ຕອນເຊົ້າວັນທີ 04 ຕຸລາ, ກອງປະຊຸມຄັ້ງທີ 6 ຄະນະບໍລິຫານງານສູນກາງພັກຄອມມູນິດຫວຽດນາມ ຊຸດທີ XII ໄດ້ໄຂຂຶ້ນຢ່າງສົມກຽດຢູ່ ນະຄອນຫຼວງຮ່າໂນ້ຍ. ທ່ານເລຂາທິການໃຫຍ່ຄະນະບໍລິຫານງານສູນກາງພັກຄອມມູນິດ ຫວຽດນາມ ຫງວຽນຟູຈ້ອງ ເປັນປະທານກອງຊຸມ.
ທ່ານເລຂາທິການໃຫຍ່ ຫງວຽນຟູ໋ຈ້ອງ ກ່າວຄຳເຫັນໄຂກອງປະຊຸມ
ທີ່ກອງປະຊຸມນີ້, ຄະນະບໍລິຫານງານສູນກາງພັກໄດ້ປຶກສາຫາລື, ໃຫ້ຄຳເຫັນກ່ຽວກັບ: ສະພາບເສດຖະກິດ - ສັງຄົມ ແລະ ການເງິນ - ງົບປະມານ ປີ 2017, ແຜນພັດທະນາເສດຖະກິດ - ສັງຄົມ ແລະ ແຜນການເງິນ - ງົບປະມານ ປີ 2018; ເພີ່ມທະວີວຽກງານປ້ອງກັນ, ດູແລເບິ່ງແຍງ, ຍົກສູງສຸຂະພາບຂອງປະຊາຊົນ ແລະ ວຽກງານປະຊາກອນໃນສະພາບການໃໝ່; ສືບຕໍ່ປ່ຽນໃໝ່ລະບົບການຈັດຕັ້ງ ແລະ ການຄຸ້ມຄອງ, ຍົກສູງຄຸນນະພາບ ແລະ ປະສິດທິຜົນການເຄື່ອນໄຫວຂອງບັນດາຫົວໜ່ວຍພາກລັດ; ບາງບັນຫາກ່ຽວກັບການສືບຕໍ່ປ່ຽນໃໝ່, ຊັບຊ້ອນກົງຈັກການຈັດຕັ້ງຂອງລະບົບການເມືອງຢ່າງກະທັດລັດ, ເຄື່ອນໄຫວຢ່າງມີປະສິດທິພາບ, ມີປະສິດທິຜົນ ແລະ ບາງວຽກງານສຳຄັນອື່ນ.
ທ່ານເລຂາທິການໃຫຍ່ ຫງວຽນຟູຈ້ອງ ກ່າວຄຳເຫັນເຈາະຈີ້ມ, ໃຫ້ເອົາໃຈໃສ່ຕື່ມບາງບັນຫາເພື່ອໃຫ້ສູນກາງເອົາໃຈໃສ່ໃນວິວັດການປຶກສາຫາລື, ພິຈາລະນາ, ຕັດສິນໃຈ. ທ່ານເລຂາທິການໃຫຍ່ ເນັ້ນໜັກວ່າ: ເນື້ອໃນຂອງກອງປະຊຸມສູນກາງພັກຄັ້ງນີ້ແມ່ນເຕື້ອງເຖິງຫຼາຍບັນຫາກວ້າງຂວາງ, ທັງເປັນພື້ນຖານທັງຮີບດ່ວນ, ກ່ຽວຂ້ອງເຖິງການພັດທະນາເສດຖະກິດ - ສັງຄົມໃນທຸກໆປີ, ປ່ຽນໃໝ່ການພັດທະນາສັງຄົມ, ປ່ຽນໃໝ່ດ້ານການເມືອງແບບຄົບຊຸດກັບການປ່ຽນໃໝ່ການພັດທະນາເສດຖະກິດ ຕາມເນື້ອໃນຈິດໃຈມະຕິຕົກລົງຂອງກອງປະ-5,ໃຫຍ່ ຄັ້ງທີ XII ຂອງພັກ.
(ແຫຼ່ງຄັດຈາກ VOV)