ຂ່າວສານ
ເລຂາທິການໃຫຍ່ ສປຊ ຮຽກຮ້ອງໃຫ້ຮ່ວມມືກັນເພື່ອຮັບມືກັນໂລກລະບາດໂຄວິດ - 19 ແລະ ການປ່ຽນແປງຂອງດິນຟ້າອາກາດ
ວັນທີ 15 ກັນຍາ, ກ່າວຄຳເຫັນທີ່ການປະຊຸມກັບ ສະຫະພາບທົ່ວໂລກ ບັນດາກຸ່ມບໍລິສັດໃຫຍ່ຮ່ວມມືກັບ ສປຊ (ຍັງໄດ້ເອີ້ນຫຍໍ້ວ່າ UN Global Compact), ທ່ານເລຂາທິການໃຫຍ່ ສປຊ Antonio Guterres ໄດ້ຮຽກຮ້ອງບັນດາຄູ່ຮ່ວມມືພາກລັດ ແລະ ເອກະຊົນ ຈົ່ງຮ່ວມມືກັບ ສປຊ ເພື່ອຟື້ນຟູໂລກແບບຍືນຍົງ ພາຍຫຼັງໂລກລະບາດໂຄວິດ - 19, ພ້ອມທັງຮັບມືກັບການປ່ຽນແປງຂອງດິນຟ້າອາກາດຢ່າງມີປະສິດທິຜົນ. ບັນດາຄູ່ຮ່ວມືມພາກລັດ - ເອກະຊົນຕ້ອງເພີ່ມການລົງທຶນແຫຼ່ງກຳລັງໃຫ້ແກ່ວຽກງານຮັບມືກັບການປ່ຽນແປງຂອງດິນຟ້າອາກາດ ເຊິ່ງຢາກເຮັດໄດ້ຄືນແນວນັ້ນ, ຕ້ອງມີການຮ່ວມແຮງຮ່ວມໃຈ ຂອງບັນດາວິສາຫະກິດອຸດສາຫະກຳ, ສ້າງບັນດາຄວາມຊິ້ນເຄີຍໃນການບໍລິໂພກໃໝ່ ແລະ ນຳໃຊ້ຜົນສະທ້ອນຂອງເຂົາເຈົ້າ ເພື່ອນຳບັນດາການເຄື່ອນໄຫວຜະລິດ, ດຳເນີນທຸລະກິດຕາມທິດມຸ່ງໄປເຖິງການປົກປັກຮັກສາສິ່ງແວດລ້ອມ.
ໄປຄຽງຄູ່ກັນນັ້ນ, ທ່ານ Guterres ສະແດງຄວາມປາດຖະໜາຢາກເຫັນວ່າ ນັບມື້ນັບມີຫຼາຍບໍລິສັດ ມີຄວາມຮັບຜິດຊອບກ່ຽວກັບສິ່ງແວດລ້ອມກ່ວາອີກ, ພັດທະນາຫຼາຍມາດຕະການຂຽວ ແລະ ສະອາດກ່ວາອີກ, ວາງອອກຫຼາຍເປົ້າໝາຍກ່ວາອີກ ເພື່ອມຸ່ງໄປເຖິງການປະຕິບັດສຳເລັດບັນດາເປົ້າໝາຍພັດທະນາແບບຍືນຍົງ ເຊິ່ງ ສປຊ ໄດ້ວາງອອກ, ພ້ອມທັງປະກອບສ່ວນເຂົ້າໃນການຍົກສູງລະດັບຊີວິດການເປັນຢູ່ຂອງ ປະຊາຊົນ ແລະ ຮັດແຄບຊ່ອງວ່າງຄວາມສະເໝີພາບລະຫວ່າງ ຍິງ-ຊາຍ.
(ແຫຼ່ງຄັດຈາກ VOV)
