ຂ່າວສານ

ອັດກອງປະຊຸມສະມັດຊາໃຫຍ່ AIPA – 42

26/08/2021

ຕອນບ່າຍວັນທີ 25 ສິງຫາ, ກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດ ອາຊຽນ ຄັ້ງທີ 42 (AIPA 42 ) ຖືກອັດລົງພາຍຫຼັງເຮັດວຽກມາເປັນເວລາ 3 ວັນ ດ້ວຍແບບທາງໄກ. ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໂດຍທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ໄດ້ນຳໜ້າຄະນະເຂົ້າຮ່ວມພິທີອັດແບບທາງໄກ.

ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ເຂົ້າຮ່ວມພິທີອັດແບບທາງໄກ (ພາບ: TTXVN)

ກ່າວຄຳເຫັນອັດກອງປະຊຸມສະມັດຊາໃຫຍ່ AIPA 42, ທ່ານ Abdul Rahman Raib Pehin Orang Kaya Seri Lela, ປະທານສະມັດຊາໃຫຍ່ AIPA 42, ປະທານສະພານິຕິບັນຍັດ ບຣູໄນ Darussalam ໃຫ້ຮູ້ວ່າ ກອງປະຊຸມສະມັດຊາໃຫຍ່ AIPA 42 ໄດ້ປຶກສາຫາລືຫຼາຍບັນຫາໃນຫຼາຍຂົງເຂດທີ່ແຕກຕ່າງກັນ. ພ້ອມທັງເນັ້ນໜັກເຖິງຄວາມສຳຄັນຂອງການຮ່ວມມືລະຫວ່າງລັດຖະສະພາ, ພິເສດແມ່ນຄຳໝັ້ນສັນຍາຂອງ AIPA ໃນການສ້າງປະຊາຄົມ ອາຊຽນ ເພື່ອສ້າງສະພາບແວດລ້ອມແຫ່ງສັນຕິພາບ, ສະຖຽນລະພາບ ແລະ ສ້າງຄວາມວັດທະນາຖາວອນລວມໃຫ້ແກ່ພາກພື້ນ. ກອງປະຊຸມສະມັດຊາໃຫຍ່ AIPA 42 ກໍຮັບຮອງເອົາມະຕິຮັບ ລັດຖະສະພາ ຢູແກຼນ ແລະ ປາກິດສະຖານ ເປັນລັດຖະສະພາສັງເກດການ; ເປີດກວ້າງຕາໜ່າງສັງເກດການ, ສ້າງຕາໜ່າງການທູດລັດຖະສະພານັບມື້ນັບກວ້າງຂວາງກວ່າ.

ທ່ານ Abdul Rahman Raib Pehin Orang Kaya Seri Lela, ປະທານສະມັດຊາໃຫຍ່ AIPA 42 ເປັນປະທານພິທີອັດ (ພາບ: TTXVN)

ກ່ອນທີ່ພິທີອັດຖືກດຳເນີນ, ສະມັດຊາໃຫຍ່ AIPA ກໍໄດ້ດຳເນີນກອງປະຊຸມຄົບຄະນະຄັ້ງທີ 2, ຫົວໜ້າຄະນະຜູ້ແທນສະພາແຫ່ງຊາດ, ລັດຖະສະພາບັນດາປະເທດ ໄດ້ພ້ອມກັນລົງນາມໃນແຈ້ງການຮ່ວມຂອງ ສະມັດຊາໃຫຍ່ AIPA 42.

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.