ຖ້າໂຮງໝໍ ຫວຽດດຶກ ເປັນທີ່ຮັບຮູ້ວ່າ ແມ່ນໂຮງໝໍຊັ້ນນຳ ໃນການຝຶກອົບຮົມ “ມືຄຳ” ຂອງຂະແໜງການຜ່າຕັດ ຫວຽດນາມ,ສຈ.ປອ ທ່ານໝໍປະຊາຊົນ ຈິ້ງຮົ່ງເຊີນ (ຮອງຜູ້ອຳນວຍການ ໂຮງໝໍ ມິດຕະພາບ ຫວຽດດຶກ) ແມ່ນ
ພະແນກ ມະເຮັງ ວິທະຍາ (ໂຮງໝໍ ຫວຽດດຶກ) ຊຶ່ງແມ່ນບ່ອນທີ່ ສຈ. ເຊີນ ເຮັດວຽກ, ບ່ອນເພິ່ນໄດ້ເຫັນກັບຕາ ເຖິງຄວາມເຈັບ ປວດ, ຄວາມຫວັງ ແລະ ບາງຄັ້ງ ແມ່ນຄວາມຝັນ ທີ່ບໍ່ສໍາເລັດ ຂອງ ຄົນເຈັບທີ່ເປັນມະເຮັງ. ສຈ. ເຊີນ ແມ່ນໜຶ່ງໃນຈຳນວນ ບໍ່ພໍເທົ່າໃດຄົນໃນເວລາທີ່ ພວກຂ້າພະເຈົ້າຄົ້ນຫາຂໍ້ມູນ ໃນເຄືອຂ່າຍ ສັງຄົມ ຫຼື ໃນໜັງສືພິມ, ບັນດາເລື່ອງລາວ ກ່ຽວກັບເພິ່ນ ໄດ້ຖືກແບ່ງປັນ, ໂດຍສະມາ ຊິກໃນຄອບຄົວ ຫຼື ຄົນເຈັບ ທີ່ໄດ້ຮັບການປິ່ນປົວ ໂດຍ ກົງຈາກ ເພິ່ນ.
ສຈ.ປອ, ທ່ານໝໍປະຊາຊົນ ຈິ້ງຮົ່ງເຊີນ (ເດືອນ ທັນວາ 2021). ພາບ: ແທງຢາງ/VNP
ສຈ.ປອ ຈິ້ງຮົ່ງເຊີນ, ຮອງຜູ້ອຳນວຍການ ໂຮງໝໍ ມິດຕະພາບ ຫວຽດດຶກ ກ່າວຄຳເຫັນ ໃນພິທີສະເຫຼີມສະຫຼອງ 110 ປີ ວັນ ສ້າງຕັ້ງໂຮງໝໍ. ພາບ: ແທງຢາງ/VNP ຄະນະນຳ ຂອງ ໂຮງໝໍມິດຕະພາບ ຫວຽດດຶກ ໃນພິທີສະເຫຼີມ ສະຫຼອງ 110 ປີ ວັນສ້າງຕັ້ງໂຮງໝໍ. ພາບ: ແທງຢາງ/VNP ທີ່ກອງປະຊຸມສົນທະນາຕາມຮູບແບບທາງໄກ, ສຈ.ປອ ຈິ້ງຮົ່ງເຊີນ ໄດ້ແບ່ງປັນປະສົບການ ຫຼາຍຢ່າງ ໃນການປະຕິບັດວຽກງານຂອງຕົນ. ພາບ: ແທງຢາງ/VNP ບັນດາຜູ້ແທນ ພ້ອມກັບ ສຈ.ປອ ຈິ້ງຮົ່ງເຊີນ ຖ່າຍຮູບຮ່ວມ ເປັນທີ່ລະນຶກ ໃນກອງປະຊຸມສົນທະນາ ກ່ຽວກັບ ຫົວເລື່ອງ ບໍລິຈາກ ອາໄວຍະວະ ແລະ ຍົກສູງ ປະສິດທິພາບ ວຽກງານ ບົ່ງມະຕິພະຍາດ ສະໝອງຕາຍ ຢູ່ຕາມໂຮງໝໍ ຮາກຖານ. ພາບ: ແທງຢາງ/VNP |
