04/08/2019 08:26 GMT+7 Email Print Like 0

ເຂົ້າຮ່ວມARF26: ທ່ານຮອງນາຍົກລັດຖະມົນຕີຟ້າມບີງມີງສະເຫນີ ຖືກົດໝາຍສາກົນເປັນສຳຄັນ

ກ່າວຄຳເຫັນທີ່ເວທີປາໄສພາກພື້ນ ອາຊຽນ ຄັ້ງທີ 26 (ARF – 26) ໄຂຂຶ້ນໃນວັນທີ 2 ສິງຫາ, ຢູ່ ໄທ, ທ່ານ ຟ້າມບີງມີງ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຕີລາຄາສູງ ບົດບາດ ແລະ ຄຸນຄ່າຂອງ ARF ໃນການເພີ່ມທະວີການເຈລະຈາ ແລະ ການຮ່ວມມື ກ່ຽວກັບບັນຫາການເມືອງ - ຄວາມໝັ້ນຄົງ ຊື່ງຕ່າງຝ່າຍຕ່າງມີຄວາມສົນໃຈ ກໍ່ຄື ຊຸກຍູ້ການຮ່ວມມືເພື່ອຮັບມືກັບບັນດາສິ່ງທ້າທາຍລວມຢູ່ພາກພື້ນ. 


 ທ່ານຮອງນາຍົກລັດຖະມົນຕີ ຟ້າມບີງມີງ

ພາບ:vietnam+


ທ່ານຮອງນາຍົກລັດຖະມົນຕີ ຟ້າມບີງມີງ ສະເຫນີ ສ້າງວິໄສທັດພັດທະນາໃຫມ່ ໃຫ້ແກ່ ARF ໄປຄຽງຄູ່ກັບການດັດປັບວິທີການເຄື່ອນໄຫວຂອງເວທີປາໄສ, ຖືນີ້ແມ່ນບັນດາໝາກຜົນສຳຄັນຄວນບັນລຸໄດ້ໃນປີ 2020.

ເມື່ອແບ່ງປັນຄວາມສຳຄັນຂອງສັນຕິພາບ, ສະຖຽນລະພາບ ແລະ ຖືກົດໝາຍຂອງພາກພື້ນ ແລະ ໃນໂລກເປັນສຳຄັນ, ທ່ານຮອງນາຍົກລັດຖະມົນຕີ ຟ້າມບີງມີງ ຊົມເຊີຍບັນດາຄວາມຄືບຫນ້າຢູ່ແຫລມເກົາຫລີ ໃນໄລຍະຜ່ານມາ ແລະ ປາດຖະຫນາວ່າ ບັນດາຝ່າຍກ່ຽວຂ້ອງຄວນຮັກສາທ່າບັນລຸຄວາມຄືບຫນ້າ, ສືບຕໍ່ການເຈລະຈາເພື່ອແກ້ໄຂຄວາມແຕກຕ່າງກັນ.

ກ່ຽວກັບສະພາບການຢູ່ທະເລຕາເວັນອອກ, ທ່ານຮອງນາຍົກລັດຖະມົນຕີ ຟ້າມບີງມີງ ຖືວ່າ: ຍັງມີບັນດາຄວາມວິຕົກກັງວົນເລິກເຊິ່ງກ່ຽວກັບການຜັນແປຢູ່ພື້ນທີ່ຕົວຈິງ, ທ່ານຮອງນາຍົກລັດຖະມົນຕີ ຟ້າມບີງມີງ ສະເຫນີ ບັນດາປະເທດຖືກົດໝາຍສາກົນເປັນສຳຄັນ, ໃນນັ້ນ ມີສິດ ແລະ ຜົນປະໂຫຍດຂອງບັນດາປະເທດແຄມທະເລ ຕາມ UNCLOS 1982 ປະຕິບັດ DOC ຢ່າງຄົບຖ້ວນ ແລະ ມີປະສິດທິຜົນ ແລະຮັກສາສະພາບແວດລ້ອມໃຫ້ສະດວກ ເພື່ອຫນູນຊ່ວຍໃຫ້ວິວັດການເຈລະຈາ ເພື່ອແນໃສ່ບັນລຸໄດ້ປະມວນຂໍ້ກຳນົດການປະພຶດຂອງບັນດາຝ່າຍຢູ່ທະເລຕາເວັນອອກຢ່າງມີປະສິດທິຜົນ ແລະ ມີຄຸນນະພາບ.

(ແຫຼ່ງຄັດຈາກ VOV)