• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ເຫດການ ແລະ ບັນຫາ

ພາບພົດຂອງ ຫວຽດນາມ ຢູ່ສະພາຄວາມໝັ້ນຄົງ ສະຫະປະຊາຊາດ

ຫວຽດນາມ ​ໄດ້​ປະສົບຄວາມສຳ​ເລັດ​ ບົດບາດ​ໃນຖານະ​ສະມາ ຊິກບໍ່ຖາວອນ ສະພາຄວາມໝັ້ນຄົງ ສະຫະປະຊາຊາດ (ສປຊ) ອາຍຸການ 2020-2021 ​ແລະ ​ໄດ້​ຮັບ​ການ​ຕີ​ລາຄາ, ຂໍ້ສັງເກດ​ທີ່​ດີ​ ຈາກ​ເພື່ອນ​ມິດສາ​ກົນ. 
ຫວຽດນາມ ​ໄດ້​ປະສົບຄວາມສຳ​ເລັດ​ ບົດບາດ​ໃນຖານະ​ສະມາ ຊິກບໍ່ຖາວອນ ສະພາຄວາມໝັ້ນຄົງ ສະຫະປະຊາຊາດ (ສປຊ) ອາຍຸການ 2020-2021 ​ແລະ ​ໄດ້​ຮັບ​ການ​ຕີ​ລາຄາ, ຂໍ້ສັງເກດ​ທີ່​ດີ​ ຈາກ​ເພື່ອນ​ມິດສາ​ກົນ. ວາລະສານຂ່າວພາບ ຫວຽດນາມ ຂໍ​ນຳສະເໜີ ​ຕໍ່​ທ່ານຜູ້​ອ່ານ​ ບັນດາຂໍ້ສັງເກດ ຄືດັ່ງລຸ່ມນີ້:

ໃນ​ໄລຍະ 2 ປີ 2020 2021, ສະພາ​ຄວາມ​ໝັ້ນຄົງ ​ໄດ້​ຈັດ​ຕັ້ງ​ປະຕິບັດ ບໍລິມາດ​ວຽກ​ງານ​ທີ່ໃຫຍ່ ​ແລະ ຫຼາກ​ຫຼາຍ ​ດ້ວຍ​ການ​ປະຊຸມ​ເອກ​ອັກຄະ​ລັດຖະທູດ 840 ຄັ້ງ, ການປຶກສາ​ຫາລື ​ຫຼາຍ​ພັນ​ຄັ້ງ​ໃນ​ທຸກ​ຂັ້ນ, ​ຮັບຮອງ​ເອົາ ເອກະສານກວ່າ 254 ສະບັບ ​ໃນ 60 ຫົວ​ຂໍ້​ທີ່ຕ່າງກັນ  ​ຂອງ​ລາຍການດຳເນີນກອງປະຊຸມ.
ທ່ານ​ລັດຖະມົນຕີ​ການ​ຕ່າງປະ​ເທດ ໂມຊຳບິກ  Verónica Nataniel ກ່າວວ່າ: ຫວຽດນາມ ​ໄດ້ມີການ​ປະກອບສ່ວນ​ທີ່ສຳ ຄັນ ​ເຂົ້າ​ໃນ​ວຽກ​ງານ ​ຂອງ​ ສະພາ​ຄວາມ​ໝັ້ນຄົງ, ແກ້ໄຂບັນ ຫາຫຼາຍຢ່າງ ກ່ຽວກັບສັນຕິພາບ ແລະ ຄວາມໝັ້ນຄົງ ສາກົນ ທີ່ສຳຄັນ ແລະ ສັບສົນ ບົນ​ພື້ນຖານ​ ຮັບປະກັນ ​ການ​ປະຕິບັດ ​ກົດ​ບັດ​ ສປຊ ​ແລະ ກົດໝາຍ​ສາກົນ ຢ່າງຄ່ອງແຄ້ວ ແລະ ສົມເຫດສົມຜົນ”. ທ່ານ Philippe Kridelka, ເອກອັກຄະ​ລັດຖະທູດ, ຫົວໜ້າ​ຄະນະ​ຜູ້​ແທນ​ປະຈໍາ ​ແບນ​ຊິກ ກ່າວວ່າ ຫວຽດນາມ ມີສຽງທີ່ໜັກແໜ້ນ ແລະ ໄດ້ຮັບຄວາມໄວ້ວາງໃຈ ຈາກສາກົນ, ໂດຍສະເພາະຢ່າງຍິ່ງແມ່ນ ຢູ່ທະວີບ ອາຊີ, ອາຟຣິກກາ ນັບທັງ ເອີຣົບ ແລະ ອາເມລິກາ​. ​

