ຂ່າວສານ

ການພົວພັນລະຫວ່າງ ອະເມຣິກາ ແລະ ອາຊຽນນັບມືນັບແທດຈິງ

05/03/2018

ສະຖາບັນອະເມຣິກາ ແລະ ອາຊີ ຫາກໍຈັດການຕ້ອນຮັບປີໃໝ່ ປີຈໍ 2018 ດ້ວຍການໃຫ້ກຽດເຂົ້າຮ່ວມຂອງບັນດາການນໍາລັດຖະບານ, ສະພາແຫ່ງຊາດ, ບັນດາອົງການ, ວິສາຫະກິດຂອງອະເມຣິກາ ແລະຜູ້ຕາງໜ້າບັນດາປະເທດອາຊີກໍໄດ້ເຂົ້າຮ່ວມເປັນຈໍານວນຫຼວງຫຼາຍ.

ທ່ານ ເອກອັກຄະລັດຖະທູດຫວຽດນາມປະຈຳອະເມລິກາ ຟ້າມກວາງວິງ

ໃນບົດກ່າວປາໄສທີ່ພິທີໄຂ, ທ່ານປະທານສະຖາບັນອະເມຣິກາ - ອາຊີ Glen Lau Keeສະແດງຄວາມຍິນດີທີ່ໄດ້ຈັດການຕ້ອນຮັບບຸນປີໃໝ່ຕາມຈັນທະປະຕິທິນທຸກປີ ເພື່ອເຊືຶ່ອມຕໍ່ອະເມລິກາກັບເພື່ອນມິດອາຊີ; ຢືນຢັນໜ້າທີ່ຂອງອາຊີກັບອະເມລິກາ ແລະ ສະຖາບັນອະເມລິກາ - ອາຊີ ຍາມໃດກໍຕັດສິນໃຈໜູນຊ່ວຍການຊຸກຍູ້ການພົວພັນລະຫວ່າງລັດຖະບານອະເມລິກາ ແລະ ອາຊີ.

ກ່າວປາໄສທີ່ພິທີ, ທ່ານ ເອກອັກຄະລັດຖະທູດຫວຽດນາມປະຈຳອະເມລິກາ ຟ້າມກວາງວິງໄດ້ຕີລາຄາສູງການພົວພັນຮ່ວມມືລະຫວ່າງອະເມລິກາກັບບັນດາປະເທດໃນພາກພື້ນ, ໃນນັ້ນມີອາຊຽນສືບຕໍ່ພັດທະນາຢ່າງເຂັ້ມແຂງໃນຫຼາຍຂົງເຂດ, ປະກອບສ່ວນຢ່າງແທດຈິງເຂົ້າໃນການສັນຕິພາບ, ຄວາມໝັ້ນຄົງ ແລະການຮ່ວມມືພັດທະນາໃນພາກພື້ນ. ທ່ານ ເອກອັກຄະລັດຖະທູດຫວຽດນາມປະຈຳອະເມລິກາ ຟ້າມກວາງວິງຊົມເຊີຍການປະກອບສ່ວນທີ່ສຳຄັນຂອງສະຖາບັນອະເມລິກາກັບອາຊີ ແລະເຊື່ອໝັ້ນວ່າ ທາງສະຖາບັນຈະສືບຕໍ່ພ້ອມກັບບັນດາເອກອັກຄະລັດຖະທູດຂອງບັນດາປະເທດອາຊຽນ ແລະ ອາຊີ ຮ່ວມມືກັນຢ່າງແໜ້ນແຟ້ນ ແລະປະກອບສ່ວນເຂົ້າໃນການຊຸກຍູ້ການພົວພັນ ລະ ຫວ່າງອະເມລິກາກັບອາຊີ ໃຫ້ພັດທະນາຢ່າງເຂັ້ມແຂງກວ່າອີກ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.