15/08/2019 08:23 GMT+7 Email Print Like 0

ເພີ່ມທະວີການຮ່ວມມືໃນຂົງເຂດປ້ອງກັນຄວາມສະຫງົບລະຫວ່າງຫວຽດນາມ-ມຽນມາ

ວັນທີ 13 ສິງຫາ, ທີ່ຮ່າໂນ້ຍ, ທ່ານພົນເອກໂຕເລິມລັດຖະມົນຕີກະຊວງຕຳຫຼວດຫວຽດນາມ, ໄດ້ໃຫ້ການຕ້ອນຮັບທ່ານAungSoe, ຮອງລັດຖະມົນຕີກະຊວງພາຍໃນສາທາລະນະລັດສະຫະພາບມຽນມາ, ທີ່ໄດ້ເດີນທາງມາຢ້ຽມຢາມແລະ ເຂົ້າຮ່ວມກອງປະຊຸມພົບປະສົນທະນາກ່ຽວກັບການປ້ອງກັນຄວາມສະຫງົບຂັ້ນຮອງລັດຖະມົນຕີ ລະຫວ່າງຫວຽດນາມ-ມຽນມາຄັ້ງທີ 7.

ທ່ານພົນເອກໂຕເລິມລັດຖະມົນຕີກະຊວງຕຳຫຼວດຫວຽດນາມຕ້ອນຮັບທ່ານAungSoe, ຮອງລັດຖະມົນຕີກະຊວງພາຍໃນມຽນມາ (ພາບ: TTXVN)

ທີ່ການຕ້ອນຮັບ, ທ່ານລັດຖະມົນຕີໂຕເລິມມີຄວາມປາດຖະໜາວ່າ:ໃນໄລຍະຈະມາເຖິງ, ສອງຝ່າຍຈະຮັກສາບັນດາກົນໄກການຮ່ວມມືທີ່ມີຢູ່ແລ້ວ; ເພີ່ມທະວີການຮ່ວມມືແລກປ່ຽນຂໍ້ມູນຂ່າວສານດ້ານອາດຊະຍາກຳທີ່ກ່ຽວພັນເຖິງຄວາມສະຫງົບຂອງສອງປະເທດແລະພາກພື້ນ; ຕໍ່ສູ້ກັບການເຄື່ອນໄຫວສວຍໂອກາດກ່ຽວກັບບັນຫາຊົນເຜົ່າ, ສາສະໜາທີ່ກໍ່ຄວາມຂາດສະຖຽນລະພາບທາງດ້ານການເມືອງແລະຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມຂອງແຕ່ລະປະເທດ. ທ່ານ ລັດຖະມົນຕີປາດຖະໜາວ່າສອງຝ່າຍຈະຊ່ວຍເຫຼືອເຊິ່ງກັນໃນການບຳລຸງສ້າງດ້ານພາສາແລະແບ່ງປັນບົດຮຽນດ້ານຄວບຄຸມ ແລະຕໍ່ສູ້ຕ້ານອາດຊະຍາກຳທຸກປະເພດ; ສົມທົບກັນຢ່າງມີປະສິດທິຜົນ ແລະສະໜັບສະໜູນເຊິ່ງກັນແລະກັນຢູ່ເວທີປາໃສສາກົນ…

        ສ່ວນທ່ານ AungSoe ປາດຖະໜາວ່າໃນໄລຍະຈະມາເຖິງ, ການພົວພັນຮ່ວມມືລະຫວ່າງສອງຝ່າຍຈະສືບຕໍ່ພັດທະນາ, ປະກອບສ່ວນຮັບປະກັນຄວາມສະຫງົບຂອງປະເທດຊາດ, ຮັກສາຄວາມເປັນລະບຽບຮຽບຮ້ອຍ, ຄວາມປອດໄພທາງສັງຄົມຂອງສອງປະເທດກໍ່ຄືໃນພາກພື້ນແລະສາກົນ.

        ວັນດຽວກັນ, ກະຊວງຕຳຫຼວດຫວຽດນາມ ໄດ້ເປັນເຈົ້າພາບຈັດກອງປະຊຸມພົບປະສົນທະນາກ່ຽວກັບການປ້ອງກັນຄວາມສະຫງົບຂັ້ນຮອງລັດຖະມົນຕີຄັ້ງທີ 7ລະຫວ່າງກະຊວງຕຳຫຼວດຫວຽດນາມແລະກະຊວງພາຍໃນມຽນມາ. ນະທີ່ນີ້, ສອງຝ່າຍໄດ້ຮັບຮອງເອົາທິດທາງການຮ່ວມມືໃນໄລຍະຈະມາເຖິງ, ພ້ອມດຽວກັນນັ້ນກໍ່ໄດ້ເຫັນດີເປັນເອກະພາບສືບຕໍ່ຍູ້ໄວວິວັດການເຈລະຈາເພື່ອກ້າວໄປສູ່ການລົງນາມບັນດາສັນຍາ, ຂໍ້ຕົກລົງເພື່ອສ້າງພື້ນຖານດ້ານນິຕິກຳໃຫ້ແກ່ການພົວພັນຮ່ວມມືຢ່າງຍາວນານຂອງສອງປະເທດ.

        ສອງຝ່າຍໄດ້ເຫັນດີເປັນເອກະພາບຈັດກອງປະຊຸມພົບປະສົນທະນາກ່ຽວກັບການປ້ອງກັນຄວາມສະຫງົບຂັ້ນຮອງລັດຖະມົນຕີ ລະຫວ່າງຫວຽດນາມ-ມຽນມາຄັ້ງທີ 8 ຢູ່ມຽນມາໃນປີ 2020./.

(ແຫຼ່ງຄັດຈາກ VOV)