ຂ່າວສານ

5 ມື້ຢ່າງລຽນຕິດ, ຫວຽດນາມບໍ່ກວດພົບຜູ້ຕິດເຊື້ອພະບາດ Covid – 19 ໃນຊຸມຊົນ

08/09/2020

ມາຮອດປັດຈຸບັນ, ຈຳນວນຜູ້ຕິດເຊື້ອພະຍາດ Covid – 19 ຢູ່ຫວຽດນາມແມ່ນ 1049 ຄົນ, ໃນນັ້ນມີ 815 ຄົນໄດ້ຮັບການປິ່ນປົວຫາຍດີເປັນປົກກະຕິ ແລະ ມີຜູ້ເສຍຊີວິດ 35 ຄົນ.

ນຳສົ່ງພົນລະເມືອງຫວຽດນາມ 240 ຄົນ ຈາກຟີລິບປິນກັບເມືອປະເທດ (ພາບ: TTXVN)

ນັບແຕ່ເວລາ 18 ໂມງຂອງວັນທີ 6 ກັນຍາ ຫາເວລາ 6 ໂມງຂອງວັນທີ 7 ກັນຍາ, ຫວຽດນາມບໍ່ກວດພົບຜູ້ຕິດເຊື້ອພະຍາດ Covid – 19ໃໝ່ຕື່ມອີກ. ດັ່ງນັ້ນ, 5 ມື້ຢ່າງລຽນຕິດ, ຫວຽດນາມບໍ່ກວດພົບຜູ້ຕິດເຊື້ອພະບາດ Covid – 19 ໃນຊຸມຊົນ, ນັບແຕ່ເວລາກວດພົບຜູ້ຕິດເຊື້ອພະຍາດທີ 1045 ຢູ່ແຂວງຫ໋າຍເຢືອງ ໃນວັນທີ 2 ກັນຍາ.

ໃນວັນທີ 6 ກັນຍາ 2020, ບັນດາອົງການທີ່ມີໜ້າທີ່ຮັບຜິດຊອບຂອງຫວຽດນາມ, ສະຖານທູດຫວຽດນາມ ປະຈຳ ຟີລິບປິນ ແລະ ບໍລິສັດການບິນ Vietjet ໄດ້ສົມທົບກັບບັນດາອົງການທີ່ມີໜ້າທີ່ຮັບຜິດຊອບຂອງ ຟີລິບປິນ ນຳສົ່ງພົນລະເມືອງຫວຽດນາມ 240 ຄົນ ຈາກຟີລິບປິນກັບເມືອປະເທດ. ພາຍຫຼັງເຮືອບິນລົງຈອດຢູ່ສະໜາມບິນສາກົນເກິ່ນເທີຢ່າງປອດໄພ, ຜູ້ໂດຍສານທັງໝົດ ກໍ່ໄດ້ຮັບການກວດສຸຂະພາບ ແລະ ແຍກຕົວຕາມຂໍ້ກຳນົດ.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.