28/05/2019 09:21 GMT+7 Email Print Like 0

ເພີມທະວີການຮ່ວມມືທາງດ້ານປ້ອງກັນຊາດຫວຽດນາມ - ຈີນ

      ຕອນບ່າຍວັນທີ 27 ພຶດສະພາຢູ່ຮ່າໂນ້ຍ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ໃຫ້ການຕ້ອນຮັບ ທ່ານລັດຖະມົນຕີກະຊວງປ້ອງກັນປະເທດຈີນ ອວຍເພິງເຂືອ ຊຶ່ງພວມຢ້ຽມຢາມ ແລະ ເຮັດວຽກຢູ່ຫວຽດນາມ


ທ່ານນາງປະທານສະພາແຫ່ງຊາດ ຫງວຽນທິກິມເງິນ ແລະ ທ່ານລັດຖະມົນຕີກະຊວງປ້ອງກັນປະເທດຈີນ ອວຍເພິງເຂືອ
      ທີ່ການຕ້ອນຮັບ, ສອງຝ່າຍໄດ້ ເນ້ນໜັກວ່າ ໃນສະພາບການ ພາກພື້ນ ແລະ ສາກົນໃນປະຈຸບັນ, ສອງພັກ, ສອງລັດ, ສອງກະຊວງປ້ອງກັນປະເທດ ຄວນຕັ້ງໜ້າສົມທົບກັນຍູ້ແຮງ ສາຍພົວພັນ ລະຫວ່າງສອງປະເທດຕາມທິດຕັ້ງໜ້າ, ຈຳກັດບັນດາ ຄວາມບໍ່ລົງລອຍກັນ, ຜັນຂະຫຍາຍ ປະສິດທິຜົນ ແລະ ເສີມຂະຫຍາຍບົດບາດຂອງບັນດາກົນໄກຮ່ວມມືທີ່ສຳຄັນ ຄື ການພົວພັນແລກປ່ຽນດ້ານປອ້ງກັນຊາດຊາຍແດນຫວຽດນາມ - ຈີນ, ການສົນທະນາຍຸດທະສາດປ້ອງກັນຊາດ. 
    ກ່ອນໜ້ານັ້ນ, ໃນຕອນບ່າຍຂອງວັນດຽວກັນ ຢູ່ຮ້າໂນ້ຍ, ທ່ານພົນເອກ ໂງຊວນລີກ ລັດຖະມົນຕິກະຊວງປ້ອງກັນປະເທດ ຫວຽດນາມໄດ້ເປັນປະທານພິທີຕ້ອນຮັບຄະນະຜູ້ແທນຈີນ.
       ພາຍຫຼັງພິທີຕ້ອນຮັບ, ທ່ານພົນເອກໂງຊວນລີກ ໄດ້ເຈລະຈາກັບ ທ່ານພົນໂທ ອວຍເພິງເຂືອ, ລັດຖະມົນຕີກະຊວງປ້ອງກັນປະເທດຈີນ. ສອງຝ່າຍໄດ້ຢືນຢັນການພົວພັນຮ່ວມມືທາງດ້ານປ້ອງກັນຊາດຫວຽດນາມ-ຈີນໃນໄລຍະທີ່ຜ່ານມາ ໄດ້ມີການພັດທະນາສົມເປັນ ເສົາຄ້ຳ ທີ່ສຳຄັນຂອງ ການຮ່ວມມືຮອບດ້ານ ລະຫວ່າງສອງພັກ, ສອງລັດ. 
ກ່ຽວກັບບັນຫາທີ່ຍັງຄົງຄ້າງລະຫວ່າງສອງປະເທດ. ສອງຝ່າຍເຫັນດີ ຍຶດໝັ້ນແກ້ໄຂ ສິ່ງທີ່ຄ້າງຄາໂດຍສັນຕິວິທີ, ສ້າງຄວາມໄວ້ເນື້ອເຊື່ອໃຈ ຢ່າງໜັກແໜ້ນ, ຢັ້ງຢືນສະພາບແວດລ້ອມແຫ່ງສັນຕິພາບ ຢູ່ທະເລຕາເວັນອອກຊຶ່ງສອງຝ່າຍພ້ອມກັນສ້າງບໍ່ພຽງແຕ່ສະເພາະໃຫ້ແກ່ຈີນ ຫຼື ຫວຽດນາມເທົ່ານັ້ນ, ຫາກຍັງໃຫ້ແກ່ບັນດາຄູ່ຮ່ວມມືທີ່ມີເຈດຕະນາດີທີ່ມີການຮ່ວມມືກັບສອງປະເທດ ເພື່ອພ້ອມກັນ ພັດທະນາ.
       ພາຍຫຼັງການເຈລະຈາ, ທ່ານລັດຖະມົນຕີທັງສອງ ໄດ້ເປັນສັກຂີພິຍານ ພິທີລົງນາມໃນບັນດາເອກະສານຮ່ວມມື ລະຫວ່າງ ບັນດາອົງການທີ່ມີໜ້າທີ່ຮັບຜິດຊອບຂອງກະຊວງປ້ອງກັນປະເທດຂອງສອງປະເທດ ກ່ຽວກັບສາທາລະນະສຸກ, ການທະຫານ, ການກໍ່ສ້າງ ພາລະກອນການທະຫານ. 
 (ແຫຼ່ງຄັດຈາກ VOV)