ໄຂວັນວັດທະນະທຳບັນດາເຜົ່າ ຫວຽດນາມ
ເຂົ້າຮ່ວມລາຍການມີທ່ານນາງຮອງປະທານຜູ້ປະຈຳການສະພາແຫ່ງຊາດ ຫວຽດນາມ ຕ່ອງທິຟ໋ອງ, ທ່ານນາງຮອງປະທານປະເທດ ດັ້ງທິງອັກທິ້ງ. ວັນວັດທະນະທຳບັນດາເຜົ່າ ຫວຽດນາມ ໂດຍກະຊວງວັດທະນະທຳ, ກິລາ ແລະ ທ່ອງທ່ຽວ ຈັດຕັ້ງ ດ້ວຍການເຂົ້າຮ່ວມຂອງຜູ້ແທນທີ່ມາຈາກບັນດາແຂວງ, ນະຄອນທີ່ຕາງໜ້າໃຫ້ບັນດາຊົນເຜົ່າ, ເຂດພາກໃນທົ່ວປະເທດເກືອບ 300 ຄົນ. ກ່າວຄຳເຫັນທີ່ພິທີໄຂວັນວັດທະນະທຳບັນດາເຜົ່າ ຫວຽດນາມ, ທ່ານນາງຮອງປະທານປະເທດ ດັ້ງທິງອັກທິ້ງ ຢືນຢັນວ່າ:
“ມື້ນີ້ ພວກເຮົາພ້ອມກັນໄດ້ເຫັນປະຈັກຕາການເຕົ້າໂຮມ, ການພົວພັນແລກປ່ຽນວັດທະນະທຳທີ່ເປັນເອກະລັກສະເພາະ ເຊິ່ງຕາງໜ້າໃຫ້ 54 ຊົນເຜົ່າທີ່ມາຈາກທຸກເຂດພາກໃນທົ່ວປະເທດ. ນີ້ ບໍ່ພຽງແຕ່ແມ່ນງານບຸນວັດທະນະທຳເທົ່ານັ້ນ ຫາກຍັງໄດ້ຊຶມເລິກເຂົ້າໃນຈິດໃຈແຫ່ງຄວາມສາມັກຄີເຈດຈຳນົງ ດ້ວຍຄວາມຄາດຫວັງບືນຕົວຂຶ້ນ ເພື່ອແນໃສ່ເພີ່ມພູນຄູນສ້າງພື້ນຖານວັດທະນະທຳ ຫວຽດນາມ ກ້າວໜ້າ ເຂັ້ມຂຸ້ນໄປດ້ວຍສີສັນຊາດຢ່າງບໍ່ຢຸດຢັ້ງອີກດ້ວຍ, ແລະແມ່ນພື້ນຖານດ້ານຈິດໃຈຂອງສັງຄົມ ກາຍເປັນກຳລັງແຮງດ້ານວັດຖຸຂອງທົ່ວປວງຊົນທັງຊາດ, ຊຸກຍູ້ເສດຖະກິດສັງຄົມ ໃຫ້ພັດທະນາແບບຍືນຍົງ ເພື່ອປະເທດ ຫວຽດນາມ ຮັ່ງມີເຂັ້ມແຂງ, ປະຊາທິປະໄຕ, ຍຸຕິທຳ ແລະ ວັດທະນາຖາວອນ”ພາຍຫລັງພິທີໄຂ ແມ່ນລາຍການສະແດງສິລະປະດ້ວຍຫົວຂໍ້ວ່າ: “ດົນຕີດັງກ້ອງກັງວານໄປທົ່ວດິນແດນ ຫວຽດນາມ” ໂດຍບັນດານັກສິລະປິນ ແລະ ສິລະປະກອນສະແດງ.
(ແຫຼ່ງຄັດຈາກ VOV)
