ຂ່າວສານ

ກອງປະຊຸມໃຫຍ່ທົ່ວປະເທດຂອງພັກປະຊາທິປະໄຕຢູ່ອາເມລິກາຖືກໂຈະໄວ້ຍ້ອນໂລກລະບາດໂຄວິດ-19

03/04/2020

ພັກປະຊາທິປະໄຕຢູ່ອາເມລິກາ ໄດ້ຕົກລົງໂຈະກອງປະຊຸມໃຫຍ່ທົ່ວປະເທດ
ເພື່ອແນໃສ່ປ່ອນບັດເລືອກຕັ້ງເອົາຜູ້ສະໝັກເລືອກຕັ້ງຢ່າງເປັນທາງການ ລົງຫາສຽງເລືອກຕັ້ງ ປະທານາທິບໍດີ ຍ້ອນໂລກລະບາດໂຄວິດ-19 ພວມຜັນແປໄປຢ່າງສັບສົນ.

ຕາມແຜນການໃນເບື້ອງຕົ້ນແລ້ວ, ກອງປະຊຸມໃຫຍ່ທົ່ວປະເທດຂອງພັກປະຊາທິປະໄຕຢູ່ອາເມລິກາ ຈະດຳເນີນໃນກາງເດືອນ ກໍລະກົດ, ເຖິງຢ່າງໃດກໍ່ຕາມ, ຍ້ອນສະພາບໂລກລະບາດໂຄວິດ-19 ພວມຜັນແປໄປຢ່າງສັບສົນ ສະນັ້ນ, ເຫດການນີ້ຈະໄດ້ເລີ່ມແຕ່ວັນທີ 17 ສິງຫາ ຢູ່ລັດ Wisconsin. ທ່ານປະທານາທິບໍດີອາເມລິກາ Donald trump ແລະ ທ່ານປະທານຄະນະກຳມະການແຫ່ງຊາດ ສາທາລະນະ Ronna McDaniel ໄດ້ຢັ້ງຢືນວ່າຈະບໍ່ປ່ຽນແປງແຜນການຈັດກອງປະຊຸມໃຫຍ່ພັກສາທາລະນະ.
ໂລກລະບາດໂຄວິດ-19 ພວມສົ່ງຜົນສະທ້ອນເຖິງທຸກດ້ານ ລວມທັງການເລືອກຕັ້ງໃນເບື້ອງຕົ້ນຢູ່ອາເມລິກາ. ມີຫຼາຍລັດໄດ້ໂຈະ ແລະ ປ່ຽນແປງວິທີການປ່ອນບັດ ແທນທີ່ຮຽກຮ້ອງໃຫ້ປະຊາຊົນໄປສະຖານທີ່ປ່ອນບັດ ເພື່ອແນໃສ່ສະກັດກັ້ນການແຜ່ລະບາດຂອງໂລກລະບາດໂຄວິດ-19.

(ແຫຼ່ງຄັດຈາກ VOV)

ຫວຽດນາມ ມີຜູ້ພິພາກສາ ຢູ່ສານກົດໝາຍທະເລສາກົນ ເປັນຄັ້ງທຳອິດ

19/06/2026
ຂ່າວສານ

ວັນທີ 18 ມິຖຸນາ, ໃນຂອບເຂດກອງປະຊຸມຄັ້ງທີ 36 ຂອງ ບັນດາປະເທດພາຄີ ສົນທິສັນຍາອົງການສະຫະປະຊາຊາດ ກ່ຽວກັບກົດໝາຍທະເລ (UNCLOS) ທີ່ສຳນັກງານໃຫຍ່ ອົງການສະຫະປະຊາຊາດ (ສປຊ) ຢູ່ ນິວຢອກ (ສ ອາເມລິກາ), ທ່ານນາງ ຮສຈ. ປອ ຫງວຽນທິລານແອັງ, ຮອງຜູ້ນຳນວຍການ ສະຖາບັນການຕ່າງປະເທດ, ຜູ້ສະໝັກຮັບເລືອກຕັ້ງ ຂອງ ຫວຽດນາມ ໄດ້ຮັບເລືອກຕັ້ງ ເຂົ້າໃນຕຳແໜ່ງ ຜູ້ພິພາກສາ ສານກົດໝາຍທະເລສາກົນ (ITLOS) ອາຍຸການ 2026-2035 ດ້ວຍຄະແນນສຽງສູງສຸດ ໃນພາກພື້ນ ອາຊີ - ປາຊີຟິກ.