ທ່ານ​ Nathalie Estival-Broadhurst ເອກ​ອັກຄະ​ລັດຖະທູດ, ຮອງ​ຫົວໜ້າ​ ຄະນະຜູ້ແທນຖາວອນ ​ຝຣັ່ງ ປະຈຳ ​ສປຊ​ ກ່າວວ່າ ຫວຽດນາມ ​ໄດ້​ຮັບ​ຜົນສຳ​ເລັດ​ຢ່າງ​ຕັ້ງໜ້າ ​ໃນ​ການ​ເຊື່ອມ​ຕໍ່​ ອາ​ຊຽນ ​ແລະ ສະພາ​ຄວາມ​ໝັ້ນຄົງ. ​ພ້ອມດຽວກັນ, ທ່ານ​ Armida Salsiah Alisjahbana ຮອງ​ເລຂາທິການ​ໃຫຍ່ ​ສປຊ, ​ເລຂາທິ ການ ​ບໍລິຫານ​ ຄະນະກຳມະການ ​ເສດຖະກິດ-ສັງຄົມ ປະຈຳ ອາຊີ-ປາຊີ​ຟິກ ຂອງ ສປຊ (ESCAP) ​ໄດ້ຕີລາຄາສູງ ​ຕໍ່​ການ​ປະກອບສ່ວນ​ ຂອງ ຫວຽດນາມ ​ໃນ​ບົດບາດ​ເປັນ​ປະທານ ອາ​ຊຽນ 2020 ​ແລະ ສະມາຊິກບໍ່ຖາວອນ ສະພາຄວາມໝັ້ນຄົງ ສປຊ ອາຍຸການ​ນີ້, ລວມທັງ​ການ​ປະກອບສ່ວນ​ ຊຸກຍູ້​ການ​ພົວ ພັນ​ ຄູ່​ຮ່ວມ​ມື​ຮອບດ້ານ ​ອາ​ຊຽນ-ສປຊ. 




ສະຫາຍ​ເລຂາທິການ​ໃຫຍ່, ປະທານ​ປະ​ເທດ ຫງວຽນ​ຝູຈ້ອງ ​ໄດ້​ສົ່ງ​ສານ​ເຖິງກອງປະຊຸມ

ສົນທະນາຂັ້ນສູງ ​ຄັ້ງທີ 75 ​ສະມັດຊາ​ໃຫຍ່​ ສປຊ. ພາບ: ຈີ໋ຢຸງ/ VNA 


ຕອນຄໍ່າວັນທີ 19 ເມສາ 2021, ໃນຖານະເປັນປະທານ ສະ ພາ ຄວາມໝັ້ນຄົງ ສປຊ, ເດືອນ ເມສາ 2021, ທ່ານ ປະທານປະ ເທດ ຫງວຽນຊວນຟຸກ ໄດ້ເປັນປະທານຊີ້ນຳ ໃນວາລະປະຊຸມເວ ທີ ສົນທະນາເປີດຂັ້ນສູງ ພາຍໃຕ້ຫົວຂໍ້ “ເພີ່ມທະວີການຮ່ວມມືລະ ຫວ່າງ ສປຊ ​ແລະ ບັນດາ​ອົງການ ຈັດຕັ້ງ​ພາກ​ພື້ນ ​ໃນ​ການ​ຊຸກຍູ້​ ການ​ສ້າງ​ຄວາມ​ໄວ້​ເນື້ອ​ເຊື່ອ​ໃຈ ​ແລະ ການ​ສົນທະນາ​ ໃນ​ການສະ ກັດກັ້ນ ​ແລະ ການ​ແກ້​ໄຂ​ຂໍ້​ຂັດ​ແຍ່ງ” ​ໃນ​ຮູບ​ແບບທາງໄກ. ພາບ: ຖົ໋ງເຍິດ/ VNA


ໃນວາລະປະຊຸມເວທີ ສົນທະນາເປີດຂັ້ນສູງ ​ສະ​ມັດ​ຊາ​ໃຫຍ່​ສະຫະ​ປະຊາ​ຊາດ (ສປຊ) ​ຄັ້ງ​ທີ 76, ຕອນ​ເຊົ້າ​ວັນ​ທີ 23 ກັນຍາ 2021, ຢູ່ສຳນັກງານ​ ສປຊ ທີ່​ນິວຢອກ, ສ ອາ​ເມ​ລິ​ກາ, ທ່ານ​ປະທານ​ປະ​ເທດ ຫງວຽນ​ຊວນ​ຟຸກ ໄດ້ກ່າວ​ຄຳ​ເຫັນ​ທີ່​ກອງ​ປະຊຸມເວທີ ສົນທະນາຂັ້ນສູງ ຂອງ​ສະພາ​ຄວາມ​ໝັ້ນຄົງ​ກ່ຽວກັບ ການປ່ຽນແປງຂອງດິນ​ຟ້າ​ອາກາດ. ພາບ: ຖົ໋ງເຍິດ/VNA