ໜຶ່ງໃນຈຳນວນນັ້ນ ແມ່ນທະນາຍຄວາມ ຖ໋າຍບ່າວແອງ - ຜູ້ອຳນວຍການບໍລິສັດ ກົດໝາຍ Bao & Partners ໄດ້ແບ່ງປັນ ຢູ່ໃນໜ້າສ່ວນຕົວຂອງຕົນ ແລະ ຫຼັງຈາກນັ້ນ ໄດ້ຖືກ ໜັງສືພິມ ຈຳນວນໜຶ່ງ ຄັດເລືອກອ້າງຕາມຕົ້ນສະບັບ. ແມ່ ຂອງເພິ່ນ ເປັນມະເຮັງ ໄລຍະສຸດທ້າຍ, ດ້ວຍການຢູ່ລອດ ມີພຽງ 5%, ແຕ່ສິ່ງ ມະຫັດສະຈັນ ໄດ້ເກີດຂຶ້ນກັບ ທ່ານນາງ, ຫຼັງຈາກການຜ່າຕັດ 8,5 ຊົ່ວໂມງ ໂດຍ ສຈ. ເຊີນ ເປັນຜູ້ຜ່າຕັດ ໂດຍກົງ.
ເລື່ອງ ຂອງ ທະນາຍຄວາມ ຖ໋າຍບ໊າວແອງ, ສຈ. ເຊີນ ກ່າວວ່າ ອາຊີບການແພດເປັນອາຊີບ ທີ່ລົງເລິກ ດ້ານວິຊາສະເພາະເກີນໄປ, ດັ່ງນັ້ນບໍ່ແມ່ນໃຜ ກໍສາມາດ ເຂົ້າໃຈໄດ້ວ່າ ທ່ານໝໍໄດ້ ພະ ຍາຍາມສຸດຄວາມສາມາດແລ້ວ. ເພາະສະນັ້ນ, ເມື່ອສູນເສຍ ຄົນທີ່ຮັກ, ທຸກຄົນຕ່າງກໍເຈັບປວດ ແລະ ເມື່ອເຈັບປວດແລ້ວ, ບາງຄັ້ງ ພວກເຂົາ ຈະຕໍານິຕິຕຽນ ທ່ານໝໍ. ສຈ. ເຊີນໄດ້ ເອົາ ສັນຍາສະບັບໜຶ່ງ ໃຫ້ທ່ານ ຖ໋າຍບ໊າວແອງ ເພື່ອລົງລາຍເຊັນ ເປັນຂໍ້ອ້າງອີງ ເພາະເປັນຫ່ວງວ່າຈະຖືກຟ້ອງ. ແຕ່ຄວາມຄິດນີ້ ບໍ່ແມ່ນສໍາລັບຕົນເອງ, ແຕ່ເນື່ອງຈາກວ່າ "ມື້ໜຶ່ງ, ຂ້າພະເຈົ້າ ທຳການຜ່າຕັດສອງສາມລາຍ, ທັງໝົດ ແມ່ນກໍລະນີຍາກໆ ຄື ກັນ ກັບກໍລະນີແມ່ ຂອງເຈົ້າ, ດັ່ງນັ້ນຖ້າ ຖືກຟ້ອງ, ຂ້າພະເຈົ້າ ຈະບໍ່ມີກຳລັງແຮງ ແລະ ຈິດໃຈ ເພື່ອສຸມໃສ່ຄົນເຈັບອີກ. ຂ້າພະ ເຈົ້າຄິດງໍ້ໃຫ້ຄົນເຈັບ, ບໍ່ແມ່ນ ໃຫ້ຂ້າພະເຈົ້າເອງ”. ຫຼັງຈາກນັ້ນ ທະນາຍຄວາມ ໄດ້ຂຽນຄໍາໝັ້ນສັນຍາ ຄືນໃໝ່ ແລະ ບອກ ສຈ. ເຊີນ “ຈົ່ງນຳໃຊ້ມັນ ຕໍ່ມາ". ເນື່ອງຈາກວ່າ ອີງຕາມທະນາຍ ຄວາມ, ຄໍາໝັ້ນສັນຍາທີ່ ສຈ. ເຊີນ ໃຫ້ລາວ ໄດ້ຂຽນແບບ ງ່າຍໆ, ບໍ່ພຽງພໍ ທີ່ຈະປົກປ້ອງໃຫ້ ທ່ານໝໍ ຈາກເລ່ລ່ຽມ ກໍ່ຜົນຮ້າຍ ເຊິ່ງກັນ ແລະ ກັນ ດ້ວຍຄໍາເວົ້າ ທີ່ຄົນ ໃນສັງຄົມ ຍັງເຄີຍເຮັດ. |
|
ສຈ. ເຊີນ ເປັນຜູ້ທີ່ມີຄວາມກະຕືລືລົ້ນທີ່ສຸດ ໃນວຽກງານ. ເພິ່ນ ມີຄວາມຕັ້ງໃຈເປັນພິເສດ ໃນການຜ່າຕັດ ມະເຮັງ ລະບົບຍ່ອຍ ອາຫານເຊັ່ນ: ມະເຮັງຕັບ, ມ້າມ, ກະເພາະ, ພິເສດແມ່ນ ການ ປູກ ຖ່າຍຕັບ. ທ່ານ ໄດ້ປະສົມຜົນສຳເລັດ ໃນການຜ່າຕັດທາງ ເດີນນໍ້າບີ, ການຜ່າຕັດ ເສັ້ນເລືອດດຳ, ການຜ່າຕັດເສັ້ນ ເລືອດ ດຳຕັບ... ນຳເອົາຊີວິດໃໝ່ ໃຫ້ຄົນເຈັບ ນັບຫຼາຍຮ້ອຍຄົນ. ສຈ. ເຊີນ ຍັງເປັນ ຜູ້ທີ່ນໍາເອົາເຕັກນິກ Frey ເອົາ ນີ້ວ ຢູ່ຕ່ອມມ້າມ ມາຍັງ ຫວຽດນາມ ແລະ ຜັນຂະຫຍາຍ ເຕັກນິກ ເປີດທໍ່ນໍ້າບີ ໃນມ້າມ ເພື່ອແກ້ໄຂການອຸດຕັນຖົງບີ, ກູ້ເອົາຊີວິດ ຫຼາຍຄົນ ທີ່ ເປັນພະຍາດຮ້າຍແຮງນີ້. |
ສຈ.ປອ ຈິ້ງຮົ່ງເຊີນ ໃນການຜ່າຕັດ ລະບົບຍ່ອຍອາຫານ ຢູ່ຫ້ອງ ຜ່າຕັດໂຮງໝໍມິດຕະພາບ ຫວຽດດຶກ. ພາບ: ແທງຢາງ/VNP ຄົນເຈັບພາຍຫຼັງການຜ່າຕັດໄດ້ຮັບການຢ້ຽມຢາມ ແລະ ໃຫ້ກຳ ລັງໃຈ ຈາກ ສຈ.ປອ ຈິ້ງຮົ່ງເຊີນ ຢູ່ເທິງຕຽງ. ພາບ: ແທງຢາງ/VNP ສຈ.ປອ ຈິ້ງຮົ່ງເຊີນ ໃນການຜ່າຕັດລະບົບຍ່ອຍອາຫານ ຢູ່ຫ້ອງ ຜ່າຕັດໂຮງໝໍມິດຕະພາບ ຫວຽດດຶກ.
