ຂ່າວສານ

ທ່ານຮອງນາຍົກລັດຖະມົນຕີ ຫວູດຶກດາມ ກວດກາວຽກງານປ້ອງກັນ, ຕ້ານໂລກລະບາດໂຄວິດ - 19 ຢູ່ ຫວິງຝຸກ

22/10/2021

ຕອນບ່າຍວັນທີ 20 ຕຸລາ, ທ່ານຮອງນາຍົກລັດຖະມົນຕີຫວຽດນາມ ຫວູດຶກດາມ, ຮອງຫົວໜ້າຄະນະຊີ້ນຳວຽກງານປ້ອງກັນ, ຕ້ານໂລກລະບາດໂຄວິດ - 19 ໄດ້ເຮັດວຽກກັບແຂວງ ຫວິງຝຸກ ກ່ຽວກັບວຽກງານປ້ອງກັນ, ຕ້ານໂລກລະບາດໃນບໍລິເວນ.

ທ່ານຮອງນາຍົກລັດຖະມົນຕີ ຫວູດຶກດາມ ເຮັດວຽກກັບແຂວງ ຫວິງຝຸກ (ພາບ: TTXVN)

ກ່າວຄຳເຫັນທີ່ການເຮັດວຽກ, ທ່ານຮອງນາຍົກລັດຖະມົນຕີ ຫວູດຶກດາມ ຕີລາຄາສູງຕໍ່ຜົນງານ ເຊິ່ງແຂວງ ຫວິງຝຸກ ບັນລຸໄດ້ໃນວຽກງານປ້ອງກັນ, ຕ້ານໂລກລະບາດ; ແບ່ງປັນຄວາມຫຍຸ້ງຍາກຂອງສອງແຂວງ ຫວິງຝຸກ, ຝູເທາະ ພວມປະເຊີນໜ້າໃນສະພາບພະຍາດໂຄວິດ - 19 ພວມມີການຜັນແປຢ່າງສັບສົນ. ທ່ານຮອງນາຍົກລັດຖະມົນຕີ ຫວູດຶກດາມ, ຮຽກຮ້ອງໃຫ້ແຂວງ ຫວິງຝຸກ ຍູ້ແຮງການໝູນໃຊ້ເຕັກໂນໂລຢີຂໍ້ມູນຂ່າວສານເຂົ້າໃນວຽກງານປ້ອງກັນ, ຕ້ານໂລກລະບາດ; ຍູ້ແຮງວິວັດການອັບເດດສະພາບການສັກວັກຊິນ ແລະ ຜົນການກວດເຊື້ອໂຄວິດເຂົ້າໃນລະບົບ ເພື່ອມີຄວາມສະດວກກວ່າໃນວຽກງານຄວບຄຸມໂລກລະບາດ. ທາງແຂວງ ກໍຕ້ອງຜັນຂະຫຍາຍການສັກວັກຊິນໃຫ້ທົ່ວເຖິງ; ເອົາໃຈໃສ່ວຽກງານປ້ອງກັນ, ຕ້ານໂລກລະບາດຢູ່ໂຮງຮຽນ ແລະ ເຂດອຸດສາຫະກຳແຫ່ງຕ່າງໆ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.