ຂ່າວສານ
ໜັງສືພິມລາວ ລົງຂ່າວ, ບົດເປັນຈຳນວນຫຼາຍກ່ຽວກັບການຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການຂອງ ທ່ານປະທານປະເທດ ຫວຽດນາມ ຫງວຽນຊວັນຟຸກ
ໜັງສືພິມ ປະເທດລາວ Daily ເຊິ່ງເປັນສິ່ງພິມຂອງສຳນັກຂ່າວສານປະເທດລາວ, ໄດ້ລົງບົດຂຽນດ້ວຍຫົວຂໍ້ວ່າ “ຊົມເຊີຍການຢ້ຽມຢາມສັນຖະວະໄມຕີ ສປປ. ລາວ ຢ່າງເປັນທາງການຂອງ ທ່ານປະທານປະເທດ ຫວຽດນາມ”. ບົດຂຽນດັ່ງກ່າວໃຫ້ຮູ້ວ່າ ການຢ້ຽມຢາມຂອງ ທ່ານປະທານປະເທດຫວຽດນາມ ຫງວຽນຊວັນຟຸກ ຄັ້ງນີ້ແມ່ນຢືນຢັນອີກເທື່ອໜຶ່ງເຖິງຫຼັກໝັ້ນສະເໝີຕົ້ນສະເໝີປາຍຂອງພັກ, ລັດ ແລະ ປະຊາຊົນສອງປະເທດ ລາວ - ຫວຽດນາມ ແນໃສ່ສືບຕໍ່ເສີມຂະຫຍາຍມູນເຊື້ອສາຍພົວພັນຢ່າງສະໜິດແໜ້ນລະຫວ່າງສອງປະເທດ ລາວ - ຫວຽດນາມ, ປະກອບສ່ວນເພີ່ມພູນຄູນສ້າງສາຍພົວພັນໄມຕີຈິດມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ລາວ, ຫວຽດນາມ.
ໃນວັນດຽວກັນ, ໜັງສືພິມ ປະຊາຊົນ, ກະບອກສຽງຂອງສູນກາງພັກປະຊາຊົນປະຕິວັດລາວ ກໍໄດ້ລົງພິມບົດຂຽນດ້ວຍຫົວຂໍ້ “ຄວາມສາມັກຄີແບບພິເສດ ລາວ - ຫວຽດນາມ ນັບມື້ນັບຜູກພັນຢ່າງໜຽວແໜ້ນ”.
(ແຫຼ່ງຄັດຈາກ VOV)
