19/04/2021 08:47 GMT+7 Email Print Like 0

ແຂ​ວງ ກວາງ​ນາມ ​ອາດ​ຈະ​ກາຍ​ເປັນ​ແຂວງ​ທຳ​ອິ​ດ​ໃນ​ທົ່ວ​ປະ​ເທດ​ນຳ​ໃຊ້​ທົດ​ລອງກົນ​ໄກ “Passport ວັກ​ຊິນ”

ໃນວັນທີ 15 ເມສາ, ທ່ານ ຫງວຽນວັນຮຸ່ງ ລັດຖະມົນຕີກະຊວງວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ ໃຫ້ຮູ້ວ່າ ກະຊວງມີແຜນການເປີດຄືນບັນດາການເຄື່ອນໄຫວທ່ອງທ່ຽວສາກົນຕາມຂັ້ນຕອນ.
ພາບປະກອບ: VOV

ຕອນເຊົ້າວັນທີ 18 ເມສາ, ທ່ານ ເລຈີ໊ແທັງ, ປະທານຄະນະມະການ ປຊຊ ແຂວງກ໋ວາງນາມ ໃຫ້ຮູ້ວ່າ ທາງແຂວງໄດ້ສົ່ງເອກະສານລົງທະບຽນໄປຍັງກະຊວງວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ ຕິດພ້ອມກັບຮ່າງເອກະສານວິທີການຮັບແຂກ.

ຖ້າໄດ້ຮັບການຮອບຮອງເອົາຈາກລັດຖະບານ, ແຂວງກ໋ວາງນາມ ຈະກາຍເປັນແຂວງທຳອິດໃນທົ່ວປະເທດນຳໃຊ້ທົດລອງກົນໄກ “Passport ວັກຊິນ”. ກ່ອນອື່ນໝົດ, ທາງແຂວງຈົດທະບຽນທົດລອງຄັ້ງຄັ້ງທີໜຶ່ງ, ຕ້ອນຮັບແຂກທ່ອງທ່ຽວສ.ເກົາຫຼີ, ທັງປະຕິບັດ ທັງຖອດຖອນບົດຮຽນເພື່ອປະຕິບັດຄັ້ງທີ 2, ເປີດກ້ວາງໄປຍັງບາງຕະຫຼາດສາກົນອື່ນໆອີກ. ແຂກທ່ອງທ່ຽວເຂົ້າເມືອງ ຫວຽດນາມ ໂດຍບັນດາບໍລິສັດທ່ອງທ່ຽວສາກົນຈັດຕັ້ງຕາມຖ້ຽວ, ແຕ່ລະຄົນລ້ວນແຕ່ຕ້ອງມີ Passport ວັກຊິນ ແລະ ໜັງສືຢັ້ງຢືນຂອງອົງການການແພດ ດ້ວຍຜົນກວດເຊື້ອໄວຣັດ SARS – CoV - 2 ເປັນລົບ.

ກ່ອນໜ້ານັ້ນໃນວັນທີ 15 ເມສາ, ທ່ານ ຫງວຽນວັນຮຸ່ງ ລັດຖະມົນຕີກະຊວງວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ ໃຫ້ຮູ້ວ່າ ກະຊວງມີແຜນການເປີດຄືນບັນດາການເຄື່ອນໄຫວທ່ອງທ່ຽວສາກົນຕາມຂັ້ນຕອນ. ໃນນັ້ນ, ໄລຍະທົດລອງແຕ່ເດືອນ ກໍລະກົດປີ 2021 ຫາ ເດືອນກັນຍາປີ 2021 ເຊິ່ງຈະສຸມໃສ່ຜະລິດຕະພັນການທ່ອງທ່ຽວພັກຜ່ອນບຳລຸງສຸຂະພາບຢູ່ທະເລ ແລະ ການທ່ອງທ່ຽວ-ຕີກອບສຳລັບແຂກທ່ອງທ່ຽວມາຈາກສ.ເກົາຫຼີ.

 (ແຫຼ່ງຄັດຈາກ VOV)