ຢູ່ນອກກອບກອງປະຊຸມສົນທະນາ ຂັ້ນສູງ ສະມັດຊາໃຫຍ່ ສປຊ ຄັ້ງ ທີ 76, ຕອນ​ບ່າຍ​ວັນ​ທີ 21 ກັນຍາ​ນີ້, ຢູ່​ນະຄອນ​ນິວຢອກ, ສ ອາເມລິກາ, ທ່ານ​ປະທານ​ປະ​ເທດ ຫງວຽນ​ຊວນ​ຟຸກ ​ໄດ້​ມີ​ການ​ພົບ​ປະ ​ກັບ​ທ່ານ​ ເລຂາທິການ​ໃຫຍ່​ ສປຊ Antonio Guterres. ພາບ: ຖົ໋ງເຍິດ/VNA

ທ່ານ​ປະທານ​ປະ​ເທດ ຫງວຽນ​ຊວນ​ຟຸກ ກ່າວ​ຄຳ​ເຫັນ​ທີ່​ວາປະຊຸມເວທີສົນທະນາຂັ້ນສູງ ສະມັດຊາໃຫຍ່ ສປຊ ຄັ້ງທີ 76. ພາບ: ຖົ໋ງເຍິດ/VNA


ຕອນ​ຄ່ຳ​ ວັນ​ທີ 9 ສິງຫາ, ທີ່ຮ່າ​ໂນ້ຍ, ທ່ານ​ນາ​ຍົກ​ລັດ​ຖະ​ມົນ​ຕີ ຟ້າມ​ມິງຈິ໋ງ ໄດ້​ເຂົ້າ​ຮ່ວມ ແລະ ກ່າວປາໄສ ໃນວາລະປະຊຸມ ເວທີ ສົນທະນາເປີດ ຂັ້ນສູງ ຂອງ ​ສະ​ພາ​ຄວາມ​ໝັ້ນ​ຄົງ​ ສປຊ ພາຍໃຕ້ ຫົວ​ຂໍ້ “ຊຸກ​ຍູ້​ຄວາມ​ໝັ້ນ​ຄົງ​ທາງ​ທະ​ເລ ແລະ ບາງ​ຂົງ​ເຂດ​ຮ່ວມ​ມື​ສາ​ກົນ” ໃນຮູບແບບທາງໄກ. ພາບ: ເຢືອງຢາງ/ VNA


ເນື່ອງໃນໂອກາດຢ້ຽມຢາມ ສ ຝຣັ່ງ ຢ່າງເປັນທາງການ, ຕອນ ບ່າຍວັນທີ 5 ພະຈິກ 2021, ຢູ່ນະຄອນຫຼວງ ປາຣີ, ທ່ານນາຍົກ ລັດຖະມົນຕີ ຟ້າມມິງຈິ໋ງ ໄດ້ໄປຢ້ຽມຢາມ ສໍານັກງານໃຫຍ່ອົງ ການ ການສຶກສາ, ວິທະຍາສາດ ແລະ ວັດທະນະທໍາ ສປຊ (UNESCO) ແລະ ໄດ້ພົບປະແລກປ່ຽນຄໍາຄິດເຫັນ ກັບ ທ່ານ ນາງ Audrey Azoulay, ຜູ້ອໍານວຍການໃຫຍ່ອົງການ UNESCO. ພາບ: ເຢືອງຢາງ/VNA

ຕອນ​ບ່າຍ​ວັນ​ທີ 12 ສິງຫາ, ຢູ່​ທີ່​ຫໍ​ສະພາ​ແຫ່ງ​ຊາດ, ທ່ານ​ປະທານ​ສະພາ​ແຫ່ງ​ຊາດ ເວືອງ​ດິ່ງ​ເຫ້ວ ​ໄດ້​ທຳການ​ຕ້ອນຮັບ​ຜູ້​ປະສານ​ງານ​ອົງການ​ສປຊ ​ປະຈຳ ​ຫວຽດນາມ Kamal Malhotra. ພາບ: ຢວ໊ານເຕິ໋ນ/VNA


ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ, ລັດ​ຖະ​ມົນ​ຕີ​ການ​ຕ່າງ​ປະ​ເທດ ຟ້າມບິ່ງມິນ ໄດ້ເປັນປະທານຊີ້ນຳ ໃນວາລະປະຊຸມເວທີ ສົນທະນາເປີດຂັ້ນລັດຖະມົນຕີ ຂອງ​ສະ​ພາ​ຄວາມ​ໝັ້ນ​ຄົງ ສ​ປ​ຊ ດ້ວຍ​ຫົວ​ຂໍ້ “ສະ​ເຫຼີມ​ສະ​ຫຼອງ 75 ປີ​ແຫ່ງ​ວັນ​ ສປຊ: ປະ​ຕິ​ບັດ​ຕາມ​ກົດ​ບັດ​ ຮັກ​ສາ​ສັນ​ຕິ​ພາບ ແລະ ຄວາມ​ໝັ້ນ​ຄົງ​ສາ​ກົນ”. ນີ້​ແມ່ນ​ຂໍ້​ລິ​ເລີ່ມ​ທີ່​ໄດ້ຖືກຫາງສຽງຕີລາຄາວ່າ “ຖືກ​ຕ້ອງ, ສົບ​ຜົນ​ສຳ​ເລັດ ແລະ ທັນ​ການ” ໃນ​ເດືອນ​ທຳ​ອິດ​ຂອງ​ປີ 2020. ພາບ: ຄັກຮ໋ຽວ/VNA


ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ, ລັດ​ຖະ​ມົນ​ຕີ​ການ​ຕ່າງ​ປະ​ເທດ ຟ້າມ​ບິ່ງ​ມິນ ໄດ້ກ່າວ​ປາໄສ ຕາມຮູບແບບທາງໄກ, ສົ່ງສານ​ທີ່​ສຳ​ຄັນ​ຕໍ່​ວາລະປະຊຸມເວທີສົນທະນາຂັ້ນສູງ ຂອງ ​ສະ​ມັດ​ຊາ​ໃຫຍ່​ ສປຊ ​ຄັ້ງ​ທີ 75 ເພື່ອ​ສະ​ເຫຼີມ​ສະ​ຫຼອງ ວັນ​ສາ​ກົນ​ ກ່ຽວກັບ ການລົບລ້າງ​ອາ​ວຸດ​ນິວ​ເຄຼຍ​ຢ່າງ​ສິ້ນເຊີງ (26/9). ພາບ: ຫື໊ວແທງ/VNA


ຜູ້​ປະສານ​ງານອົງການ​ ສປຊ ​ປະຈຳ ​ຫວຽດນາມ Kamal Malhotra ມອບ​ ວັກຊີນ ​ຕ້ານ​ໂຄ​ວິດ-19 ​ໃຫ້​ ຫວຽດນາມ. ພາບ: ມິງກວ໋ຽດ/VNA


ວັນທີ 21 ມິຖຸນາ 2021, ສະພາຄວາມໝັ້ນຄົງ ສປຊ ໄດ້ປະ ຊຸມ ປຶກສາຫາລື ກ່ຽວກັບສະພາບການ ຢູ່ ຊູດັງໃຕ້ ແລະ ການ ເຄື່ອນໄຫວ ຂອງ ຄະນະຜູ້ແທນ ຮັກສາສັນຕິພາບ ສປຊ ຢູ່ປະ ເທດນີ້ (UNMIS). ໃນວາລະ ກອງປະຊຸມດັ່ງກ່າວ, ຫວຽດນາມ ຢືນຢັນ​ຈະ​ສະໜັບສະໜູນ ​ແລະ ສືບ​ຕໍ່​ປະກອບສ່ວນ​ເຂົ້າ​ໃນ​ບັນດາ​ການ​ເຄື່ອນ​ໄຫວ​ຂອງ ສປຊ ຢູ່ ຊູ​ດັງ​ໃຕ້. ພາບ: ຫື້ວແທງ/ VNA


ວັນ​ທີ 25 ພຶດສະພາ 2021 (ຕາມ​ເວລາ​ທ້ອງ​ຖິ່ນ), ສະພາ​ຄວາມ​ໝັ້ນຄົງ​ ສປຊ ​ໄດ້ຈັດກອງປະຊຸມ ກ່ຽວກັບ​ສະຖານະ​ການ​ຢູ່​ໂຊ​ມາ​ລີ. ທ່ານ​ເອກ​ອັກ​ຄະ​ລັດ​ຖະ​ທູດ ດັ້ງ​ດິ່ງ​ກຸ໋ຍ, ຫົວ​ໜ້າ​ຄະ​ນະ​ຜູ້​ຕາງ​ໜ້າ​ ​ຫວຽດ​ນາມ ປະ​ຈຳ ສປຊ ໄດ້​ເຂົ້າ​ຮ່ວມ ແລະ ກ່າວ​ຄຳ​ເຫັນ​ທີ່​ກອງ​ປະ​ຊຸມ. ພາບ: ຫື້ວແທງ/VNA


ວັນ​ທີ 10 ມິຖຸນາ​ 2021 (ຕາມ​ເວລາ​ທ້ອງ​ຖິ່ນ), ສະພາ​ຄວາມ​ໝັ້ນຄົງ​ໄດ້ຈັດກອງປະຊຸມ ກ່ຽວກັບການາຮ່ວມມື ລະຫວ່າງ​ ສປຊ ​ແລະ EU ​ໃນ​ການ​ຮັກສາ​ສັນຕິພາບ ​ແລະ ຄວາມ​ໝັ້ນຄົງ​ສາກົນ. ພາບ: ຫື້ວແທງ/VNA

