ທີ່ບັນດາການພົບປະເຮັດວຽກກັບການນຳລັດຖະບານບຸນກາຣີ, ທ່ານນາງຮອງປະທານປະເທດ ວໍ້ທິແອ້ງຊວນ ໄດ້ສະແດງຄວາມຫວັງຢາກເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ, ການຮ່ວມມຶຫຼາຍດ້ານລະຫວ່າງ 2 ປະເທດໃນທຸກໆຂົງເຂດ. ທ່ານນາງຮອງປະທານປະເທດ ວໍ້ທິແອ້ງຊວນ ເນັ້ນໜັກວ່າ 2 ລັດຖະບານຄວນເພີ່ມທະວີການແລກປ່ຽນພົບປະກັນ ລະຫວ່າງບັນດາກະຊວງ ຂະແໜງການເພື່ອຊຸກຍູ້ການຮ່ວມມືທາງດ້ານການຄ້າ ແລະ ການລົງທຶນລະຫວ່າງ 2 ປະເທດ.
ສ່ວນ ຜູ້ຮັກສາການນາຍົກລົດຖະມົນຕີ ບຸນກາຣີ Stefan Yanev ແລະຢືນຢັນວ່າ ຫວຽດນາມ ແມ່ນຄູ່ຮ່ວມມືບຸລິມະສິດຂອງບຸນກາຣີຢູ່ອາຊີ ແລະ ໃຫ້ຮູ້ວ່າ ລັດຖະບານບຸນກາຣີ ຈະຊຸກຍູ້ໃຫ້ສະພາແຫ່ງຊາດຊຸດໃໝ່ໃຫ້ສັດຕະຍາບັນສັນຍາປົກປ້ອງການລົງທຶນຫວຽດນາມ- EU ໂດຍໄວ; ເຫັນດີເພີ່ມທະວີການຮ່ວມມື 2 ຝ່າຍໃນທຸກຂົງເຂດ, ເປັນຕົ້ນແມ່ນເສດຖະກິດ, ການຄ້າ, ການລົງທຶນ ແລະ ຢືນຢັນວ່າ ຝ່າຍບຸນກາຣີ ຈະເຮັດສຳເລັດບັນດາລະບຽບການເພື່ອລົງນາມໃນບັນດາຂໍ້ຕົກລົງຮ່ວມມືທາງດ້ານວັດທະນະທຳ ແລະ ການທ່ອງທ່ຽວໃນໄລຍະໃໝ່ໂດຍໄວ.ໃນຂະນະນັ້ນ, ລັດຖະມົນຕີການຕ່າງປະເທດ ໄບຸນກາຣີ Svetlan Stoev ໄດ້ສະເໜີ 2 ຝ່າຍຈົ່ງເພີ່ມທະວີການສົນທະນາຂັ້ນສູງ ແລະ ພົບປະ 2 ຝ່າຍ; ຮັກສາການປຶກສາຫາລືການເມືອງລະຫວ່າງ 2 ກະຊວງການຕ່າງປະເທດ; ຍາດແຍ່ງປະສິດທິຜົນແຫຼ່ງກຳລັງ ແມ່ນບັນດາອະດີດນັກສຶກສາ ແລະ ປະຊາຄົມຊາວຫວຽດນາມອາໄສຢູ່ບຸນກາຣີ ເພື່ອຊຸກຍູ້ການພົວພັນມິດຕະພາບທີ່ເປັນມູນເຊື້ອໃຫ້ພັດທະນາໃນທຸກຂົງເຂດ.
(ແຫຼ່ງຄັດຈາກ VOV)
