18/09/2020 10:01 GMT+7 Email Print Like 0

ແງ່ຫວັງເສດຖະກິດຂອງ ຫວຽດນາມ ໃນໄລຍະກາງ ແລະ ໄລຍະຍາວສືບຕໍ່ສັນຍານຕັ້ງໜ້າທີ່ສຸດ

      ຕາມບົດລາຍງານຂອງທະນາຄານພັດທະນາ ອາຊີ (ADB) ທີ່ຫາກໍ່ປະກາດ, ໃນສະພາບການເກີດໂລກລະບາດໂຄວິດ-19, ການເຕີບໂຕເສດຖະກິດຂອງ ຫວຽດນາມ ຄາດວ່າບັນລຸໃນລະດັບ 1,8% ໃນປີ 2020 ແລະ ເພີ່ມຂຶ້ນໃນລະດັບ 6,3% ໃນປີ 2021. ແງ່ຫວັງເສດຖະກິດຂອງ ຫວຽດນາມ ໃນໄລຍະກາງ ແລະ ໄລຍະຍາວສືບຕໍ່ມີສັນຍານຕັ້ງໜ້າທີ່ສຸດ.

(ພາບປະກອບ: tapchitaichinh.vn) 
      ຕີລາຄາກ່ຽວກັບຂໍ້ສັງເກດການເຕີບໂຕເສດຖະກິດຂອງ ADB, ທ່ານ ຫງວຽນບິກເລິມ ນັກຊ່ຽວຊານດ້ານເສດຖະກິດ, ອະດີດຫົວໜ້າກົມໃຫຍ່ສະຖິຕິໃຫ້ຮູ້ວ່າ ຄາດຄະເນການເຕີບໂຕເສດຖະກິດ ຫວຽດນາມ ຂອງ ADB ແມ່ນລ້ວນແຕ່ເໝາະສົມກັບສະພາບການຕົວຈິງດ້ານເສດຖະກິດຂອງ ຫວຽດນາມ ແລະ ເໝາະສົມກັບການຄາດຄະເນຂອງກົມໃຫຍ່ສະຖິຕິ.
            ທີ່ກອງປະຊຸມນັກສາມັນຂອງລັດຖະບານ ຫວຽດນາມ ໃນເດືອນສິງຫາ ປີ 2020 ຜ່ານມາ, ກະຊວງແຜນການ ແລະ ການລົງທຶນ ຫວຽດນາມ ໄດ້ລາຍງານກັບລັດຖະບານກ່ຽວກັບການຄາດຄະເນການເຕີບໂຕເສດຖະກິດ ຫວຽດນາມ ໃນປີ 2020 ບັນລຸໃນລະດັບ 2-3%.
            ພ້ອມກັນນັ້ນ, ລັດຖະບານໄດ້ມານະພະຍາຍາມປ່ອຍເງິນລົງທຶນພາກລັດ, ປັບປຸງສະພາບແວດລ້ອມແຫ່ງການດຳເນີນທຸລະກິດໃນໄຕມາດ IV ປີ 2020 ແລະ ຊຸມປີຕໍ່ໄປ. ຄຽງຄູ່ກັນນັ້ນ, ເສດຖະກິດ ຫວຽດນາມ ຈະໄດ້ຮັບຜົນປະໂຫຍດຈາກການປະຕິບັດບັນດາສັນຍາການຄ້າເສລີ, ພິເສດແມ່ນການປະຕິບັດສັນຍາການຄ້າເສລີ  ຫວຽດນາມ - ສະຫະພາບເອີລົບ ແມ່ນກຳລັງໝູນ ແລະ ແມ່ນການກະຕຸກຊຸກຍູ້ໃຫ້ແກ່ການເຕີບໂຕຂອງຂົງເຂດກະສິກຳສິນໃນນ້ຳ ແລະ ອຸດສາຫະກຳ.
            ດ້ວຍຄວາມມານະພະຍາຍາມຂອງລັດຖະບານ, ປະຊາຄົມວິສາຫະກິດ ແລະ ບັນດາຄອບຄົວຜະລິດ, ດຳເນີນທຸລະກິດ, ໃນສະພາບການໂລກລະບາດໂຄວິດ-19 ຍັງມີການຜັນແປສັບສົນ ແລະ ປະຊາຄົມໂລກພວມຮີບດ່ວນຜະລິດວັກຊິນປ້ອງກັນ-ຕ້ານ ໄວຣັດ corona.
(ແຫຼ່ງຄັດຈາກ VOV)