ຕອນ​ເຊົ້າ​ວັນ​ທີ 15 ກໍລະກົດ 2021 (ຕາມ​ເວລາ​ທ້ອງ​ຖິ່ນ), ສະພາ​ຄວາມ​ໝັ້ນຄົງ​ ສປຊ ​ໄດ້​ປຶກສາ​ຫາລື  ​ກ່ຽວ​ກັບ​ສະຖານະ​ການ ຢູ່ ​ລີ​ບີ. ທ່ານ​ເອກ​ອັກ​ຄະ​ລັດ​ຖະ​ທູດ ດັ້ງ​ດິ່ງກຸ໋ຍ, ຫົວ​ໜ້າ​ຄະ​ນະ​ຜູ້​ແທນ​ ຫວຽດ​ນາມ ປະ​ຈຳ​ ສປຊ ໄດ້​ເຂົ້າ​ຮ່ວມ ແລະ ກ່າວ​ຄຳ​ເຫັນ​ທີ່ກອງ​ປະ​ຊຸມ. ພາບ: ຫື້ວແທງ/VNA


ວັນທີ 4 ຕຸລາ 2021, ສະພາຄວາມໝັ້ນຄົງ ສປຊ ໄດ້ຈັດກອງ ປະຊຸມທົບທວນຄືນ ການຈັດຕັ້ງປະຕິບັດ ມະຕິ 2118 (2013) ທີ່ ກ່ຽວພັນເຖິງ ບັນຫາອາວຸດເຄມີຢູ່ ຊີຣີ. ໃນກອງປະຊຸມ, ຫວຽດນາມ ​ໄດ້​ເນັ້ນ​ໜັກ​ເຖິງ​ຄວາມ​ຈຳ​ເປັນ ​ຂອງ​ ບັນດາ​ປະ​ເທດ​ຕ້ອງ​ເຄົາລົບ ​ແລະ ປະຕິບັດ​ ສົນທິສັນຍາ​ ຫ້າມ​ອາວຸດ​ເຄມີ​ ຢ່າງ​ຄົບ​ຖ້ວນ. ພາບ: VNA


ທ່ານ​ເອກ​ອັກ​ຄະ​ລັດ​ຖະ​ທູດ ດັ້ງ​ດິ່ງກຸ໋ຍ, ຫົວ​ໜ້າ​ຄະ​ນະ​ຜູ້​ແທນ​ ຫວຽດ​ນາມ ປະ​ຈຳ​ ສປຊ ໄດ້ປ່ອນບັດເລືອກຕັ້ງ ຕຳແໜ່ງ ປະທານສະມັດຊາໃຫຍ່ ສປຊ ຄັ້ງທີ 75, ສະມາຊິກ ບໍ່ຖາວອນ ສະພາຄວາມໝັ້ນຄົງ ສປຊ ແລະ ສະມາຊິກສະພາເສດຖະກິດ ແລະ ສັງຄົມ ສປຊ (ECOSOC).  ພາບ: ຫື້ວແທງ/VNA


ສະພາ​ຄວາມ​ໝັ້ນຄົງ ​ອົງການ ​ສປຊ​ ໄດ້​ຮັບຮອງ​ເອົາ​ມະຕິ ​ຕໍ່​ອາຍຸ​ການ​ ປະຕິບັດ​ໜ້າ​ທີ່ ​ຂອງຄະນະຜູ້ແທນ​ ສປຊ ​ຢູ່ ​ຊາຮາຣາ ຕາ​ເວັນ​ຕົກ (MINURSO) ໄປອີກ 12 ເດືອນ ​ຮອດ​ວັນ​ທີ 31 ຕຸ ລາ 2022, ທ່ານ​ ເອກ​ອັກຄະ​ລັດຖະທູດ ດັ້ງ​ດິ່ງ​ກຸ໋ຍ ​ໄດ້​ຢ້ຳຄືນ​ຫຼັກ​ໝັ້ນ​ຂອງ​ ຫວຽດນາມ ​ໃນການ​ສະໜັບສະໜູນ, ​ແກ້​ໄຂ​ບັນຫາ​ ຊາ​ຮາ​ຣາ ​ຕາເວັນ​ຕົກ ໂດຍຜ່ານ​ການ​ເຈລະຈາ ​ສັນຕິພາບ​ລະຫວ່າງ​ ​ຝ່າຍ​ຕ່າງໆ ທີ່​ກ່ຽວຂ້ອງ​ໂດຍ​ກົງ, ບົນ​ພື້ນຖານ​ກົດໝາຍ​ສາກົນ. ພາບ: ຊິນຮົວ/VNA


ທ່ານ​ເອກ​ອັກ​ຄະ​ລັດ​ຖະ​ທູດ ດັ້ງ​ດິ່ງກຸ໋ຍ, ຫົວ​ໜ້າ​ຄະ​ນະ​ຜູ້​ແທນ​ ຫວຽດ​ນາມ ປະ​ຈຳ​ ສປຊ ໄດ້ເປັນປະທານໃນກອງປະຊຸມ ທົບທວນຄືນການເຄື່ອນໄຫວຕ່າງໆ ໃນຖານະເປັນປະທານ ສະພາ ຄວາມໝັ້ນຄົງ ສປຊ. ພາບ: ຫື້ວແທງ/VNA


