ທ່ານ ເຈິ່ນແທັງເໝີນ ຮອງປະທານສະພາແຫງຊາດ ກ່າວຄຳເຫັນທີ່ກອງປະຊຸມ (ພາບ: TTXVN)

ຕອນເຊົ້າວັນທີ 13 ກໍລະກົດ, ປະກອບຄຳເຫັນໃສ່ການຄາດຄະເນບັນດາແຜນການພັດທະນາ ເສດຖະກິດ ສັງຄົມ, ແຜນການການເງິນແຫ່ງຊາດ, ແຜນການກູ້ຢຶມເງິນ, ຊຳລະໜິສາທາລະນະ ແລະ ແຜນການລົງທຶນສາທາລະນະໄລຍະກາງ 2021 – 2025, ຄະນະປະຈຳສະພາແຫ່ງຊາດ ໄດ້ເຫັນດີເຫັນພ້ອມກັບວິທີການຂອງ ລັດຖະບານກ່ຽວກັບ ລາຍຈ່າຍງົບປະມານເກີນດຸນໃນໄລຍະນີ້ ຄາດວ່າສູງກ່ວາ ໄລຍະກ່ອນ 3,7% GDP. ຄະນະປະຈຳສະພາແຫ່ງຊາດ ຖືວ່າ: ກຳລັງພາຍໃນຂອງພື້ນຖານເສດຖະກິດຍັງບໍ່ທັນເຂັ້ມແຂງ, ການເຕີບໂຕຍັງບໍ່ທັດຮັບປະກັນຄວາມໝັ້ນຄົງ. ຜົນກະທົບຈາກການປ່ຽນແປງຂອງດິນຟ້າອາກາດ, ຝົກຕົກນ້ຳຖ້ວນ, ນ້ຳທະເລຊຶມໄດ້ກໍ່ໃຫ້ເກີດຜົນພາຍຫຼັງຢ່າງໜັກໜ່ວງ. ພິເສດແມ່ນ ໂລກລະບາດໂຄວິດ - 19, ຕາມການຕີລາຄາແລ້ວ, ວິສາຫະກິດ ແລະ ປະຊາຊົນຍັງປະສົບກັບຄວາມຫຍຸ້ງຍາກ, ສິ່ງທີ່ຄ້າງຄາຫຼາຍຢ່າງ.

ແລະກໍ່ໃນຕອນເຊົ້າວັນດຽວກັນ, ຄະນະປະຈຳສະພາແຫ່ງຊາດ ໄດ້ປະກອບຄຳເຫັນໃສ່ ບົດລາຍງານລວບລວມຄຳເຫັນ, ຂໍ້ສະເໜີຂອງບັນດາຜູ້ມີສິດເລືອກຕັ້ງໃນທົ່ວປະເທດທີ່ສົ່ງໄປຍັງກອງປະຊຸມຄັ້ງປະຖົມມະເລິກ ສະພາແຫ່ງຊາດຊຸດທີ 15. ຄະນະປະທານຄະນະກຳມະການສູນກາງ ແນວໂຮມປະເທດຊາດ ຫວຽດນາມ ໄດ້ສະເໜີໃຫ້ລັດຖະບານຊີ້ນຳ ແລະ ຄວບຄຸມການນຳໃຊ້ກອງທັນວັກຊິນປ້ອງກັນ, ຕ້ານໂຄວິດ - 19 ຢ່າງແໜ້ນແຟ້ນ, ຕ້ອງມີຄວາມໂປ່ງໃສກ່ຽວກັບການຮັບ ແລະ ນຳໃຊ້ແຫຼ່ງເງິນອຸປະຖຳຂອງບັນດາອົງການ, ສ່ວນບຸກຄົນທັງຢູ່ພາຍໃນ ແລະ ຕ່າງປະເທດ.

(ແຫຼ່ງຄັດຈາກ VOV)