17/08/2021 21:04 GMT+7 Email Print Like 0

ໂທລະເລກທາງການຂອງນາຍົກລັດຖະມົນຕີ: ບໍ່ປະໃຫ້ປະຊາຊົນຂາດຂອງກິນ, ຂາດການໜູນຊ່ວຍສາທາລະນະສຸກໃນໂລກລະບາດໂຄວິດ-19

      ສືບຕໍ່ຍາດແຍ່ງເວລາ, ຮີບເຮັ່ງວິໄຈ, ຕາມຫາກໍລະນີ F0 ໃຫ້ໝົດ; ໂດຍສະເພາະແມ່ນບໍ່ປະໃຫ້ປະຊາຊົນຜູ້ໃດຖືກຂາດຂອງກິນ, ເຄື່ອນນຸ່ງ, ທີ່ຢູ່ອາໄສ, ບໍ່ໄດ້ຮັບການໜູນຊ່ວຍດ້ານສາທາລະນະສຸກ
ບໍ່ປະໃຫ້ປະຊາຊົນຜູ້ໃດຖືກຂາດຂອງກິນ, ເຄື່ອນນຸ່ງ, ທີ່ຢູ່ອາໄສ
(ພາບປະກອບ)
      ທ່ານຮອງນາຍົກລັດຖະມົນຕີຫວຽດນາມ ຫວູດຶດດາມ ຫາກໍ່ເຊັນປະກາດໃຊ້ໂທລະເລກທາງການຂອງນາຍົກລັດຖະມົນຕີກ່ຽວກັບການປ້ອງກັນ, ຕ້ານໂລກລະບາດໂຄວິດ-19. ໂທລະເລກຊີ້ແຈ້ງວ່າ: ຕໍ່ໜ້າສະພາບການຜັນແປຂອງໂລກລະບາດໂຄວິດ-19, ທ່ານນາຍົກລັດຖະມົນຕີຫວຽດນາມ ໄດ້ຮຽກຮ້ອງໃຫ້ຄະນະກຳມະການປະຊາຊົນບັນດາແຂວງ, ນະຄອນຂຶ້ນກັບສູນກາງທີ່ພວມປະຕິບັັດການແຍກຫ່າງສັງຄົມ ອີງໃສ່ສະພາບໂລກລະບາດໃນບໍລິເວນ, ຕ້ອງເປັນເຈົ້າການໃນການຕົກລົງເລື່ອງສືບຕໍ່ປະຕິບັດການແຍກຫ່າງສັງຄົມໃນບໍລິເວນທົ່ວແຂວງ, ນະຄອນ. ພ້ອມກັນນັ້ນ, ສືບຕໍ່ຍາດແຍ່ງເວລາ, ຮີບເຮັ່ງວິໄຈ, ຕາມຫາກໍລະນີ F0 ໃຫ້ໝົດ; ໂດຍສະເພາະແມ່ນບໍ່ປະໃຫ້ປະຊາຊົນຜູ້ໃດຖືກຂາດຂອງກິນ, ເຄື່ອນນຸ່ງ, ທີ່ຢູ່ອາໄສ, ບໍ່ໄດ້ຮັບການໜູນຊ່ວຍດ້ານສາທາລະນະສຸກ; ນະໂຍບາຍໜູນຊ່ວຍຢ່າງແທດຈິງດ້ວຍເງິນສົດ, ທັນຍາຫານ, ສະບຽງອາຫານ… ເພື່ອໃຫ້ປະຊາຊົນມີຄວາມອຸ່ນອຽນໃຈຢູ່ກັບທີ, ເຄົາລົບບັນດາຂໍ້ກຳນົດໃນການປ້ອງກັນ, ຕ້ານໂລກລະບາດ. ໜ່ວຍປະຕິບັດງານພິເສດຂອງລັດຖະບານ ສົມທົບກັບບັນດາແຂວງ, ນະຄອນທີ່ກ່ຽວຂ້ອງຜັນຂະຫຍາຍບັນດາມາດຕະການຢ່າງຄົບຊຸດ ເພື່ອຄວບຄຸມບັນດາແຂວງຄື: ເບັນແຈ, ຈ່າວິງ, ຊອກຈັງ, ບາກລຽວ… ຢ່າງແໜ້ນແຟ້ນ ບໍ່ປະໃຫ້ໂລກລະບາດແຜ່ລະບາດຈາກຕ່າງປະເທດ ແລະ ຈາກຕ່າງແຂວງເຂົ້າເຂດນີ້.
(ແຫຼ່ງຄັດຈາກ VOV)