ຕອນ​ບ່າຍ​ວັນ​ທີ 17 ພະຈິກ 2021, ​ໃນ​ຂອບ​ເຂດ​ກອງ​ປະຊຸມ​ສະມັດຊາ​ໃຫຍ່ UNESCO ຄັ້ງ​ທີ 41 ຢູ່​ນະຄອນຫຼວງ ປາຣີ (ສ ຝຣັ່ງ), ຫວຽດນາມ ​ໄດ້​ຮັບ​ເລືອກ​ເປັນ​ສະມາຊິກ​ ຄະນະ​ບໍລິຫານ​ງານ​ອົງການ​ສຶກສາ, ວິທະຍາສາດ ​ແລະ ວັດທະນະທຳ ສປຊ (UNESCO) ອາຍຸການ 2021-2025 ດ້ວຍ​​ຄະ​ແນນສູງ​​. ນີ້​ແມ່ນ​ຄັ້ງ​ທີ 5 ຫວຽດນາມ ​ໄດ້​ຮັບ​ເລືອກ​ເປັນ​ສະມາຊິກ​ສະພາ​ບໍລິຫານ UNESCO. ພາບ: ທູຮ່າ/VNA


ຕອນ​ບ່າຍ​ວັນ​ທີ 23 ເມສາ, ຢູ່​ນະຄອນ ​ໂຮ່ຈີ​ມິນ, ກະຊວງ​ປ້ອງ​ກັນ​ປະ​ເທດ ​ຫວຽດນາມ ​ໄດ້​ຈັດ​ພິທີ​ອອກທັບ ​ໂຮງໝໍ​ພາກສະໜາມຂັ້ນ 2 ເລກ 3 ​ເພື່ອ​ປ່ຽນ​ແທນ​ ໂຮງໝໍພາກ​ສະໜາມ ຂັ້ນ 2 ​ເລກ 2 ທີ່​ໄດ້​ປະຕິບັດ​ສຳ​ເລັດ​ໜ້າ​ທີ່ ທີ່ຄະນະປະຕິບັດງານ ຂອງ ສປຊ ຢູ່ Bentiu, ຊູດັງໃຕ້. ໂຮງໝໍພາກສະໜາມຂັ້ນ 2 ເລກ 3 ຈະຖືກ ຈັດອອກເປັນ 2 ຖ້ຽວໂດຍເຮືອບິນຂົນສົ່ງທະຫານ C17 ຂອງ ກະຊວງປ້ອງກັນປະເທດ ອົດສະຕຣາລີຄື: ໄລຍະທີ 1 ໃນວັນທີ 24 ມີນາ, ໄລຍະທີ 2 ວັນທີ 21 ເມສາ 2021. ພາບ: ແທງຫວູ/VNA


ພະນັກງານ, ນັກຮົບໂຮງໝໍ ພາກສະໜາມຂັ້ນ 2 ເລກ 2 ສະ ແດງຄວາມອຳລາ ຍາດຕິພີ່ນ້ອງ ແລະ ເພື່ອນຮ່ວມກົມກອງ ເພື່ອ ເດີນທາງໄປປະຕິບັດໜ້າທີ່ຢູ່ ຊູດັງໃຕ້. ພາບ: ເຢືອງຢາງ/VNA

