ຂ່າວສານ

ກອງປະຊຸມຄັ້ງທີ 54 ຂອງຄະນະປະຈຳສະພາແຫ່ງຊາດກະກຽມເນື້ອໃນໃຫ້ແກ່ກອງປະຊຸມສະໄໝສາມັນເທື່ອທີ 11 ສະພາແຫ່ງຊາດຊຸດທີ 14

13/03/2021

ຫ້ອງວ່າການສະພາແຫ່ງຊາດຫາກໍ່ອອກແຈ້ງການໃຫ້ຮູ້ວ່າ, ວັນທີ 15 ມີນາ 2021, ກອງປະຊຸມຄັ້ງທີ 54 ຂອງຄະນະປະຈຳສະພາແຫ່ງຊາດຫວຽດນາມ ຈະດຳເນີນທີ່ຫ້ອງປະຊຸມ ເຕີນຈ່າວ, ຫໍສະພາແຫ່ງຊາດ, ນະຄອນຫຼວງຮ່າໂນ້ຍ.

ກອງປະຊຸມຄັ້ງທີ 53 ຂອງຄະນະປະຈຳສະພາແຫ່ງຊາດຫວຽດນາມ. (ພາບປະກອບ: quochoi.vn)

ຕາມລາຍການທີ່ໄດ້ຄາດຄະເນແລ້ວ, ຄະນະປະຈຳສະພາແຫ່ງຊາດຫວຽດນາມ ຈະດຳເນີນການປະຊຸມເປັນເວລາ 1 ວັນ ເພື່ອພິຈາລະນາ, ປະກອບຄຳເຫັນໃສ່ບົດລາຍງານສະຫຼຸບວຽກງານອາຍຸການຊຸດທີ 14 ຂອງສະພາແຫ່ງຊາດ, ຄະນະປະຈຳສະພາແຫ່ງຊາດ; ລາຍງານໝາກຜົນການຕິດຕາມກວດກາການແກ້ໄຂຂໍ້ສະເໜີແນະຂອງຜູ້ມີສິດເລືອກຕັ້ງທີ່ສົ່ງເຖິງກອງປະຊຸມສະໄໝສາມັນເທື່ອທີ 10 ສະພາແຫ່ງຊາດຫວຽດນາມ ຊຸດທີ 14; ບົດລາຍງານລວບລວມຄຳຄິດເຫັນ, ຂໍ້ສະເໜີແນະຂອງຜູ້ມີສິດເລືອກຕັ້ງ ແລະ ປະຊາຊົນທີ່ສົ່ງເຖິງກອງປະຊຸມສະໄໝສາມັນເທື່ອທີ 11 ສະພາແຫ່ງຊາດຫວຽດນາມ ຊຸດທີ 14; ປະກອບຄຳເຫັນດ້ວຍເອກະສານສຳລັບບົດລາຍງານຕີລາຄາເພີ່ມເຕີມໝາກຜົນການປະຕິບັດແຜນການພັດທະນາເສດຖະກິດ-ສັງຄົມ ແລະ ງົບປະມານແຫ່ງລັດປີ 2020. ທີ່ກອງປະຊຸມ, ຄະນະປະຈຳສະພາແຫ່ງຊາດໄດ້ປະກອບຄຳເຫັນໃສ່ວຽກງານບຸກຄະລາກອນເພື່ອຍື່ນສະເໜີຕໍ່ສະພາແຫ່ງຊາດ.

(ແຫຼ່ງຄັດຈາກ VOV)

World Cup 2026: Lionel Messi ທຳລາຍສະຖິຕິຍິງບານເຂົ້າປະຕູ

08/07/2026
ຂ່າວສານ

Lionel Messi ສືບຕໍ່ຂຽນຊື່ຕົນເຂົ້າໃນໜ້າປະຫວັດສາດ, ເມື່ອປະກອບສ່ວນຢ່າງໃຫຍ່ຫຼວງເຂົ້າໃນໄຊຊະນະ 3 ປະຕູຕໍ່ 2 ໃນນັດແຂ່ງຂັນລະຫວ່າງງອາກຊັງຕິນ ແລະ ອີຢິບ ເພື່ອເຂົ້າຮອບແຂ່ງຂັນ 8 ທິມສຸດທ້າຍຂອງ World Cup 2026.