ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຕ້ອນຮັບເອກອັກຄະລັດຖະທູດ ໄທ ປະຈຳ ຫວຽດນາມ
ວັນທີ 24 ມິຖຸນາ, ທີ່ສຳນັກງານກະຊວງການຕ່າງປະເທດ ຫວຽດນາມ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີ່ງມິງ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດ ໄທ ປະຈຳ ຫວຽດນາມ ທານີ ແສງຣັດ ເຂົ້າຢ້ຽມຂ່ຳນັບຕາມພິທີການທູດ.
ທີ່ການຕ້ອນຮັບ (ພາບ: VGP)
ທີ່ການຕ້ອນຮັບ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີ່ງມິງ ສະເໜີວ່າ ໃນໄລຍະຈະມາເຖິງ, 2 ຝ່າຍສືບຕໍ່ຜັນຂະຫຍາຍບັນດາກົນໄກຮ່ວມມື, ເປັນຕົ້ນແມ່ນກອງປະຊຸມຄະນະລັດຖະບານຮ່ວມ, ຄະນະກຳມະການປະສົມກ່ຽວກັບການຮ່ວມມື 2 ຝ່າຍ, ປຶກສາຫາລືດ້ານການເມືອງລະຫວ່າງ 2 ກະຊວງການຕ່າງປະເທດ. ທ່ານ ຟ້າມບີ່ງມິງ ກໍ່ຊົມເຊີຍ ແລະ ສະແດງການສະໜັບສະໜູນຕໍ່ບາງໂຄງການ, ເຫດການໂດຍສະຖານທູດ ໄທ ເປັນເຈົ້າພາບຈັດຕັ້ງໃນໄລຍະຈະມາເຖິງ, ເປັນຕົ້ນແມ່ນໂຄງການໝູນໃຊ້ທິດສະດີປັດຊະຍາເສດຖະກິດພໍພຽງຂອງເຈົ້າຊີວິດໄທ ລາຊະການທີ 9 ຢູ່ແຂວງ ທ໊າຍງວຽນ, ໂຄງການກໍ່ສ້າງໂຮງໝໍໃຫ້ແກ່ຄົນທຸກຍາກຢູ່ແຂວງ ເງະອານ, ງານບຸນ ໄທ ຢູ່ ຫວຽດນາມ.
ສ່ວນທ່ານເອກອັກຄະລັດຖະທູດ ໄທ ທານີ ແສງຣັດ ໃຫ້ຮູ້ວ່າ: ປັດຈຸບັນ ໄທ ແມ່ນນັກລົງທຶນຕ່າງປະເທດໃຫຍ່ອັນດັບທີ 8 ຢູ່ ຫວຽດນາມ ແລະ ການລົງທຶນຂອງ ໄທ ເຂົ້າມາ ຫວຽດນາມ ຈະສືບຕໍ່ເພີ່ມຂຶ້ນໃນໄລຍະຈະມາເຖິງ ດ້ວຍບັນດາໂຄງການຂອງ SCG, Thaibev, Amata.
(ແຫຼ່ງຄັດຈາກ VOV)