ພິ​ເສດ, ທ່ານ António Guterres ເລຂາທິການ​ໃຫຍ່​ ສປຊ ​ໃຫ້​ຂໍ້ສັງເກດວ່າ: ຫວຽດນາມ ​ໃນ​ຖານະ​ເປັນ​ປະທານ​ ສະພາຄວາມ​ໝັ້ນຄົງ ​ໄດ້​ສະ​ແດງ​ຄວາມ​ຄ່ອງ​ແຄ້ວ, ​ເປັນ​ຕົວ​ກາງ, ​ເປັນຂົວ​ຕໍ່​ສະໜັບສະໜູນ​ ໄກ່ເກ່ຍຂໍ້​ພິພາດ, ສ້າງ​ບັນຍາກາດ​ສັນຕິພາບ ​ລະຫວ່າງ ​ບັນດາ​ປະ​ເທດ​ໃຫຍ່. ທ່ານ​ເລຂາທິການ​ໃຫຍ່​ ສປຊ Guterres ​ໄດ້​ຮັບ​ຮູ້​ຄວາມ​ສຳຄັນ​ ຂອງ ​ກຸ່ມ​ປະເທດ ອາຊີ​ຕາ​ເວັນ​ອອກ​ສ່ຽງ​ໃຕ້ ​ໃນ​ດ້ານ​ການ​ທູດ ​ເພື່ອ​ຄວາມ​ຖືືກຕ້ອງປອງ​ດອງ​ກັນ, ສະກັດກັ້ນ ຂໍ້ພິພາດ​ ແລະ ການ​ສ້າງ​ສັນຕິພາບ​ສາກົນ. ດ້ວຍເຫດນັ້ນ, ທ່ານ ​ໄດ້​ຕີ​ລາຄາ​ສູງ​ ຫວຽດນາມ ​ເມື່ອ​ສະ​ເໜີ ​ຊຸກຍູ້​ ນໍາການ​ພົວພັນ​ຮ່ວມ​ມື​ນີ້ ​ຂຶ້ນ​ສູ່​ລະດັບ​ສູງ​ໃໝ່, ​ເພີ່ມ​ທະວີ​ຈິດ​ໃຈລັດທິ​ຫຼາຍ​ຝ່າຍຍິ່ງຂຶ້ນ.
ທ່ານ Barbara Woodward ​ເອກ​ອັກຄະ​ລັດຖະທູດ, ຫົວໜ້າ​ຄະ ນະປະຈໍາ ອັງກິດ ປະຈໍາ​ ສປຊ, ​ແມ່ນ​ໜຶ່ງ​ໃນ 5 ສະມາຊິກ​ຖາ ວອນ​ ​ສະພາ​ຄວາມ​ໝັ້ນຄົງ ​ເນັ້ນ​ໜັກ​ວ່າ: “ຖ້າ​ບໍ່​ມີ​ ຫວຽດນາມ, ຂ້າພະ​ເຈົ້າ​ຄິດ​ວ່າ ສະພາ​ຄວາມ​ໝັ້ນຄົງ​ ອາດຈະບໍ່ມີທາງອອກ ໃນ​ການແກ້ໄຂ ກັບບັນດາບັນຫາ​ສຸດທີ່ເລັ່ງ​ດ່ວນ​ດັ່ງກ່າວ. ເພາະ ສະນັ້ນ, ການ​ປະ​ກອບ​ສ່ວນ​ຂອງ​ ຫວຽດ​ນາມ ມີ​ຄຸນ​ຄ່າຢ່າງຍິ່ງ ​ໃນ​ຖາ​ນະ​ເປັນ​ສະ​ມາ​ຊິກ​​ບໍ່​ຖາ​ວອນ ສະພາຄວາມໝັ້ນຄົງ. ຂ້າພະ​ເຈົ້າ​ເຂົ້າ​ໃຈ​ວ່າ ​ໃນ​ຕໍ່ໜ້າ, ​ເຖິງ​ວ່າ ຫວຽດນາມ ຈະ​ບໍ່​ແມ່ນ​ສະມາຊິກ​ສະພາ​ຄວາມ​ໝັ້ນຄົງ​, ​ແຕ່ ຫວຽດນາມ ຈະ​ສືບ​ຕໍ່ ຕາມຫາ ​ບັນດາ​ບັນຫາ ​ທີ່​ຕ່າງ​ຝ່າຍ​ຕ່າງ​ມີ​ຄວາມ​ສົນ​ໃຈ ຢູ່ເວທີ ປາໄສ ອື່ນໆ ເຊັ່ນ: ສະມັດຊາໃຫຍ່ ສປຊ ຫຼື ​ຄະນະ​ກຳມະການ ຂອງ ສປຊ ອີກດ້ວຍ”.


