02/01/2022 13:31 GMT+7 Email Print Like 0

ແຂວງ​ກ໋​ວາງ​ນິງ ( ຫວຽດ​ນາມ )ໜູນ​ຊ່ວຍ​ແຂວງ ຫຼວງ​ພະ​ບາງ ໃນ​ວຽກ​ງານ​ປ້ອງ​ກັນ​ຕ້ານ​ໂລກ​ລະ​ບາດ​ໂຄວິດ - 19

ທີ່ການພົບປະ, ທ່ານ ຫງວຽນດັງຮຸ່ງ ຫົວໜ້າສະຖານກົງສູນໃຫຍ່ ຫວຽດນາມ ປະຈຳ ຫຼວງພະບາງ ໄດ້ສະແດງຄວາມເຊື່ອໝັ້ນວ່າ ແຂວງຫຼວງພະບາງ ຈະຄວບຄຸມໄດ້ໂລກລະບາດໂຄວິດ - 19 ເປັນຢ່າງດີ ແລະ ມີບັນດາມາດຕະການເພື່ອນຳທຸກການເຄື່ອນໄຫວກັບຄືນສູ່ສະພາບການທີ່ເປັນປົກກະຕິໂດຍໄວ ໃນສະພາບການປັດຈຸບັນ.
ທ່ານ ຫງວຽນດັງຮຸ່ງ ຫົວໜ້າສະຖານກົງສູນໃຫຍ່ ຫວຽດນາມ ປະຈຳ ຫຼວງພະບາງ ມອບເງິນເປັນຈຳນວນ 20.000 USD ໃຫ້ແກ່ສະຫາຍ ຄຳຂັນ ຈັນທະວີສຸກ ເລຂາພັກແຂວງ, ເຈົ້າແຂວງຫຼວງໆພະບາງ (ພາບ: TTXVN)

ຕອນບ່າຍວັນທີ 31 ທັນວາ, ທ່ານ ຫງວຽນດັງຮຸ່ງ, ຫົວໜ້າສະຖານກົງສູນໃຫຍ່ ຫວຽດນາມ ປະຈຳ ຫຼວງພະບາງ ໄດ້ມອບເງິນເປັນຈຳນວນ 20.000 USD ໃຫ້ແກ່ສະຫາຍ ຄຳຂັນ ຈັນທະວີສຸກ ເລຂາພັກແຂວງ, ເຈົ້າແຂວງຫຼວງໆພະບາງ (ປະເທດລາວ). ນີ້ແມ່ນຂອງຂວັນຂອງແຂວງກ໋ວາງນິງ ໜູນຊ່ວຍແຂວງຫຼວງພະບາງ (ໂດຍແມ່ນໜຶ່ງ ໃນ 3 ແຂວງທາງພາກເໜືອລາວ ແຂວງກ໋ວາງນິງໜູນຊ່ວຍໃນຄັ້ງນີ້) ເພື່ອປ້ອງກັນຕ້ານໂລກລະບາດໂຄວິດ - 19. ທີ່ການພົບປະ, ທ່ານ ຫງວຽນດັງຮຸ່ງ ໄດ້ສະແດງຄວາມເຊື່ອໝັ້ນວ່າ ແຂວງຫຼວງພະບາງ ຈະຄວບຄຸມໄດ້ໂລກລະບາດໂຄວິດ - 19 ເປັນຢ່າງດີ ແລະ ມີບັນດາມາດຕະການເພື່ອນຳທຸກການເຄື່ອນໄຫວກັບຄືນສູ່ສະພາບການທີ່ເປັນປົກກະຕິໂດຍໄວ ໃນສະພາບການປັດຈຸບັນ.

ສ່ວນທ່ານ ຄຳຂັນ ຈັນທະວີສຸກ ໄດ້ເປັນກຽດສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ຄະນະພັກ, ອຳນາດການປົກຄອງ ແລະ ປະຊາຊົນແຂວງ ກ໋ວາງນິງໄດ້ມອບຂອງຂວັນທີ່ມີຄວາມໝາຍນີ້, ສະແດງໃຫ້ເຫັນນ້ຳໃຈສາມັກຄີ, ການແບ່ງປັນຂອງແຂວງກ໋ວາງນິງ ກັບ 2 ແຂວງແຮກສ່ຽວຢູ່ທາງພາກເໜືອລາວເວົ້າລວມ ແລະ ແຂວງຫຼວງພະບາງເວົ້າສະເພາະ. ທ່ານ ຄຳຂັນ ຈັນທະວີສຸກ ປາດຖະໜາວ່າ ໃນໄລຍະຈະມາເຖິງ, ນ້ຳໃຈ ແລະ ການຮ່ວມມື, ການໜູນຊ່ວຍລະຫວ່າງ ແຂວງ ກ໋ວາງນິງ ແລະ ຫຼວງພະບາງຈະນັມມື້ນັບສະໜິດຕິດແທດກ່ວາອີກ.

(ແຫຼ່ງຄັດຈາກ VOV)