ວັນທີ 18 ມີນາ, ບັນດາເຈົ້າໜ້າທີ່ຂັ້ນສູງ ກ່ຽວກັບຄວາມໝັ້ນຄົງ ແລະ ການພົວພັນຕ່າງປະເທດ ອາເມລິກາ ແລະ ຈີນ ໄດ້ເລີ່ມຕົ້ນການພົບປະທີ່ແກ່ຍາວເປັນເວລາ 2 ວັນ ຢູ່ Alaska ເພື່ອປຶກສາຫາລືກ່ຽວກັບບາງບັນຫາໃນການພົວພັນສອງຝ່າຍກໍ່ຄືສາກົນ. 
            ກ່າວຄຳເຫັນເປີດສາກການພົບປະ, ທ່ານ ລັດຖະມົນຕີກະຊວງການຕ່າງປະເທດອາເມລິກາ Blinken ໄດ້ຢັ້ງຢືນວ່າ ວໍຊິງຕັນ ຈະບໍ່ຊອກຫາການປະທະກັນກັບ ປັກກິ່ງ ແຕ່ຈະກຽມພ້ອມໃຫ້ແກ່ການແກ້ງແຍ້ງກັນລະຫວ່າງ ສອງປະເທດມະຫາອຳນາດໃນໂລກ ເທົ່ານັ້ນ. ຕາມທ່ານ Blinken ແລ້ວ,  ອາເມລິກາ ຈະປຶກສາຫາລືກ່ຽວກັບບັນດາຄວາມວິຕົກກັງວົນຢ່າງເລິກເຊິ່ງ ຂອງຕົນຕໍ່ບັນດາການກະທຳຂອງ ຈີນ ເຊິ່ງພວມນາບຂູ່ຕໍ່ຄວາມເປັນລະບຽບຮຽບຮ້ອຍບົນຂໍ້ກຳນົດກົດໝາຍ, ກໍ່ຄືບັນດາການກະທຳ ບັງບຽດ ດ້ານເສດຖະກິດຂອງ ປັກກິ່ງ ຕໍ່ບັນດາສຳພັນທະມິດຂອງ ອາເມລິກາ.