10 ພາບພົດໃຫຍ່​ສຸດ ​ຂອງ ​ຫວຽດນາມ ຢູ່​ສະພາ​ຄວາມ​ໝັ້ນຄົງ ສປຊ ​ໃນ 2 ປີຜ່ານມາ:
1- ຊຸກຍູ້​ວິທີເຂົ້າເຖິງ​ຫຼາຍ​ຝ່າຍ, ຍຶດໝັ້ນການຖືສຳຄັນ​ກົດໝາຍ​ສາກົນ ​ແລະ ຫຼັກການ​ພື້ນຖານ​ ຂອງ​ກົດ​ບັດ ສປຊ.
2- ຊຸກຍູ້​​ຊອກ​ຫາ​ ວິທີ​ແກ້​ໄຂ ​ຂໍ້ພິພາດ ​ແບບ​ຍືນ​ຍົງ ​ແລະ ຮອບ ດ້ານ.
3- ​ເພີ່ມ​ທະວີ​ການ​ກະທຳເພື່ອ​ມະນຸດສະທຳ, ​ປົກ​ປ້ອງ​ພົນລະ​ເຮືອນໃນການພິພາດ ຢ່າງມີຜົນຕົວຈິງທີສຸດ.
4- ເຮັດໃຫ້ເດັ່ນຂຶ້ນ ​ແລະ ຫັນ​ຄວາມ​ເອົາ​ໃຈ​ໃສ່ ​ຂອງ ​ສະພາ​ຄວາມ​ໝັ້ນຄົງ ​ແລະ ປະຊາ​ຄົມ​ໂລກ ເຖິງ​ຜົນ​ສະທ້ອນ​ອັນ​ຍາວ​ນານ ​ຂອງ​ ການ​ພິພາດ, ສົງຄາມ ​ຕໍ່​ຊີວິດ​ການ​ເປັນ​ຢູ່ ​ຂອງ​ປະ ຊາຊົນ ​ແລະ ຄວາມ​ໝັ້ນຄົງ, ການ​ພັດທະນາ​ ຂອງ ບັນດາ​ປະ​ເທດ, ​ໃນ​ນັ້ນ​ແມ່ນ​ບັນຫາ​ລະ​ເບີດ​ ທີ່​ຍັງ​ເຫຼືອ ​ຫຼັງການພິພາດ.
5- ເປັນ​ຂົວ​ຕໍ່ ​ແລະ ມີ​ຄວາມ​ພະຍາຍາມ ​ຊຸກຍູ້​ເພີ່ມທະວີ ການ​ຮ່ວມ​ມື​ ​ລະຫວ່າງ ສປຊ, ສະພາ​ຄວາມ​ໝັ້ນຄົງ ​ແລະບັນດາ ​ອົງ ການ​​ພາກ​ພື້ນ​ ໃນ​ການ​ຮັກສາ​ສັນຕິພາບ ​ແລະ ຄວາມ​ໝັ້ນຄົງ​ສາກົນ ຢ່າງມີຜົນຕົວຈິງ.
6- ຊຸກຍູ້ຄວາມເອົາໃຈໃສ່ ແລະ ວິທີແກ້ໄຂ ນະໂຍບາຍ ມຸ່ງສູ່ ກຸ່ມຄົນທີ່ຖືກກະທົບງ່າຍ ໃນການພິພາດ, ໂດຍສະເພາະຢ່າງຍິ່ງ ແມ່ນແມ່ຍິງ ແລະ ເດັກນ້ອຍ.
7- ຕັ້ງໜ້າຊຸກຍູ້​ ​ການ​ເຄື່ອນ​ໄຫວລວມ ​ກ່ຽວ​ກັບ​ ບັນຫາ​ສິ່ງທ້າທາຍ ຕ່າງໆ ​ທີ່​ຮີບ​ດ່ວນ​ຕໍ່​ປະຊາ​ຄົມ​ໂລກ.
8- ສະ​ແດງ​ໃຫ້​ເຫັນ​ຄວາມ​ດຸ່ນດ່ຽງ, ​ໂປ່​ງ​ໃສ, ມີ​ຄວາມ​ຮັບຜິດ ຊອບ ​ໃນ​ການບໍລິຫານ, ແກ້ໄຂບັນດາວຽກງານລວມ,  ປະກອບ ສ່ວນ ​ຫຼຸດຜ່ອນ​ຄວາມ​ແຕກ​ຕ່າງ, ຊຸກຍູ້​ການ​ເຈລະຈາ ​ແລະ ການ​ຮ່ວມ​ມື.
9- ປະກອບສ່ວນຍົກ​ສູງ ກະບອກສຽງ​ ຂອງ​ບັນດາປະເທດ ສະ ມາຊິກ ບໍ່ຖາວອນ ສະພາຄວາມໝັ້ນຄົງ.
10- ປະກອບສ່ວນ​ເຂົ້າໃນວຽກ​ງານ​ລວມ ຂອງ​​ ສປຊ ຢ່າງເໝາະສົມກັບຄວາມຈິງ.

(ທ່ານ​ລັດຖະມົນຕີ​ການ​ຕ່າງປະ​ເທດ ບຸ່ຍແທງເຊີນ)

 


ບົດ: ຟອງທູ - ພາບ: VNA-ແປໂດຍ: ບິກລຽນ

ເຊີດຊູຄຸນຄ່າ ຂອງ ງານບຸນ ຫວຽດນາມ

ເຊີດຊູຄຸນຄ່າ ຂອງ ງານບຸນ ຫວຽດນາມ

ທ່າມກາງບັນຍາກາດທີ່ຄຶກຄື້ນ, ຕື່ນເຕັ້ນ ໃນມື້ຕົ້ນລະດູບານ ໃໝ່, ບັນດາງານບຸນປະເພນີ ຖືກຈັດຂຶ້ນຢູ່ທົ່ວປະເທດ, ຕາມ ເສັ້ນທາງທຸກສາຍ, ປະຊາຊົນ ແລະ ຄອບຄົວພາກັນ ໄປຮ່ວມ ງານບຸນ ຢ່າງກະຕືລືລົ້ນ ເພື່ອນຶກເຖິງຄຸນງາມຄວາມດີ ຂອງ ຜູ້ທີ່ໄດ້ປະກອບສ່ວນ ໃຫ້ບ້ານເກີດເມືອງນອນ, ປະເທດຊາດ ແລະ ອະທິຖານ ຂໍໃຫ້ປີໃໝ່ ຝົນຟ້າອາກາດເອື້ອອຳນວຍ, ຜົນລະປູກ ທີ່ອຸດົມສົມບູນ. ນັ້ນແມ່ນຄວາມງາມ ດ້ານວັດທະນະທຳ ທ່ີຄົງຕົວມາເປັນເວລາຫຼາຍພັນປີ ຂອງ ງານບຸນ ຫວຽດນາມ ທີ່ຕ້ອງໄດ້ຮັບການເຊີດຊູ. 

Top