ຂ່າວສານ

ກອງປະຊຸມໃຫຍ່ຊາວໜຸ່ມຜູ້ກ້າວໜ້າເຮັດຕາມຄຳສັ່ງສອນຂອງລຸງໂຮ່ຄັ້ງທີ 6

01/06/2020

ໃນລະຫວ່າງວັນທີ 30 – 31 ພຶດສະພາ ຢູ່ແຂວງເງະອານຂອງຫວຽດນາມ ໄດ້ດໍາເນີນກອງປະຊຸມໃຫຍ່ຊາວໜຸ່ມຜູ້ກ້າວໜ້າເຮັດຕາມຄຳສັ່ງສອນຂອງລຸງໂຮ່ຄັ້ງທີ 6, ປີ 2020 ເພື່ອຍ້ອງຍໍຊົມເຊີຍບັນດາສ່ວນບຸກຄົນທີ່ກ້າວໜ້າໃນການຮ່ຳຮຽນ ແລະ ເຮັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈີມິນ ໄລຍະ 2018 - 2020.

ບັນດາຜູ້ແທນເຂົ້າຮ່ວມກອງປະຊຸມໃຫຍ່ (ພາບ: thanhnien.vn)

ບັນດາຜູ້ແທນທີ່ເຂົ້າຮ່ວມແມ່ນບັນດາຊາວໜຸ່ມ, ໄວໜຸ່ມ ທີ່ມີຜົນງານດີເດັ່ນໃນການອອກແຮງງານ, ຮ່ຳຮຽນ, ປະຕິບັດງານ, ຝຶກຝົນຫຼໍ່ຫຼອມ, ບັນດາແບບຢ່າງດີເດັ່ນໃນການຮ່ຳຮຽນ ແລະ ເຮັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈີມິນ, ມີການປະກອບສ່ວນຢ່າງເໝາະສົມເຂົ້າໃນວຽກງານຊາວໜຸ່ມ ແລະ ຂະບວນການຊາວໜຸ່ມເຍົາວະຊົນ, ມີອິດທິພົນຊື່ສຽງ ແລະ ມີຜົນສະທ້ອນອັນຕັ້ງໜ້າໃນໝູ່ຊາວໜຸ່ມ, ໄວໜຸ່ມ, ເຍົາວະຊົນ, ອະນຸຊົນ ແລະ ໃນສັງຄົມ.

ໃນຂອບເຂດກອງປະຊຸມໃຫຍ່, ບັນດາຜູ້ແທນໄດ້ລົງຢ້ຽມຢາມບ້ານເກີດຂອງລຸງໂຮ່, ເຂົ້າຮ່ວມພິທີແຈ້ງຜົນງານຕໍ່ລຸງໂຮ່, ເຂົ້າຮ່ວມພິທີມອບຫຼຽນກາຊາວໜຸ່ມຜູ້ກ້າວໜ້າເຮັດຕາມຄຳສັ່ງສອນຂອງລຸງໂຮ່ຢູ່ເຂດປູຊະນີຍະສະຖານລະດັບຊາດພິເສດ ກິມລຽນ, ເມືອງນາມດ່ານ; ເຂົ້າຮ່ວມງານວາງສະແດງຮູບຖ່າຍ “ຄວາມເອກອ້າງທະນົງໃຈຂອງໄວໜຸ່ມໃນຍຸກສະໄໝໂຮ່ຈີມິນ; ເຂົ້າຮ່ວມການປຶກສາຫາລືຢູ່ເວທີປາໄສ 6 ຄັ້ງ.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.