂີພິຍານພິທີລົງນາມໃນບົດບັນທຶກຊ່ວຍຈຳລະຫວ່າງກະຊວງອຸດສາຫະກຳ ການຄ້າຫວຽດນາມ ແລະ ກະຊວງອຸດສາຫະກຳ ການຄ້າ ແລະ ພະລັງງານ ສ.ເກົາຫລີ ກ່ຽວກັບໂຄງການດຳເນີນງານມຸ່ງໄປເຖິງຄາດໝາຍຍົກວົງເງິນການຄ້າສອງຝ່າຍໃຫ້ຂຶ້ນເຖິງ 100 ຕື້ USD ໃນປີ 2020 ຕາມທິດດຸ່ນດ່ຽງ.

(ແຫຼ່ງຄັດຈາກ VOV)