ພາບ: ແທງຢາງ/VNP
ບັນດາທ່ານໝໍໜຸ່ມໄດ້ຮັບການຊີ້ແນະໂດຍ ສຈ.ປອ ຈິ້ງຮົ່ງເຊີນ ກ່ຽວກັບ ປະສົບການຜ່າຕັດ ລະບົບຍ່ອຍອາຫານ ຜ່ານການ ອ່ານພິມ. ພາບ: ແທງຢາງ/VNP |
ໃນເບື້ອງຕົ້ນ, ເມື່ອການບໍລິຈາກອະໄວຍະວະ ຍັງແມ່ນແນວຄິດໃໝ່ໃນສັງຄົມ ຫວຽດນາມ, ສຈ. ເຊີນ ພ້ອມ ທີ່ຈະເປັນ “ນັກໂຄ ສະນາເຜີຍແຜ່” ຢູ່ທຸກບ່ອນ, ທຸກສະຖານະການ, ລວມທັງໃນເວ ລາໄປບັນຍາຍ ຫຼື ໃນງານສໍາມະນາ. |
|
ສຈ. ເຊີນ ບໍ່ພຽງແຕ່ໄດ້ ວົງການ ນັກວິຊາການຕີລາຄາວ່າ ເປັນ ຜູ້ທີ່ມີ “ມືຄຳ” ເທົ່ານັ້ນ, ແຕ່ຍັງໄດ້ຮັບການຍ້ອງຍໍ ຈາກຄົນເຈັບ ວ່າ ເປັນແບບຢ່າງ “ທ່ານໝໍ ຄື ແມ່ທີ່ໃຈດີ”. ສຈ. ເຊີນ ຍັງມີນິດ ໄສພິເສດ, ນັ້ນແມ່ນ ບັນທຶກດ້ວຍມືຢ່າງລະອຽດ ຊື່, ທີ່ຢູ່, ວັນເດືອນ ປີ ເກີດ, ອາຊີບ, ສະພາບຄອບຄົວ ກໍຄືລາຍຮັບຂອງຄົນເຈັບແຕ່ລະຄົນ ເພື່ອພິຈາລະນາ ສັ່ງຢາ ມີລາຄາຖືກກວ່າ, ແຕ່ປະສິດທິຜົນ ຂອງ ການປິ່ນປົວບໍ່ມີຄວາມແຕກຕ່າງ ກັນເກີນໄປ. |
|
ສຈ. ຈິ້ງຮົ່ງເຊີນ ແມ່ນຜູ້ຊ່ຽວຊານ ດ້ານການຜ່າຕັດ ລະບົບ ຍ່ອຍອາຫານແຖວໜ້າຢູ່ ຫວຽດນາມ ແລະ ເປັນສະມາຊິກຢ່າງເປັນທາງການ ຂອງ ສະມາຄົມຜ່າຕັດ ຝຣັ່ງ. ເພິ່ນມີຜົນງານ ຫຼາຍ ຢ່າງ ກ່ຽວກັບ ການຜ່າຕັດມະເຮັງ ກະເພາະ, ມະເຮັງຕັບ, ມະ ເຮັງມ້າມ... ກາຍເປັນປຶ້ມແນະນຳ ໃຫ້ນັກຮຽນ ແລະ ເພື່ອນຮ່ວມງານ ເພື່ອການທາບທາມ. ສຈ. ຈິ້ງຮົ່ງເຊີນ ໄດ້ຮັບໃບຍ້ອງຍໍ ຈາກນາຍົກລັດຖະມົນຕີ, ກະຊວງ ສາທາລະນະສຸກ; ຫຼຽນໄຊແຮງງານຊັ້ນສາມ, ໄດ້ຮັບນາມມະຍົດ ຄູປະຊາຊົນ... ແລະ ໄດ້ຮັບນາມມະຍົດ ສາດສະດາຈານ ຂະແໜງການແພດ ໃນເດືອນມັງກອນ 2015. |
|
ສຈ.ປອ ຈິ້ງຮົ່ງເຊີນ ເຄີຍເປັນ Chef de clinique ຢູ່ໂຮງຫມໍ Hautepiere, ປະເທດ ຝຣັ່ງ, ອາຈານສອນພິເສດ ຢູ່ມະຫາວິທະ ຍາໄລ Louis Pasteur, ປະເທດ ຝຣັ່ງ. ປີ 2002: ໄດ້ຮັບໃບປະ ກາດ ສະນີຍະບັດ "Diplome d' assistant étranger" ຈາກມະ ຫາວິທະຍາໄລ Louis Pasteur de Strasbourg, ປະເທດ ຝຣັ່ງ, ໃນ 02 ຫົວຂໍ້ ກ່ຽວກັບ ວິຊາກາຍະວິພາກຕັບ ໝູນໃຊ້ໃນການ ຜ່າຕັດ. |
ບົດ: ຖາວວີ - ພາບ: ແທງຢາງ - ແປໂດຍ: ບິກລຽນ