ຮອງປະທານຜູ້ປະຈຳການສະພາແຫ່ງຊາດ ຫວຽດນາມ ຕ່ອງທິຝອງ ຕ້ອນຮັບຜູ້ປະສານງານສະຫະປະຊາຊາດ ປະຈຳ ຫວຽດນາມ
ສະຫະປະຊາຊາດໃຫ້ຄຳໝັ້ນສັນຍາວ່າຈະໜູນຊ່ວຍ, ສະໜັບສະໜູນ ແລະ ແບ່ງປັນບົດຮຽນກັບສະພາແຫ່ງຊາດຫວຽດນາມ
ໃນຂອບເຂດກອງປະຊຸມ “ສະພາແຫ່ງຊາດ ແລະ ບັນດາເປົ້າໝາຍພັດທະນາແບບຍືນຍົງ”, ໃນຕອນບ່າຍວັນທີ 17 ທັນວາ, ທີ່ດາໜັງ, ທ່ານນາງຮອງປະທານຜູ້ປະຈຳການສະພາແຫ່ງຊາດຫວຽດນາມ ຫວຽດນາມ ຕ່ອງທິຝອງ ໄດ້ຕ້ອນຮັບທ່ານ Kamal Malhotra, ຜູ້ປະສານງານສະຫະປະຊາຊາດ, ຫົວໜ້າບັນດາອົງການຕາງໜ້າສະຫະປະຊາຊາດປະຈຳ ຫວຽດນາມ.
ທ່ານຮອງປະທານຜູ້ປະຈຳການສະພາແຫ່ງຊາດ ຫວຽດນາມ ຕ່ອງທິຝອງ ຕ້ອນຮັບທ່ານ Kamal Malhotraຜູ້ປະສານງານສະຫະປະຊາຊາດ ປະຈຳ ຫວຽດນາມ (ພາບ: TTXVN )
ທີ່ການຕ້ອນຮັບ, ທ່ານນາງຮອງປະທານຜູ້ປະຈຳການສະພາແຫ່ງຊາດ ຕ່ອງທິຝອງ ປາຖະໜາຢາກໃຫ້ UNDP ສົມທົບກັບຝ່າຍ ຫວຽດນາມ ມີບັນດາລາຍການຊ່ວຍບຳລຸງແຫຼ່ງສ້າງແຫຼ່ງຊັບພະຍາກອນມະນຸດ, ເພີ່ມທະວີທັກສະ, ຄວາມຮູ້ດ້ານກົດໝາຍສາກົນ ໃຫ້ແກ່ບັນດາສະມາຊິກສະພາແຫ່ງຊາດ, ເຂົ້າຮ່ວມສຶກສາຄົ້ນຄວ້າລະດັບຍຸດທະສາດ ແລະ ແກ້ໄຂບັນດາບັນຫາສາກົນ.
ທ່ານ Kamal Malhotra ໃຫ້ຮູ້ວ່າ ສະຫະປະຊາຊາດໃຫ້ຄຳໝັ້ນສັນຍາວ່າຈະໜູນຊ່ວຍ, ສະໜັບສະໜູນ ແລະ ແບ່ງປັນບົດຮຽນກັບສະພາແຫ່ງຊາດຫວຽດນາມ,. ທ່ານ Kamal Malhotra ກໍ່ໄດ້ຊີ້ແຈ້ງ, ການຮັບມືກັບການປ່ຽນແປງຂອງດິນຟ້າອາກາດ ແມ່ນບຸລິມະສິດສູງ ແລະ ບັນດາອົງການຂອງສະຫະປະຊາຊາດໄດ້ມີບັນດາແຜນການປະຕິບັດງານໄລຍະສັ້ນ, ກໍ່ຄືຈະສືບຕໍ່ສົມທົບຢ່າງແໜ້ນແຟ້ນກັບລັດຖະບານ ຫວຽດນາມ ແກ້ໄຂບັນດາສິ່ງທ້າທາຍນີ້. ໃນນັ້ນ ກອງທຶນດິນຟ້າອາກາດຂຽວ ພ້ອມແລ້ວທີ່ຈະສະໜັບສະໜູນບັນດາວິທີການແກ້ໄຂໄລຍະສັ້ນເຊັ່ນ: ເຮືອນຢູ່ໃຫ້ແກ່ປະຊາຊົນເຂດນ້ຳຖ້ວມ; ຢັ້ງຢືນວ່າ ສະຫະປະຊາຊາດ ປາຖະໜາຢາກໜູນຊ່ວຍຫວຽດນາມ ໃນການພັດທະນາເສດຖະກິດ - ສັງຄົມ ດ້ວຍເປົ້າໝາຍຊຸກຍູ້ພື້ນຖານເສດຖະກິດເຕີບໂຕຕາມທິດຍືນຍົງ ແລະ ກວມລວມ.
(ແຫຼ່ງຄັດຈາກ VOV)