18/06/2020 08:19 GMT+7 Email Print Like 0

ອິນ​ໂດ​ເນ​ເຊຍ​ ສົ່ງ​ສານຄັດ​ຄ້ານ​ສິດ​ປະ​ຫວັດ​ສາດ​ຂອງ​ ຈີນ ​ຢູ່​ທະ​ເລ​ຕາ​ເວັນ​ອອກ​ຂຶ້ນ​​​ຕໍ່ ສ​ປ​ຊ

ໂດຍສືບຕໍ່ບັນດາບາດກ້າວທາງການທູດຢ່າງແຮງ ໃນ ມໍ່ໆມານີ້ເພື່ອຄັດຄ້ານບັນດາຄຳຮຽກສິດຂອງ ຈີນ, ອິນໂດເນເຊຍສືບຕໍ່ສົ່ງສານທາງການສະບັບໜຶ່ງຂຶ້ນຕໍ່ ສປຊ ເພື່ອປະຕິເສດການຮຽກສິດກ່ຽວກັບ “ສິດປະຫວັດສາດ” ຕໍ່ເຂດເສດຖະກິດພິເສດ (EEZ) ຂອງອິນໂດເນເຊຍຢູ່ທະເລຕາເວັນອອກ.

ທ່ານນາງ Retno Marsudi ລັດຖະມົນຕີກະຊວງການຕ່າງປະເທດອິນໂດເນເຊຍ ຢັ້ງຢືນບໍ່ເຂົ້າຮ່ວມການເຈລະຈາກັບຈີນ

ສານທາງການສະບັບດັ່ງກ່າວຂອງອິນໂດເນເຊຍທີ່ສົ່ງເຖິງສປຊໄດ້ຢັ້ງຢືນຄືນໃໝ່ຫຼັກໝັ້ນຂອງປະເທດນີ້ກ່ຽວກັບບັນຫາທະເລຕາເວັນອອກຢ່າງຖືກຕ້ອງຕາມສົນທິສັນຍາສປຊກ່ຽວກັບກົດໝາຍວ່າດ້ວຍທະເລ (UNCLOS) ປີ 1982 ແລະ ຄຳຕັດສິນຂອງສານກຳມະການໃນປີ 2016. ທ່ານນາງ Retno Marsudi ລັດຖະມົນຕີກະຊວງການຕ່າງປະເທດອິນໂດເນເຊຍເນັ້ນໜັກວ່າ:

ອີງໃສ່ UNCLOS 1982 ອິນໂດເນເຊຍບໍ່ມີເຂດທັບຊ້ອນກັບຈີນ ດັ່ງນັ້ນບໍ່ເຂົ້າຮ່ວມບໍ່ວ່າການເຈລະຈາໃດກ່ຽວກັບການແບ່ງກຳນົດເຂດນ້ຳແດນດິນກັບປະເທດນີ້. ຢູ່ທະເລຕາເວັນອອກ, ອິນໂດເນເຊຍພຽງແຕ່ມີອະທິປະໄຕທັບຊ້ອນກັບ ຫວຽດນາມ ແລະ ມາເລເຊຍ. ເຖິງຢ່າງໃດກໍ່ຕາມ, ຜ່ານບັນດາການເຈລະຈາ, ອິນໂດເນເຊຍໄດ້ປະສົບຜົນສຳເລັດໃນການແບ່ງກຳນົດເຂດນ້ຳແດນດິນກັບ ຫວຽດນາມ ແລະ ມາເລເຊຍແລ້ວ, ປັດຈຸບັນ, ອິນໂດເນເຊຍພຽງແຕ່ເຈລະຈາການແບ່ງກຳນົດເຂດເສດຖະກິດພິເສດ (EEZ) ກັບສອງປະເທດດັ່ງກ່າວ.

ກ່ອນໜ້ານັ້ນ, ອິນໂດເນເຊຍໄດ້ປະຕິບັດຄຳຮຽກສິດຂອງຈີນຢູ່ທະເລຕາເວັນອອກຢ່າງເດັດດ່ຽວ ແລະ ຮຽກຮ້ອງໃຫ້ບັນດາປະເທດປະຕິບັດ ຕາມ  ແລະ ຄຳຕັດສິນຂອງສານກຳມະການໃນປີ 2016 ໃນເຫດການຮ້ອງຟ້ອງລະຫວ່ງ ຟີລິບປິນ ແລະ ຈີນກ່ຽວກັບການຂັດແຍ້ງກັນດ້ານອະທິປະໄຕ.

(ແຫຼ່ງຄັດຈາກ VOV)