ກອງປະຊຸມຂ່າວກ່ຽວກັບກອງປະຊຸມຄັ້ງທີ 8 ຄະນະບໍລິຫານງານສູນກາງພັກຊຸດທີ 12

(ພາບ: VGP)

ນະທີ່ນີ້, ທ່ານຮອງຫົວໜ້າຄະນະໂຄສະນາສຶກສາສູນກາງ ບຸຍເຈື່ອງຢາງ ໃຫ້ຮູ້ວ່າ.

        “ຄາດວ່າ, ກອງປະຊຸມຄັ້ງນີ້, ສູນກາງຈະມີຂໍ້ສະຫຼຸບກ່ຽວກັບສະພາບການເສດຖະກິດ, ສັງຄົມ ແລະ ງົບປະມານແຫ່ງລັດປີ 2018, ແຜນການພັດທະນາເສດຖະກິດສັງຄົມ ແລະ ການຂຶ້ນແຜນງົບປະມານແຫ່ງລັດປີ 2019. ສູນກາງກໍ່ຈະພິຈາລະນາປະກາດໃຊ້ມະຕິກ່ຽວກັບຍຸດທະສາດພັດທະນາເສດຖະກິດທະເລແບບຍືນຍົງຂອງຫວຽດນາມ.”

        ກໍ່ທີ່ການປະຊຸມຂ່າວ, ທ່ານຮອງຫົວໜ້າຫ້ອງວ່າການສູນກາງພັກ ເລກວາງວິງ ໃຫ້ຮູ້ວ່າ: ທ່ານປະທານປະເທດ ເຈິ່ນດ້າຍກວາງ ຫາກໍ່ເຖິງແກ່ມໍລະນະກຳ, ສິດ, ໜ້າທີ່ຮັບຜິດຊອບຕາມລັດຖະທຳມະນູນກຳນົດ. ກົມການເມືອງຕົກລົງໃຫ້ທ່ານນາງດັ້ງທິງອັກທິ້ງ ເປັນຜູ້ຮັກສາການປະທານປະເທດ. ສະນັ້ນ, ສູນກາງຈະມີການພິຈາລະນາ, ຕົກລົງເລື່ອງແນະນຳບຸກຄະລາກອນເລືອກຕັ້ງປະທານປະເທດ ທີ່ກອງປະຊຸມສູນກາງພັກຄັ້ງທີ 8 ຫຼື ບໍ່ນັ້ນແມ່ນຂຶ້ນກັບວິວັດການກະກຽມຂອງບັນດາຂັ້ນທີ່ມີສິດອຳນາດ. ພ້ອມທັງເນັ້ນໜັກວ່າ, ສິດແນະນຳບຸກຄະລາກອນເຂົ້າໃນການເລືອກດຳລົງຕຳແໜ່ງເປັນປະທານປະເທດເພື່ອໃຫ້ສະພາແຫ່ງຊາດເລືອກຕັ້ງແມ່ນວຽກງານສຳຄັນຂອງຊາດ, ຂອງພັກ, ສະນັ້ນຕ້ອງໄດ້ຮັບການກະກຽມຢ່າງລອບຄອບທີ່ຖ້ວນ, ລະອຽດໃຫ້ຖືກຕ້ອງຕາມຂໍ້ກຳນົດ.

(​ແຫຼ່ງຄັດ​ຈາກ VOV)