ຂ່າວສານ
ກອງປະຊຸມລັດຖະບານປະຈຳເດືອນ ມິຖຸນາ 2021 ປຶກສາຫາລືກ່ຽວກັບມາດຕະການພັດທະນາເສດຖະກິດ 6 ເດືອນທ້າຍປີ
ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຢັ້ງຢືນວ່າ ກອງປະຊຸມຄັ້ງນີ້ມີຄວາມໝາຍສຳຄັນ, ຕີລາຄາສະພາບການເສດຖະກິດ - ສັງຄົມ, ວຽກງານບໍລິຫານຂອງລັດຖະບານ ໃນໄລຍະ 6 ເດືອນຕົ້ນປີ ແລະ ປຶກສາຫາລືກ່ຽວກັບບັນດາໜ້າທີ່ຄວາມຮັບຜິດຊອບ, ມາດຕະການໃຫ້ແກ່ 6 ເດືອນທ້າຍປີ 2021. ພ້ອມກັນນັ້ນ ກໍປຶກສາຫາລືກ່ຽວກັບຫຼາຍບັນຫາສຳຄັນ ແລະ ຮີບດ່ວນໃນປັດຈຸບັນ ເປັນຕົ້ນແມ່ນການປ້ອງກັນ, ຕ້ານໂລກລະບາດໂຄວິດ - 19, ແກ້ໄຂຄວາມຫຍຸ້ງຍາກ, ຊຸກຍູ້ການຜະລິດ, ດຳເນີນທຸລະກິດ…
ໃນໄລຍະ 6 ເດືອນຜ່ານມາ, ນອກຈາກວຽກງານປ້ອງກັນ, ຕ້ານໂລກລະບາດໂຄວິດ - 19 ແລ້ວ, ລັດຖະບານ ຫວຽດນາມ ໄດ້ເປັນເຈົ້າການກຳແໜ້ນສະພາບການ, ເດັດດ່ຽວ, ຂະຫຍັນຂັນເຄື່ອນ, ທັນການການຊີ້ນຳ, ບໍລິຫານການພັດທະນາເສດຖະກິດ - ສັງຄົມ; ພ້ອມກັບຄວາມມານະພະຍາຍາມຂອງທັງລະບົບການເມືອງ, ປະຊາຄົມວິສາຫະກິດ ແລະ ປະຊາຊົນໃນທົ່ວປະເທດ, ສະພາບການເສດຖະກິດ - ສັງຄົມ ສືບຕໍ່ເປັນປົກກະຕິ ແລະ ບັນລຸໄດ້ບັນດາໝາກຜົນທີ່ຕັ້ງໜ້າ.
(ແຫຼ່ງຄັດຈາກ VOV)
