ທ່ານນາງ ຫງວຽນທິຢວານ ອວຍພອນບຸນເຕັດ
ປະຊາຊົນແຂວງ ຮ່ານາມ . (ພາບ: Bao Ha Nam)
ເນື່ອງໃນໂອກາດບຸນປີໃໝ່ປະຈຳຊາດປີວອກ 2016, ວັນທີ 04/02, ທ່ານນາງຮອງປະທານປະເທດ ຫວຽດນາມ ຫງວຽນທິຢວານ ໄດ້ລົງຢ້ຽມຢາມ ແລະ ອວຍພອນບຸນເຕັດອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ຮ່ານາມ ແລະ ບັນດາທ່ານໝໍ, ບັນດາເດັກນ້ອຍເຈັບເປັນຢູ່ໂຮງໝໍ K (ຮ່າໂນ້ຍ). ເມື່ອຢ້ຽມຢາມ ແລະ ອວຍພອນບຸນເຕັດຢູ່ແຂວງ ຮ່ານາມ, ທ່ານນາງຮອງປະທານປະເທດ ຫງວຽນທິຢວານ ສະເໜີອົງຄະນະພັກ, ປະຊາຊົນແຂວງ ຮ່ານາມ ສືບຕໍ່ສາມັກຄີ, ແກ້ໄຂຄວາມຫຍຸ້ງຍາກ, ມານະພະຍາຍາມສຳເລັດບັນດາຄາດໝາຍເສດຖະກິດ - ສັງຄົມຂອງແຂວງທີ່ໄດ້ວາງອອກໃນປີ 2016ໃຫ້ດີເດັ່ນ. ທ່ານນາງຮອງປະທານປະເທດກໍ່ໃສ່ໃຈວ່າ ແຂວງ ຮ່ານາມ ຕ້ອງເອົາໃຈໃສ່ຈັດຕັ້ງບັນດາການເຄື່ອນໄຫວວັດທະນະທຳດ້ານຈິດໃຈໃຫ້ປະຊາຊົນໃນບຸນເຕັດເປັນຢ່າງດີ, ຮັບປະກັນໃຫ້ທຸກຄົນ, ທຸກຄອບຄົວລ້ອນແຕ່ໄດ້ຕ້ອນຮັບບຸນປີໃໝ່ຢ່າງເບີກບານມ່ວນຊື່ນ, ປອດໄພ, ປອດໃສ ແລະ ປະຢັດ.
ເມື່ອຢ້ຽມຢາມ ແລະ ອວຍພອນບຸນເຕັດບັນດາພະນັກງານຂະແໜງສາທາລະນະສຸກຢູ່ໂຮງໝໍ K (ຮ່າໂນ້ຍ), ທ່ານນາງຮອງປະທານປະເທດ ຫງວຽນທິຢວານ ສະເໜີບັນດາພະນັກງານການແພດໂຮງໝໍ K ເສີມຂະຫຍາຍຈິດໃຈ, ແພດໝໍປຽບເໝືອນແມ່ຜູ້ໃຈບຸນ, ຮັບໃຊ້ຄົນເຈັບຢ່າງສຸດຈິດສຸດໃຈ.
(ແຫຼ່ງຄັດຈາກ VOV)
