(ທ່ານເລຂາທິການໃຫຍ່ ຫງວຽນຟຸຈ້ອງ ຕ້ອນຮັບທ່ານນາງ Aung Suu Kyi ທີ່ປຶກສາແຫ່ງລັດມຽນມາ)
ທີ່ການຕ້ອນຮັບ, ທ່ານນາງ Aung Suu Kyi ໄດ້ແຈ້ງໃຫ້ທ່ານເລຂາທິການໃຫຍ່ ຫງວຽນຟຸຈ້ອງ ຊາບກ່ຽວກັບໝາກຜົນການເຈລະຈາກັບທ່ານນາຍົກລັດຖະມົນຕີ ຫງວຽນຊວນຟຸກ, ໃນນັ້ນ 2 ຝ່າຍໄດ້ສະແດງຄວາມຕັດສິນໃຈສືບຕໍ່ເພີ່ມທະວີການຮ່ວມມື ໂດຍສະເພາະແມ່ນທາງດ້ານເສດຖະກິດ, ການຄ້າ 2 ຝ່າຍ ແລະ ສົມທົບກັນຢູ່ບັນດາເວທີປາໄສພາກພື້ນ ແລະ ສາກົນຢ່າງມີປະສິດທິຜົນ, ກ່ອນອ່ືນໝົດແມ່ນໃນຂອບເຂດອາຊຽນ… ທ່ານນາງ Aung Suu Kyi ປາຖະໜາຢາກຊຸກຍູ້ການພົວພັນຮ່ວມມືຮອບດ້ານໃນທາງຝ່າຍພັກ, ລັດຖະບານ ແລະ ປະຊາຊົນ 2 ປະເທດໃຫ້ຫຼາຍກວ່າອີກໃນໄລຍະມາເຖິງ.
ສ່ວນທ່ານເລຂາທິການໃຫຍ່ ຫງວຽນຟຸຈ້ອງ ໄດ້ຢືນຢັນນະໂຍບາຍສະເໝີຕົ້ນສະເໝີປາຍຂອງຫວຽດນາມ ແມ່ນຖືເປັນສຳຄັນການເພີ່ມທະວີ ແລະ ເປີດກວ້າງການພົວພັນມິດຕະພາບ ແລະ ຮ່ວມມືຫຼາຍດ້ານກັບມຽນມາ; ຊົມເຊີຍໝາກຜົນການເຈລະຈາກັບທ່ານນາຍົກລັດຖະມົນຕີ, ທ່ານເລຂາທິການໃຫຍ່ສະເໜີໃຫ້ 2 ຝ່າຍຍູ້ແຮງການຮ່ວມມືໃນທຸກຂົງເຂດ, ໂດຍສະເພາະແມ່ນໃນບັນດາຂົງເຂດທີ່ມີຄວາມສາມາດບົ່ມຊ້ອນຄື: ການຄ້າ, ການລົງທຶນ ແລະ ການພົບປະແລກປ່ຽນວັດທະນະທຳ ກໍຄືໃນຂອບເຂດອາຊຽນ ແລະ ບັນດາເວທີປາໄສພາກພື້ນ ແລະ ສາກົນ, ເພື່ອສັນຕິພາບ, ສະຖຽນລະພາບ, ຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ.ແລະກໍ່ໃນຕອນບ່າຍວັນດຽວກັນ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ກໍ່ໄດ້ໃຫ້ການຕ້ອນຮັບທ່ານນາງ Aung Suu Kyi ທີ່ປຶກສາແຫ່ງລັດມຽນມາ. ທີ່ການຕ້ອນຮັບ, ທ່ານນາງປະທານສະແຫ່ງຊາດ ຫງວຽນທິກິມເງິນ ຢືນຢັນວ່າ, ມຽນມາ ແມ່ນຕະຫຼາດເຊິ່ງບັນດາວິສາຫະກິດຫວຽດນາມ ມີຄວາມປາດຖະໜາຢາກຜັນຂະຫຍາຍບັນດາການເຄື່ອນໄຫວລົງທຶນຍາວນານ ເພື່ອຜົນປະໂຫຍດລວມຂອງ 2 ປະເທດ; ປາດຖະໜາວ່າ ທ່ານນາງ Aung Suu Kyi ສືບຕໍ່ເອົາໃຈໃສ່, ສ້າງເງື່ອນໄຂສະດວກໃຫ້ບັນດາວິສາຫະກິດຫວຽດນາມ ດຳເນີນທຸລະກິດຢູ່ມຽນມາ, ພິເສດແມ່ນໃນບັນດາຂົງເຂດທະນາຄານ, ນ້ຳມັນອາຍແກັດ, ໂທລະຄົມ.
(ແຫຼ່ງຄັດຈາກ VOV)
